#لك_العزاء يامولاي ياصاحب الزمان
#عظم_الله لكم الاجر
#نسألكم_الدعاء

ابوذيات الإمام الكاظم (ع)

يدنيا عليّ چــــم شامت جِمَعتي
وجمعت الصبر ما فـادت جَمِعتي
بلايا الـمهدي مُـــو حلوة جُمُعتي
اناطِر والـمْنــــاطَر طـــــــال بيّه

بخفايا أسرار كل الناس حافي
حفاني الله وصرت بهواك حافي
يباب التوبه جيت بجــدم حافي
اتوب ابين اديــــــــك وهاي هيه

الدهر نيرانه بضلوعي وجرها
وتضيگ بصدري ونّاتي وجرها
السلاسل من احرّكها وجرها
يظل يجري الدمه برجلي واديه

ضعن روحه طريج الموت جدّاه
وراعي الصبر منّه الصبر جدّاه
يعالج بالسجن وإيصيح جدّاه
ماسحگت ضلوعي خيول اميّه

فراس المحمداوي

نعي للامام الكاظم عليه السلام

فوگ الجسر مطروح نعشه
وبغداد كلها اليوم وحشه
اشلون العزيز يموت غبشه
خل ناخذ افراشه ونفرشه

ناده المنادي وبجه العيون
راح ابن جعفر لا تتانون
خلص حياته بسجن هارون
ونعش الغريب ايريدله امتون

ون الجسر وشتد نحيبه
وامصيبة الكاظم مصيبه
وجنازته ضلت غريبه
وبعلته تحير طبيبه

محروم من الشمس محروم
اشلون الغريب يموت مسموم
طحنه وبعد ما نكدر نگوم
ومهموم يتوجه اعله مهموم

كلش خسارتنه جبيره
ومن شال شيله عشيره
حيرتنه بعده اشلون حيره
راح البعد ما نلگه غيره

للمكبره خل نمشي وياه
مو عالمتن عالروس شلناه
اتراب الكبر ياحيف غطاه
الشايل عزيزه وين نلگاه

الشاعر
تحسين الخفاجي

نعي

جاءت كل عشيرة واخذت خدورها

الا زينب بقيت لم يأتها احد

كلمن اخذها مــــــــخدراته
وضلن حســــين مــــدللاته
ياليــــل اليمـــرنه ونبــــاته
ويافي يلمــنه بلا عبــــــاته

كل حرمه مشت وانه وحيده
ودروب اهلـي شگــد بــعيده
والـــشام المتانيـــني عــيده
بالضــــــيم يهلي ولا نريــده

يا هسه واحد يجي من اهلي
يازينــــب امشيــنه يگـــــلي
راح الگــبل ويــاي ضــــــلي
ومن السبي متعوب شكــلي

لا هـــــــاد الدليل بـــــيوم -- لا چن
وبيه سنون دهري شكـــثر -- لاچن
خذو كل حرمه اهلها ومشت -- لچن
انـه ضليت واهلي اكطعو بيه

عبد العليلـه
✍حيدر ابو كيان الفاطمي

نعي

لمولاي علي السجاد ع

بالك يالتدفنه تلچم جـــــــــروحه
متونه من السياط هواي مجروحه
چم مره على عمته اطلعت روحـه
علي السجــاد ما هوّد تـره ونينــه

نوب يشيل هاي وتعـــثر الاخــره
واخره السوط سوه متونها حمره
مو يوم السبي درب السبي فتـره
تگوم ارقيـه ساعه وتوگع سكيـنه

يا دفان گيده مگطـــــع اچفــوفه
ولهسه جسمه ازرگ عينك تشوفه
لا عافه الشمر لا خولي اليعـــوفه
يشتموه ويضــــربوه وتهل عيـنه

الله يعينه شلـون حاله
يمشن مناحر هله گباله
محد بگده هضـم شاله
ويون مثل ون الثچاله

من السطح بالحجر شمروه
والماي حار اعليه صـــــبوه
عماته ضلن بس بالاحــــوه
من الشمس ذبلانه الوجـوه

ودع الليله هلــــه وناســـه
يا ما هضم بالروح جاســـه
ابــــن الاكــابر والـــرياسـه
ضربوه حجر وانصاب راسه

عبد العليلـه
✍حيدر ابو كيان الفاطمي

بهيدة يالخذيت الضعن.  موجر
كلب أنة على الخوان .    موجر
الجاورنة أمس يحسين   موجر
سلبنة وشتم سكنة ورقية

بعد يا خوي لمتنة.           متنعاد
شمريد أحسب اناجروحك  متنعاد
صحت ع الشمر خلي         متنعاد
لو عثرت اشيلن بية رقية

حتة النوك ما حنت.     مثلنة
وضل ينضرب للعالم.     مثلنة
أطفال حسين عود احنة مثلنة
بأول مشهد وماتت رقية

أخوي وجان للخيمة.   علم جان
رحل عباس وندور.      علم جان
براسي من كمر هاشم.  علم جان
وشراست حيدرة تفصلت علية

امشن يا حرم كلجن     ورى مشاي
على ابن امي الگلب شيب     ورى مشاي
امش بدموعي بس ينزل   ورى مشاي
دمع من دم يحني جفوف اديه

أخوي الجان بالميدان. ينهاب
عكبة الشمر بالصيوان. ينهاب
ردت عباس مثل الريح ينهاب
ويطفي خيامي ويسكت رقيه

خيول الهشمن صدرك.    وعينك
اجني و صعبة ألك أوصل وعينك.   
الشمر حاجاني بغيابك.   وعينك
نشدني وكصده يتبطر عليه

تراها ردت يا خوية بعيونك تراها
سبية الروح من بعدك  تراها
طحت انت وعلي شمرن تراها
وعكب جفك حبل شدوا بديه

الضعن يمشي يخوية  ما يتاني
وذبل كلبي وتاني     ما يتاني
كبل طرة صباحي      ما يتاني
اذا ما تمسي جفينك بديه

سهم كلبك ترى بكلبي ترك باه
هجمت خيل وبصدرك  ترك باه
شلون اختك على الهزل ترك باه
واخس خلق الله كادوني سبيه

كصدت نحرك يخويه  وشماته
وصياط الكفر متني       وشماته
فوك الهم يخوية       وشماته
يظحكون بحقد كامو علية

ما تسمع يخوية الصوت  ولأن
كلبي لشوفتك يحسين   ولأن
أمس وياك جنت بخير.  ولأن
بخرابة والشمر يفتر علية

الشمر يا خويه بالطف  حاد بينه
عيونه واثر سوطه  حاد بينه
بكثر ما طگ گفانه  حاد بينه
شبه الهلال واكثر صار بيه

الشمر يأمر عكب عباس. ونهة
حرمه و شيب الرضعان.  ونهة
كل الجيش كام يصيح.  ونهة
اخت حسين هاي الهاشمية

يا خي عباس من يمكم  رحلنة
وبس سياط تتلكى.      رحلنة
بطريج الشام ما شفنا.   رحلنة
شتايم والشمر يضرب رقية

يا حادي النوك للكافل   مر النه
بغيابه الشمر خله        مره انه
التشبه بالوصف أعظم مره النه
دفناها بخرابة آل اميه

صوط الشمر خلة. لوعة بيجن
يفززجن بصوتة.   لوعة بيجن
بخرابة فياي ماكو  لوعة بيجن
تسونهن ضرة لسكنة ورقية

ابوقاسم الاسدي

ابوذيات العقيلة زينب عليها السلام

نوحج ما بطل زينب.    ولا جن
شراد الشمر من عندجن.  ولاجن
حوافر خيلهم داسن.    ولاجن
بنحر حسين ابن خير البرية

وصل وجروح عدواني. ترس هام
وترس مو ماي بالجربة ترس هام
صاح اسكينة عذريني.  ترس هام
بعيني وخيمتج تاهت علية

ع الضهر حسين صارت خيل    لمة
داسنة وصعب يا بوي             لمة
ترى المجروح يشكي هموم.     لمة
وانة أمي الزهرة وبعيدة علية

يا عباس الشمر كوة يراني
حتة الجيش بعيونة يراني
ع طول درب ماشاني يراني
ويسولف لي شعمل بالغاضرية

بعد البيت من عكبك        شمر بيه
عكب عباس شو ضعني    شمر بيه
تدري بصوطة اسوى       شمر بيه
شمر زينب و طاحت ع الوطية

الخيل الداستك للخيم.    وصلات
بحوافرها لكيت ضلوع     وصلات
أحس نار بدليل اسعرت.   وصلات
وتهيج كل جرح مضموم بية

انة بيدي للكفلني انطيت   يرباي
وعيني تنتظر ملكاك.        يرباي              على طول الدرب ياعباس  يرباي
الشمر وحبالة ملتفة على أدية

الشمر ع الخيم كام يصيح   وجهاي
وانة احتاريت المن هاي     و جهاي
من كد الضرب غطيت        وجهاي
وصحت عباس خوية الحك علية

يمحمد شني المطلوب    وترد
انة حيلي تعب ياخوي.  وترد
شاهدت الخيول تروح.   وترد
ع الظهر حسين داست خيل أمية

أنة كلبي الشمر عباس.        علاه
وكلما تبجي رقية الرأس  .علاه.                 اسكتهة  كمت ياخوي       علاه
يسمعها الشمر ويضرب رقية

هذا موش ماي الله.     بلاني
الدمع وفراكهم بلوى.    بلاني
يل تسأل على زينب.    بلاني
المصايب غيرت شكلي علية

الحزن يا خوي من عكبك.   ويرنة
وكتالك يخي كاعد.            ويرنة
ربطنة الشمر بيدة.              ويرنة
وخذانة للقصر كلنة سبية

أنة بيوم المخيم علي.     شابين
رموش العين يا عباس.    شابين
أنة الفاكدة مو شاب.        شابين
فكد جسام والأكبر سوية

وحيدة بكيت لا ناصر.      ولا خيل
وخذاني الشمر من غصبن.  ولاخيل
الخيل الداسن بصدرك.      ولا خيل
لبقت تشفع لابن خير البرية

عليك الروح حزنانة.    تراها
الشمر بغيابكم خوية.   تراها
كون الخيل بعيونك.    تراها
بحوافرها دمة وهدت علية

أنة عكلي يخوية  .    شات مني
لسنهم يا ابو فاضل.   شات مني
كلت بسك يكلبي.       شات مني
رحل عباس ما يرجع علية

أنة ولادي المشو يحسين    سلهم
عن زينب لا تخلي العين.     سلهم
وكل جيش اليعادي حسين.  سلهم
وفدو رواحكم لإبن الزجية

يخوية الضعن يمشي    ما يتاني
وانة من الكفلني          ما يتاني
يريت أنة ويأمي          ما يتاني
ولا اشوفن أفعال الغاضرية

دمع زينب على اخوتهة    يهل كون
ويريت الضربو رقية       يهل كون
غيمة انكلب بيعيوني     يهل كون
من شفت الكفر سلبو رقية

راح الجان زينب.         يرحبلهة
وهسة الشمر صوتة.     يرحبلهة
شدهة بسرج ناكة.       ويرحبلهة
ركضت والحبل ملتف عليهة

على صدر حسين تروح الخيل   وجن  
ويعباس الخيم بالنار.             وجن
بخرايب كمت انم اليل.         وجن
اسمعة ينوح لو ضربو رقية

مشيتي وي شمر يا خوي. لاوين
بدية حبال حتة العظم.    لاوين
ما ريدن بجي ع الحسين  لاوين
ويحذرنة الشمر أنة ورقية

كلساع الشمر صوره يورني
بجلمه ومستحه احجيهه يورني
يخويه حسين ذباحك يورني
ومشاني بدرب غصبا عليه

كبل جان وي خوتي  ونسة بيتي
وهسة كبال وادم.     ونسة بيتي
يخوية شلون حالج.   ونسة بيتي
شتايم والشمر جتف ادية

الشمر بينه تجاسر.  وينك انته
وياون الكتلني    وينك انته
ان ضيم البكلبي وينك انته
اذا شافه العدو يبجي عليه

حوفر خيلهم داست   ورضات
ولا سكتت عساكرهم  ورضات
من الماي حرموني وانا رضات

لجن مو سهله تسبوها لرقيه

الخيل الداسن بصدرك.  وفاتين
احسهن داسن ضلوعي   وفاتين
أنة توفيت بغيابك.        وفاتين
بكطع رأسك ومن سلبو رقية

عليه الجيش من كل صوب يمعون
وحيد وما اشوفن بشر يمعون
سمعتج وانتي اتصيحين يمعون 
الشمر بحبال جر يجر رقيه

بلايه جفوف من صحتي ولاعين
وولا قوه البقت عندي ولاعين
كبال عيونج اتلوه ولاعين
سهم الجربه هد كل حيل بيه

مامش ماي ياخوية.    يرحنة
عكبك مو جرح واحد.  يرحنة
كضينة الدرب يا بن أمي  يرحنة
وطبع احبالهم صاير بدية

راح الشمر ياخذنه.  وير حيل
قوى لا بكت عندي.   وير حيل
عثرت وكام بحباله   وير حيل
طحت والكوم تتفرج عليه

العلية الصار بمر الله.     مشيتة
الدرب بصياط ومشاتم   مشيتة
جفي لو وصل دمعي.    مشيتة
أدية مربطة بسكنة ورقية

شفت أيام مو حلوات.     مرات
ويشتمني الشمر يحسين.  مرات
الخيل الداستك يا خوي.    مرات
بحوافرها دمة مرت علية

الشمر حتم علية اليوم       يسراي
بخرابة ولا اشوفن ضوة.    يسراي
الحبل جرح يميني وجرح.  يسراي
ولو عتني الشمر كله من ادية

ضعنة باجر يحمل.        ورا حيل
أركض وبجدم حافي.    ورا حيل
بعد ما أشوف يابن أمي ورا حيل
ولا واحد يفك احبال أدية

السيده زينب ع اتخطاب الأمام الحسين ع

مثل حيرت ام عـون اعليك.. من حار
تلوج ٱمـن العطش يحسيـن.. من حار
لـــو بــيـدي بـوادي الـشــام.. من حار

أظـل يـــمـــك و افـيّـيـلك بـــديــــــه
------------------------------*
ردت مـنـك يــراعـي الـجـود.. بس ماي
تجيبه ودوم اشـوفـك گـمـر .. بـسـماي
طـحـت واتجـرئوا يـحـچـون.. بسـمـاي

وأنـــه أفـيـاي الـعــرش صـيـوان ألـيــه
------------------------------*
ســـوط الـشـمـر يـا خــويـه.. وير بيچ
وگــــــــدام الـخـلـگ طـگـچ.. وير بيچ
رجع حد خـنـجـره بـنـحـري.. وير بيچ

نــظــر عـيـنـي ونـسـيـت الـصـار بـيـه
------------------------------*
الأمام الحسين -ع- مع السيده زينب -ع-

الـعـبـيـد اســهــام تـــرمـي.. والرمه الحر
عـلـيّــه و طـحـت بـالـطـف.. ورّمـل حـٰـر    
ركـــــض شـفـتـچ اجـيـتـي.. ورّم الــحــر

اجـــدامـــچ و الـجـــمـــر بـالـغـاضــريـــه

------------------------------*
بقلم خادم الحسين ع
الشاعر رعد الچريخي

مولاتي العقيلة

اعلـه متنچ كـــون نــاس اتخلي وردات
وحـــدايـــق تنزرع تحت الـجـدم  كـون

يــــم گـلـب الحنين وام الإحــــســــاس
المثلچ تنضرب لــــيــــش اعـلــه المتون

زينب زيـنــه معنى اسمچ  عــــرفــنــــاه
وچــــنــــتـــي ابين وادم عميه العيــون

الطرشه اگلوبهم مــدري اشعدهم ويـاچ
وعليچ اصعب جـــرح  گامــوا  يأشرون

جـــرحـــوچ بجــرح كلش صعب چـــان
بحيث امـــن الجــرح صــار اصفر اللون

بحچي يصعب عليچ ومگــدر احــچـــي
المهم تــــرس الأذن گــامــــوا يشــتمون

وانتــي احـــســــاس ورده بـهدوة الليل
وحچي اشگد وشماته احملتي يم عـون

الــــدمــــع شگگ جفنهن بـــــس حملتي
إمْخدّر حتــــى دمــــعــــچ مثلچ ايكون

عجيبه اشلون جــــرأوا شـالوا الســـوط
يــزيــنــب ويـــــن راح اليحمي الظعون

إختصاراً للحچي راح اخــــتــــم  بــهاي
رغــــم كــــثــــرت كـلام  بگلبي مرهون

بــــس هــــذا الســــؤال وأختم ويــــاج
اذا مــــوجــــود يــمـكـن يگلب الكـــون

------------------------------*

✍ بقلم خادم الحسين ع
     الشاعر رعد الچريخي

نعي لأستشهاد علي الاكبر ع

لسان حال مولاي ابا عبدالله ع :

شصاير بحالك وين طــولك
يبني الچنت ياعلي احلولك
تاليها سيـــف العــده ينولك
وتلتم اشباه الزلم حــــولك

ما ركد گلبي اعليك لحضـه
هيچ بأبوك يصــــير تــرضه
ريته حلم لا مــــوش يقضه
جسمك بــدم راسـك توضه

من اخذك هــسه لــلاخــيام
واواسدك يم راس جســـام
التملخ بخدها شلــون تنلام
يالــما تردك لينـه الايــــــام

حال ليلى ام علي الاكبر ع :

شافت ليلى ابنها شصار
                     بيه وعاينت حاله

اغمه اعليها بعض امرار
                    والدمعات همـــاله

صاحت ياعلــــي وليدي
                   طولك يالحلو شماله

ليش مگطع ومســلوب
                   هاي الشـوفه كتــاله

ونريد حگنه
من الربه ونــــريد حگنـه

ما يرجعلنه
راح الــولد ما يــرجعلنـه

وابعيد چنه
ملاگــه الاهل وابعيد چنه

والبين باگه
ربيــته انه والبــــين باگـه

يبسن ارياگه
من العطش يبسن ارياگـه

مامش شفاگه
وعند العدو مامش شفاگه

عبد العليلـه
✍حيدر ابو كيان الفاطمي