متسمحش لبنت/لست تتناقش معاك مجرد نقاش بخصوص تعريف الرجوله وما ينبغي وما لا ينبغي للرجل فعله.

أنا عارف إنك ممكن تسمع لخطيبتك/لزوجتك وهي بتتكلم عن الرجوله ومفهومها على اعتبار إنك عايز تطمئن من قيامك بالدور الي هي بتنتظره منك، وبتبقى فاكر إن ده بيقرب المسافات بينكم وبيزود التفاهم وكدا يعني.

في الحقيقه ده أول مسمار في نعش العلاقه بينكم
وبالنسبالي لا أسمح بفتح نقاش مع أي واحده بخصوص الرجوله ومفهومها إلا بغرض واحد فقط:

إني بختبرها علشان أشوف هي اتربت على إن الراجل علشان يبقى راجل بيعمل إيه ويتصرف إزاي وماشابه، ومن خلال الاختبار ده بقدر أشوف لمحه عن البيت الي هي اتربت فهي وهل ليها كبير حقيقي والا مجرد ATM بيعلفها هي وامها واخواتها وخلاص.

وبعد ما يخلص الاختبار ده بقرر إذا كانت دي بنت مناسبه والا مش مناسبه، وفي كلا الحالتين الموضوع ده مش بسمح بفتحه مره تانيه.

إحذر من النقطه دي
علشان لما بتسمح بيها بتكون بشكل لا واعي بتقولها أنا مش واثق في نفسي وخايف أكون أقل من توقعاتك فطمنيني وقوليلي أنا تمام والا لا؟ والنساء عندهم حاسه سادسه وبيشموا ريحة تشكك في نفسك وده بيكون لجامك الي لو مسكته الست الي معاك هتركبك وتلف بيك.

في رجاله بيخبوا على زوجاتهم إنهم راحوا عند أختهم أو أمهم، طب ليه بيعملوا كدا؟ ببساطه علشان لاحظوا إن كل مره مراته بتعرف إنه راحلهم بتعيشه يومين من أسوأ ما يكون، وبتقابله بإهمال وبتنفر منه وبتسنفز كل الي تقدر عليه من فلوسه.

طبعًا ده ثمار عملية التدجين الي بتتم بقالها سنيين وحط فوقيها الالتزامات الماليه الي هيتكبدها الزوج ده لو قرر يطلق وحط فوقيهم الحرمان الحتمي من الأولاد الي مش هيشوفهم إلا بمزاجها، وحط فوق كل ده إن الأغلبيه لما بيتجوزوا مش بيناسبوا ناس شبههم وبيتطلعوا لنسب رفيع عالي المكانه والسلطه.

ونتيجه لكل ده بيتحول الزوج لمفعول به على الدوام، بيبقى هو الطرف الخاضع في علاقه كان من المفترض إنه يبقى القائد بتاعها.

ـ طب ليه الست تزعل من زيارة زوجها لأخته أو لأمه أو إنه يهاديهم أو يجاملهم؟
= الإجابة ببساطه في الاستئثار بالموارد بتاعته لأنها شايفاه ملك ليها ولأولادها ومش من حق طرف خارجي يحوذ أي نسبه من الموارد دي.

وهتلاقوا ده بيبان بشكل واضح في اعتراض كتير من النساء على توريث أهل الزوج في العموم، ومطالبات نوعيه من عينة إخراج منزل الزوجيه من التركه الي هيتم توريثها وماشابه.

الخلاصه
لو مسمعتش الكلام والنصايح الي بنقولها فانت بتعرض نفسك لمصير مجهول مرهون برضى مراتك وأهلها عنك وانت حر.

في فترة الخطوبه

إحذر من الي بتطلب منك حاجه
واكرم الي بتكتفي بيك من غير حاجه.

وانت صغير لما كنت تعرف إن ابن خالتها رجع من الخليج واتجوزها كنت بتزعل على حبيبها وبتشوفه ضحيه للظروف الماديه الصعبه.

لما كبرت عرفت إن الضحيه الوحيده في القصه هو ابن خالتها الي سافر دفع من عمره سنيين علشان يكون نفسه، ولما حب يختار زوجه اختار قريبته الي واثق في أخلاقها وتربيتها.

لكن في الحقيقه هو خد واحده ليها ماضي مع واحد تاني في علاقه حرام استنفذت فيها التجربه الأولى لكل حاجه تقريبًا.

شوفت شاب بيقدم محتوى خاص بالأكلات المختلفه
هو محترم واسلوبه حلو وفعلًا بيقدم إفاده للناس المهتمه بالنقطه دي.

المهم إنه مهتم بدخله معينه في فيديوهاته
في المره دي بقى نسي الدخله دي وابتدى على طول.

المشكله مش هنا
المشدله في التعليقات وكم للبنات والنساء ما بين المخطوبه والمتجوزه الي داخلين يطمنوا عليه وهل هو زعلان من حاجه ويتباحثوا بقى في أسباب نسيان الشاب ده للمقوله الافتتاحيه بتاعته.

هنا أنا عايز ألفت النظر لنقطتين:
١. تكرار الإحتكاك حتى لو بضروره بيخلق حاله من الألفه بين جميع الأطراف والألفه مساحه رماديه وبيئة خصبه للشيطان يقدر يرمي فيها بذور كل الخبائث الي تتخيلوها والي متتخيلوهاش.

1. مفيش دكر هيقبل إنه يربط بإسمه بواحده مهتمه بحد مشهور لدرجة إنه لما مقالش جمله واحده متعوده عليها مقدرتش تتجاوزه الأمر وصرحت بقلقها عليه وعلا أحواله، فلو مهتمه تتجوزي دكر يبقى بلاش تكوني من النوع ده علشان بمجرد ما يشوفلك تعليق زي ده هيصرف نظر عنك لو كان ناوي يتقدملك، وهيفشكل لو كان خاطبك، وهيطلق لو كان متجوزك.

عايز أقول إن انتشار الفكر الذكوري بيحمي المجتمع من المرضى النفسيين الي بيقعوا في جرايم ابتزاز وعنف وأوقات بتوصل للقتل

لأن ببساطه تفكيرك هيتغير وهتشتغل على نفسك وهتستشعر قيمتك في حاجات حقيقيه بتعملها ومش هتجري ورا حد ولا تطارد بنت علشان هي رفضتك وبالتالي مش هتوصل لمراحل الابتزاز من الأساس.

مشاكل كتير في المجتمع هتختفي لو كل واحد أدرك إنه دكر.

في ظل الظروف الماديه الي بنعيشها
مش من العقل إنك تدفع كل تحويشة عمرك في جوازه.

اتجوز بالمتاح مهما الناس أوهموك إنه قليل
انت بتعرض والي عاجبها أهلًا وسهلًا
مش عاجبها؟ شوف غيرها.

حوار إن واحد يحب واحده فيدفع دم قلبه علشان يتجوزها ده من السفـ//ـه، لو هي كمان بتحبك هترضى منك بالقليل.

فكك من الشكليات والمؤهلات والجو الحمضان ده
بنت ناس طيبين وعجباك وماضيها نضيف؟
يبقى توكل على الله.

لو في بنت في دايرتك بتتعامل معاك عادي وبتحكيلك حاجات مش المفروض تتحكي لراجل وبتشاركك حاجات كتير لدرجة إنك بتحس إنها مش مكسوفه منك ومعندهاش أي قلق من الدكر الي جواك

فلازم تتيقن إنها مش شايفاك أكتر من أختها
هي شايفاك منقوع في الاستروجين.

البنت في حضور الراجل الي هي معجبه بيه
بتبقى متلخبطه ومكسوفه وبتشعر بشئ من التهديد في حضوره لأن عقلها مدرك إنه دكر فطبيعي تقلق منه.

خد بالك علشان فترة الجامعة المصننه الي انت عايشها دي ممكن تدخلك في علاقه حب من طرف واحد تكرهك في نفسك فيما بعد لأنك ببساطه ترجمت قرب البنت دي منك على إنه حب مع إن قربها منك بالشكل ده كان دلاله قاطعه على إنها مش شايفاك راجل من الأساس.

كل الجثث الي على قمة جبل إڤرست كان أصحابها متحمسين لدرجة إنهم خدوا قرارات غير مدروسه إنهم عايزين يبقوا استثنائييين، ودفعوا أعمارهم تمن للقرارات دي لانها كانت غلط.

انت مش استثناء
ولو عايز تجرب تبقى استثناء
ياريت ميبقاش فشل تجربتك يخليك تدفع حياتك أو حريتك أو فلوسك أو نسلك تمن للفشل ده ياصديقي.

تفهم ما تفهم مشكلتك