الشاعر طالب الصالحي
يشرفني تواجدكم داخل القناة
مدلي اديك
تفيض عيني فتوگ جربه
وركض محترگات اجيك
للتواصل. @ta_fa_3
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 8 Monate her
Last updated 2 Monate, 2 Wochen her
اللحن?
ويلي اعله زينب اه ويلي
لغربتها باد وراح حيلي
_______
اعيون كون ابجيلها اعيون
وبكل كتر عزيات لأم عون
ماعدها اهل ماضلًو اعزاز
ايشيعونها وبحرگة يبچون
بالشام ماتت غربه بالشام
وعيونها شگد شالت الام
من زارها قباض الارواح
جن گال زينب موتها العام
ليلي عساه بس نوح ليلي
_
ناشف دمعها هواي ناشف
ع الخوه واكلاف الطوايف
ياذيها حد الموت موقف
طبتها مچتوفه بمضايف
بالبال كل الصار بالبال
كل الحچي الي عليها ينگال
ياخارجيه وين اخوتج
بس روسهم برماح تنشال
بحركة يدمعه اهواي سيلي
_
والماي ابد ماقصر الماي
شايل عليهم كلش هواي
من بعد موت حسين ضامي
احچيله للماسامع بهاي
بتراب يممها بالتراب
الماي لغسلها شلون ينجاب
لزينب ولا واحد يشيع
وين الگه اكبر من هالمصاب
احجيلي وين الگاه احچيلي
__
الماشاف ضيمج كلشي ماشاف
يستگوي بيج الگلبه خواف
لبوة علي ورغم المصايب
منها الزلم ترجف وتلتاف
زينب وماادراك زينب
يطگ عرگ ابو فاضل ويغضب
لو بين اخيال العقيله
الموت اجاها وليه تندب
بالشام
ويلي اعله زينب اه ويلي __
طالب الصالحي
سامره باحزان ودمع طلعت وكلها تنادي
عاشر انوار المصطفى مسموم هذا الهادي
وبدارة مدفون __ودمعه بالعيون
*___
عا*شر ضلع من فاطمة اتهشم بين الغربه
عاش العمر كله بهضم صعبه يتعوض صعبه
بسامره روحه وكربله عايشه باله وگلبه
الهادي مصايب عمته ونيرانها الي تلهبه
يتصور حبال السبي وكونه يضيک بعينه
هو الباله الطف تره بس الله كون يعينه
يخلصها محزون _ودمعه بالعيون
*__
ا*جتمعت الشيعه نادبه يبن الجواد بدمعة
خلف الجنازه سيدي تشيع الاكوان السبعه
وبلا عمامه العسكري شگ ثوبه يمك ينعه
يصعب عليه وداعك ويصعب عليك تودعه
حاسر عليك العسكري وبگلبه صارت لوعه
بلل جفنها جنازتك من كثر سيل الدمعه
باقي بلا لون _ودمعه بالعيون
*__
يا*موحش غروب الرحت اشبه بيوم العاشر
بس سيدي دفنك حصل من دون سحكة حافر
ماضلت اعضائك عله رملة الطف تتناثر
وصحبتك يمك ماصحت ياناس الا من ناصر
مابيدك ابنك سيدي ينذبح ضامي بنبله
احا يعملة كربله مامنها تحصل عمله
جم ضلع مطحون_ودمعه بالعيون
*__
يا*سيدي هذا عهد نبقى نقيم مصابك
ونبقي نتزاحم سيدي كلنه على عتبة بابك
يابو الحسن هاي امنية تحسبنه من احبابك
نبقى الك كلنه خدم وكلنه فده لترابك
يبن الرضا نريد الرضا عنه يروح الزهره
نقيم العزاء ونفتخر نلطم عليك ونقره
شوف اليعزون_ودمعه بالعيون
*__
طا*لب الصالحي
تابوتي فارغ بس شكل تابوتي ضل ع الغبره
ذاك اليلم روحي صدگ حافر خيول تطشره
موزينب انه البالنعش قصة مأاسي وسفره
مامستراحه من الدمع من الدفع والعصره
منسي الفرح بيه انطبع كلبي ع اللوعه
شما اسكت يمرني حزن ودموعي مسموعه
حل موتي بس مالي تحل الراحه
مايرضه كلبي مستعز بنياحه
_______
**روحي اعتبت مامش متن يحمل جنازة روحي
ماعاتبتكم من جنت عدله وحچيته بنوحي
غسلوني يهلي موغرب يكسر كلبها جروحي
يلچمني بس هم بالغسل ماي الشح بمذبوحي
لو بيدي ايمم روحي بتراب الحضنك جسمه
لو امتدد بكتره واضل امدده يمه
مخضب اخوي ولحيته شمحلاها
يابخته الي بكبره اندفن وياها ______
يهل المحنه استعجلو بدفني تره مشتاگه
الليله انام بفي علي واشكيله من نتلاگه
عن غربتي وعن الهضم واحجيله عرجه الناگه
احجيله حلمي من ادي جم حافر الي باگه
وببرزخي اذكر غربة حسين وتصب عيني
واصرخ عمت عيني عليك موذر حسيني
جا گلبي يمته تخلص من احزانك
كل الجره وبعدك تدك بمچانك
_________
المن يعيش اليگعد بمصباحه مامش غالي
الينتضر جيت محب بس مايبين تالي
جنه سراب ويبتعد وانه اركض اتراوالي
يحسين اليه ماترد خويه ارحم بدلالي
طال الهجر وانه متت والملكه ماحاين
خويه الك مو دمعتي عينيه هم طاحن
استورحك ريحة ذبح چن بالبر
يالريحتك مسك وتوازي العنبر
___________
طالب الصالحي
يصعب عليه فاطمة يحضنها التراب
مافارگت بالي وبعدني مگابل الباب
'"""""""""""""""""""""""""""""""""""""""""""""""""""""""
فاطم انه جيت لگبرج تعنيت تمنيت انه بلحدج يضي عيوني
جيتج بلا روح بس ذكرى وجروح بس ثوب طايح عالگبر لگوني
فوگ الارض حيدر بقى خيال
راحت من ايدة زهرة الدلال
اثار دم ضلت على الجدار
ماتنمحي من الذاكرة محال
واليفگد يضل بلهفته متاتي الاحباب
'"""""""""""""""""""""""""""""""""""""""""""""""""""""""
ياوحشة البيت لو الها رديت يلاگيني بابج وانضر البسمار
يحضرني موضوع تكسير الضلوع والسطره اذكر واشتعال النار
زمره اهجمو يافاطمه عليج
وبلا خمار اشكفتي بس بديج
واقعه كسرت كاسر الجيوش
وحلته بدمعه للگبر يجيج
محني عليج وذابحة فراگج والمصاب
'"""""""""""""""""""""""""""""""""""""""""""""""""""""""
فاگد حنانج خالي مكانج وحسين لوشاف ام تجي وي ابنها
دمعه بعيونه من يسألونه وين الگبل جنت بوسط حضنها
يمسح دموعه المجتبى ويحضنه
ويكله راحت ماكو رده لمنه
زينب تجي كالعاده بيها كسره
وتكول ياهو الي بعد يلمنه
اطشرنه بعدج يالحنينه بسج غياب
'"""""""""""""""""""""""""""""""""""""""""""""""""""""""
راح العمر راح بس دمعه ونياح خلص يريته وانتهى بعجاله
قربج اجي كون وامليها العيون من شوفتح گلبي ارتجه وصاله
طال الهجر يافاطمه شوكت
نلتقي بحسرات الفکد صحت
محني وشلت فوگ المتن نعش
بيه روحي شايلها لمن شلت
بعدج بقه يهزني تره حتى الهوى الهاب
'"""""""""""""""""""""""""""""""""""""""""""""""""""""""
طالب الصالحي
كلميني فاطمة.. انا علي
يغص الفاگد بصوره مو الا بشراب الماي
يخنگه الجان اله نسمه ويحرگة الي جان افياي
الفکد يكسر موازين العمر كله ويسوي الشويه هواي
يخلي الجان اله بكلشي مشوره وراي يصفگ بيده تايه راي
كلميني فاطمة.. انا علي
الج بين الضلوع يفز الف نتاك بيه لجمه
الج وين والج ياحيف الج ياروحي يايمه
علي تكلف تفاصيلج لو وجهج ردت رسمه
بي سطره وطبع جف جور بي عين ادمعت هضمه
كلميني فاطمة.. انا علي
يزهرة روحي يمراية علي البيها يشوف الكون
يضحكة بيت مات البيت وصار بغربته مدفون
بيه ساعة مناحة وليل عتب واولاد يتباجون
اليوديني الج لو طيف اصيرله شكثر ممنون
كلميني فاطمة.. انا علي
انغبگ وجهج يلب حشاي وطك ضلعج كصب ناعم
شكد لاحج لهيب النار النفس دخان يترادم
مامشيوفه يالدفعوج مثلج ماكو من ادم
وهسه اعله اللسن ينكال طبو واضربو فاطم
كلميني فاطمة.. انا علي
بيت الله انرفع شبرين من كال ال و ان ادفع
حرمة بلا خمار تصيح الحگ ياعلي واسمع
غضب رب العرش الها من محسن بده يوكع
عين الدنيا كلها دموع لمن فاطمه تدمع
كلميني فاطمة.. انا علي
______
طالب الصالحي
من محرم بكسرة بعده خاطري
من محرم يزيدة جرح العسكري
الجرح جرحين الحسن وحسين
_
گلب واحد شكثر يحمل...ولا يگدر بعد لجمة
الحزن يطلع على وجهي...اذا طف كربله اشتمه
انه المهدي وجدي مجدل
شلون اصبر وبهاي اتحمل
توني اتصبر خلص شهره
وفكد الوالد مايتمهل
ليا مصيبة انحب واجري الدمع
ليامصيبة لسمه لو طحن الضلع
__
صحت بويه صدك سمك... حرگ احشائك وگلبك
ولكن مارجع مهرك... تلطخ لهلك بدمك
ماطفلك يروية دم نحره
ولاجسمك ضل فوگ الغبره
ولا خيتك ركضت بالحومة
وتخنكها من اتصيحك عبره
صح ضليمة عالرمل بس ماتضل
صح ضليمة بس يشيعونك اهل
__
الك سامره بدمعها ... ضجت وطلعت حزينة
لچن جدك بقه مرمي... وفرحت بذبحة مدينه
خلوه مسلوب وضل عاري
لهاي بگلبي تلاهب ناري
الله يعجل ليه الطلعه
واخذ، ثارك واخذ ثاري
مانسيته كلشي الصار وجرة
مانسيته العمد هامه طشره
___
اعيش بلوعة مصابي.... بگلب واحد الف حسره
بأبويه منتهى الامي... البدت من عصرت الزهره
انه الماله احد من اهله
الضلت حسراته الي تكتله
متاني الثار وامره يقيمه
ادعو لله الثار يعجلة
لله ندعي يضهر المهدي بعجل
لله ندعي يحيي وياه الامل
__
طالب الصالحي
:
المن عفتني ببيت الاحزان
الجانو صحابه اليوم عدوان
_________
عالمغتسل بعدك يمختار
والثاني حضر مشعل النار
ويانه عدهم بويه الف ثار
ايام وتشب بالباب نيران
__________
دمعي عليك بضيم صبيت
بعدك يبويه جنازه بالبيت
بضلوعي عصره وكسر حسبت
صحت ونعيت بگلب فجعان
_______
بعدك يتيمه وجنحي مكسور
عيني يبويه لجيتك تدور
تايه يعزنه الراي والشور
وينك يعنبر شاخت ادنان
_______
هذا الحسن يمك والحسين
يكلولك اكعد ياضوه العين
بسم الغدر لافيلك البين
سمتك الماعدها وجدان
_______
الشال على ضهره الدين مشيول
غاب وعدوه يصول ويجول
راح وسفرته تطول وتطول
دين الله منه طاحت اركان
_______
طالب الصالحي
:
يابويه مااحمل بعد....هجر هجر
غيابك طويل وما الي.... صبر صبر
گلبي ذايب.... يبو القاسم
وسفه غايب... يبو القاسم
_
انه بنتك فاطم ... يمك بجف لاطم
عالوجه يابويه مااعرف شنو الصار
شفت نفسك واكف... رجف گلبي وخايف
و(علي) ماصدك متت ضل يمي محتار
يابويه فدوه لاتغمض عينك بساع
خليني اخذ من حلات عيونك متاع
يابويه يذبح بنتك فراكك والوداع
يالدللتني شمسرعك .....رحت رحت
ارجعلي بس شيفيد اذا .....صحت صحت
طفه نوره ... ضوه هاشم
وسفه غايب.... يبو القاسم
___
گبل لاتتغسل... الوضع كله تبدل
وصارت احزاب وخطط ضد اهل بيتك
الگال يهجر قادها... هي هاي الرادها
من زمان مخطط لساعة منيتك
ماشهد لله واحد الا بغايه وحساب
اگلوبهم ران عليها وفوكها حجاب
والله حرام و واحد يسميهم اصحاب
اهل السقيفه كعدو ....بكتر كتر
وضل علي وحده يجهز.....الگبر گبر
وضل علينه....جور دايم
وسفه غايب.... يبو القاسم
___
المره شگد فرحانه...مابجت ويانه
للمنيه بويه من سبلت اديك
هذا يوم تنطره ...البي تشوف الزهره
اتيتمت ودموعها تجري عليك
هاي العصابه خططت واتنفذ وصار
وعالمغتسل وبلا جفن جثتك يمختار
عينك بعد ماغمضت وشحت هالانصار
المن عفتنه وياوصيه....الك الك
تنحرک باحر دارهم.... هلك هلك
من انوحك... لام لايم
وسفه غايب.... يبو القاسم
___
السمه حزنانه... جنها تبجي ويانه
يارسول الله اختلف كلشي بغيابك
العرش ركنه اتمايل...والفلك يتسايل
ياحبيب الله الدمع هذا لمصابك
جبريل فارش بالارض جنحه ورداءه
لله انقبض هذا المسى اغلى انبياءه
والكون كله قايم بحزنه وعزاءه
اسود ارضها اتشحت و....سمه سمه
ضلت ملائك تبجي اله... دمه دمه
رحل عنها... اوفى خاتم
وسفه غايب.... يبو القاسم
طالب الصالحي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 8 Monate her
Last updated 2 Monate, 2 Wochen her