س: ما هو الشّيء الّذي يُرضي فاطِمة "عليها السّلام" ؟

يقول الشيخ فاضل الصفار الذي يزيد المؤمن ارتباطاً بفاطمة هو انضم للاستماع 🎧⏬.

#أبوذية **يميل الجدم عن دربه واعدله
واتاني واحسب اليومه واعدله
شوكت يمليها من قسطه وعدله
ويلمنا بمسجد السهلة سويه

محمد الجماسي**#اللهم_عجل_لوليك_الفرج

(﷽)
بصوت: حيدر السعد
قصيدة: للكاظم تعنينه
الشاعر: حيدر تركي الكربلائي
◾️◾️◾️◾️◾️
زوار بدموع العين   للكاظم اتعنينه
---------
البغداد اعتنينه اليوم  جينه انزور سيدها
باب الله وحشه هالباب  بوجوه التجي ايسدها

نعم نشتاكله والشوك  بكد دجله وروافدها
منشد اعله بابه اعلوك  احنه ارواحنه نشدها

المتعلق ببو طلبه
ايبدي اعيونه عالعتبه
ماشفنه ملك مثله
كبل بابه فتح كلبه
--------
نشتاك ويهزنه الشوك  للمن العذب اصفه
والي يكول هذا اهواي  لا ما انصف ابوصفه

الماعطشان للشباج  مايعرف شنو اللهفه
كهف الله ابن جعفر  هنياله الدخل  بكهفه

واليتوفق الكبره
اتشمله نظرة الزهره
ومو عجبه اليجي ابلا روح
روحه اتردله بالحظره
---------
من تتقفل الابواب  ومايبقالنه معبر
لايسره ولايمنه  نروح الموسى ابن جعفر

جربناها من اتضيج  وهم الدنيه يتعسر
تفرج بس عليه نقسم  بنحر حسين ابو الاكبر

اشكد ماتكبر الشده
حلها منوجد عنده
بس نقي السريره وروح
جفك خالي ميرده
--------
تاخذنه الحياة بعيد  من محنه الى محنه
كل مانبتعد ونروح  نرجع نلتقي ابصحنه

اذا مرات نتأخر  نحس بالشوك يذبحنه
انطيح وندري أبو طلبة يكومنه اذا طحنه

ينضح كلبه حنيه
وحنيته حسينيه
كل زاير عليه غالي
وميفرط ابغاليه
◾️◾️◾️◾️◾️
#اللهم_عجل_لوليك_الفرج

فزاعيه لقمر بني هاشم ع
الوزن نصف بحر طويل
*__

ضهضب و*اغضب العباس
من هظموا العلويه

◆━━━━◆❃◆━━━━◆

هظموهها ودمعها ايسيل
صاحت يا اسباع الليل
نمتوا والطريج اطويل

او دمعها يجره البنيه

◆━━━━◆❃◆━━━━◆

لونه حاضـــــر العباس
وينظر فعلت الارجاس
اصياح اوزجر ياهالناس

لا مــــــــــــينام  ليليه

رمـ✍آد آلخيـآمـ

◆━━━━◆❃◆━━━━◆

يكلبها وتظل طشار
هذا الجندل الكفار
وماخذ من علي الكرار

عبر وافنون حربيه

✍️ام احمد الهاشمي

◆━━━━◆❃◆━━━━◆
غضب عباس لسكينه
ايكلها الهاظمج وينه
وشال السيف بيمينه

اوهووس بالعزوبيه

الحجيه ام علي البصره

◆━━━━◆❃◆━━━━◆
ابو فاضل وتــــــــدرونه
تخوف خزرة اعـــــيونه
اخو زيـــنب يسمــــونه

الشجاعه وياه مـــــــــبنيه

ام علـ✍?ـــي البـــابلي

◆━━━━◆❃◆━━━━◆
شجاع ومايگدروله
لعب بزلامهم جوله
اشحدهم لو تدنـوله

الغيره باسمه مرويه

زيــ✍️ـــنـب خـضـر

◆━━━━◆❃◆━━━━◆
حلف عباس مايرجع
اله او جسمه امبضع
جفه او زنده امكطع

يوم العطشت ارقيه

*✍?أم عبـــــد اللــــه العابـــــدي*

◆━━━━◆❃◆━━━━◆
سوه بروسهم تله
محد كدر يوصله
نسر لو صال وتعله

خله الروس مرميه

✍?ام سكينه العبوديه

*__

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 1442هـ?
لانجيز حذف الاسماء
??*??نسالكم الدعاء????

«يا مَنْ إذا تَضايَقَتِ الأُمورُ فَتَحَ لها بابًا لمْ تَذْهَبْ إلَيْهِ الأوهامُ، فَصَلِّ علىٰ مُحَمَّدٍ وآلِ مُحَمَّدٍ، وَافْتَحْ لأُُموري المُتَضايِقةِ بابًا لمْ يَذْهَبْ إليْهِ وَهْمٌ يا أرحَمَ الرَّاحِمين».

#تراث **حين للزهره الوصي واراها
هاجت احزانه اوغده ينعاها

آه لـمّن نفض چفّه امن التراب
جذب حسره ولذعه جمر المصاب
گام يتأوّه اوبي ماضي الصواب
اوذكر حالة سلوته اوسلواها

جلس فوگ الگبر لاچنَّه اشجلس
بالچفن چبده اوبالزهره اختلس
ليث لاچن بيه شاة الهم فرس
والمهجته الهظم نابه ارعاها

التفت لاچنّه الگبر المصطفه
صاح يامن بيك جمر الغي طفه
وافتِك امتّك لاچن الوفه
عكس ما وصّيتهم ياطاها

وانته حي والموت ما يمّك دنه
ساس باطلها على الشر انبنه
لـمّن اخيالك امن الدنيه انفنه
كسر فَي اخيالها ابدنياها

اوبعد جرح امصاب فگدك ماخدر
اوما العهدك صار عالوادم شهر
خوش جبره البين جابر والدهر
اخذ منّي فاطمه اونحّاها

لاچن ابسنّتك اتعزّه يجب
والصبر اجمل اوعند الله احتسب
ما أمِل لاچن بدلاّلي تشب
نار يرمي الطير لفح اسناها

يبو ابراهيم الوديعه اتعنّتك
اختبرها اوشوف حالة بضعتك
لابد اتخبرك على شر امتّك
بالغليل المعتلگ بحشاها

سمت الوديعه لهلها من ترد
سالمه اولا من صدع بيها يجد
آه الاّ اوديعتك ليها تصد
ويل كل الويل من آذاها

وجّلب ابيمناك من عدها الجسم
اوشوف يبن العم ضلعها المنهشم
اوسگط محسنها اوبالمتون الوسم
اوحمرة اللّي لايحه ابعيناها

والذي يفني الصبر عنّي اويزيل
تندفن بضعتك سر بسواد ليل
گال ابو السبطين ودموعه تسيل
حمر من اسويد گلبه اجراها

طب لعد داره اوسد دونه الباب
وانفرد للنوح وحده او للمصاب
اوگعد لاچن بين شبليه الشباب
گعدة المغبون حامي احماها

يلتفت لابنه الحسن مكظم حزين
شاف ابو محمّد يسح دمعة العين
والتفت هالنوب لعزيزه الحسین
ينحب اعله امّه اوعلى فرگاها

اشلون زينب حالها ابذاك المحل
حال يشجي الصخر ويهد الجبل
حمر من الگلب مدمعها همل
تندب امها اوتصرخ اوتنعاها

الشاعر المرحوم الشيخ عبود غفلة

(317)**#اللهم_عجل_لوليك_الفرج

#تراث **مولاتي العقيلة تخاطب مولاي الحسين روحي فداهما

لايرضا الگلب ينسه و لا ترضه لعيون اتنام
ولا طيفك يفارگني و لا تنسيني الايام
وحشه تاكل ابروحي و دمع ما ينگطع سجام
وونين أهلك يذوبني ويهزني من الايتام اصياح
ــــــــــــــــــــــــــــــــــــــ#إنچاناتريدني أنسه و أبطل النوح وونيني
إخذ ذكراك من گلبي و إخذ صورتك من عيني
أيام الچنت وياك أناغيك وتناغيني
اشبيدي عايشه وياي من ذيچ الايام اشباح
ــــــــــــــــــــــــــــــــــــــ
عمر ما فارگيتك بيه تذكر يوم احنه اصغار
من حضن أمنه الزهره الجوانح حيدر الكرار
عيني اتبحر ابوجهك وروحي اوياك ليل انهار
بسماتك بعيني نور و صوتك بالسمع صداح
ــــــــــــــــــــــــــــــــــــــ
يا ثغر الرضعت اوياه الخوه من ثدايا امي
ويا وجهه العله ملگاه يزول و ينجلي همي
ويا جسم الذي برداه ريحة والدي وعمي
و يا عشرة عمر راحت و كل عمري عگبها راح
ــــــــــــــــــــــــــــــــــــــ
يا تالي هلي يحسين ما تنشد بعد عني
يا ضيها الذي بالعين يصبيها وگع مني
لا غير لهدوم السود و لا يضحك بعد سني
إنچان إنته رحت يحسين حزنك بالگلب ماراح
ــــــــــــــــــــــــــــــــــــــ
جنت من أبچي ما تقبل تنشف اعيوني من اتسيل
وعن الحر تظلل لي و صوب الشمس ليه اتميل
گلي اشلون ياخويه أشوفك عالرمال أجتيل
ولا أگدر أظلل لك وجسمك بس سمر وارماح

الشاعر المرحوم
الدكتور الشيخ أحمد الوائلي**#اللهم_عجل_لوليك_الفرج

.

منو النه لو ماهو بالدنيا منو النه
امن اهلنه امي اتگول يحسين امن اهلنه
محنة گلبه اجروح متروس ومحنة
امن اجنه مارد حتى الخيول امن اجنه

بأبي انت وامي سيدي  ياحسين

????

،
هذا طيفك شفته زاير عيني
راح اضمچ گال وتضميني
ماتِوقعْت انظرك راسك گطيع
والوعد بالموت من تلفيني!?