هَنی خَم وَه گَرد گَرتِ خُبار هَتْ

هَنی هِناسی چی ژَرِ مار هَتْ

خاکِ خَم نیشتَر مِلِه شون بَلی

دَنگ هوار هَوار ئِه وَلگِ دار هَت

توزِه تنگی هَت چیِه چَئم باخ

رولَه رولَه گُل ئِه دس کیوار هَت

فلک پاشیتی خاک ئًر چَئمِ تَر

سرمَه خاک ئَرّا چَئمِ خمار هَت

خاکَه مَماسی ئِه کَلِ دِنون

بِلا ئَرّا گیون آئیمْ بیمار هَت

مَری توزونِ روژ قیامتَه!

زِنی ئِه طورِ مِردی مِزار هَت

خاکَه ماواری ئَر روی آوینَه

کَنی هُشگلو،چاوِ چنار هَت

روژمو بیَه سَه شوگار تاریک

هَفار هِناسی گرگ و کفتار هَت

هُوئر کَتیسِه قَپ سپاه سیاوی

اُوردی عذاوِه تنگ گاشِمار هَت

یَه سِزا کُومی ستمکاری بی؟

گِه هونَه یَخَم گیر ستمکار هَت!

هَر کَس نَمِری چی فِرَه مُوینی

مَه دیمْ پاویزِ نومجا وِهار هَت!!

#ماشااکبری
@vatourah

برای جاودانه موسیقی ایران زمین استاد محمدرضا شجریان

دَنگِت ئِه بَرزی دُونیائَه مائی

ئِه دَمِ تیشَه فِریائَه مائی

ئِه دِنْ دَماوَنْ دَنگتَ مَشْنُوئِن

وَه گَردِ کَنی کِنیائَه مائی

دَنگِتْ ماوَه آوْ ئِه چَم مَجُرّی!

ئِه گِری گیسِ چِنیائَه مائی

یِه گِلْ چی خَنَه مَنیشی ئَر لو،

یِه گِلْ ئِه نارِک رِنیائَه مائی

دَنگِتْ قوآقو عشق و دوسیَه،

ئِه هُومسا ئَرا هُومسائَه مائی

وَختی دَنگَر دَنگْ کَمونچَه ماوْژی،

کِزَه کِز گیسَل برٓیائَه مائی!

#ماشا_اکبری
@vatourah

ئی پا ئَه پامَه فرار کَم بِچِم
وِژِم هُمرنگِ شوگار کَم بِچِم

هر که گه مچو ورگرد نمه که
یا قاو یا کلاو، قمار کم بچم

کِراس و کلاش، ئِه ور ئه رارم
خِه رولی عَقِل اوسار کَم بِچِم

دیدار دونیا بی دوس پَشیزی
دَرِ دو دیدَم دیوار کَم بِچِم!

بِهِشت بی شیرین،شیرینی نِه ری
بیلن بی سُتوین هُمار کَم بِچِم

مِردِنْ هَمِیل و مَمِیلِ میلِم
دایائِ دونیا سی دار کَم بِچِم

آسیاو وَه گِه،گِه ئو مِه نِهَت
بارِ دلِم آو وِردار کَم بِچِم

گَمالْ بیَه سَه توشی کیشِ گرگ
شوئْن خَسِ خاو بیار کَم بِچِم

مِه هَتِم وَه دی تا روی تو بوئینِم
دلم وَه دردِت دچار کَم بِچِم

پَنجی ئِه پَنجی کَرکیتَه ماوژِم
دِلِم چی ریشی تَمدار کَم بِچِم

یه بون و هَوَس هزارون حوا!
دل ئِه دوس داشتِن بیزار کَم بِچِم.

@vatourah

واتوره را بخوانید???

رفیقی تیخ و تَوَرِم نِمِه

خلاتِ خوینی خنجرم نِمِه

وَه گَرد نارفیق ئو رّی نِمَکوم

سیل و سیاحتِ سفرِم نِمِه

سرمَه پاتونا مائی و مچو

سرم بارنا، مه زرم نمه

وَه گَرد بَردگُلو گیردیمَه،دیمَه

دَسَه براوی دَس یَرِم نِمِه!

بِچِت ئِه مَردیِ دیدَم نَچُکِن

ئِه باخ بَخَلِت ثمرم نِمِه!

تو شیئرِ سیلِ مِه نِمَخُئنی،

مِه هم کتاو و دفترم نِمِه

بیلا آو بوریم بی تُرٓ و بی شُرٓ

هُول و هَفارا، گَر گَرِم نمه

گُویَه گِیارَه تو گِه ئه ری بو

مِنِ یِه یا چی سنگرِم نِمِه

ئه وَر کومالاو کوما نِمارِم

بَطِ بِلائِم شَه پَرِٓم نِمِه!

@vatourah
#ماشا_اکبری

واتوره را بخوانید???

کَلکَه حسرتم، کِلَکی دردِم

کِنِه ساگَه شون، هوزِ نامَردِم

چِنی ئِه هَرّی چِنی ئِه حَسرَت

تالی ئِه خَرٓی و پوئی ئِه بَردِم!

اَمارگَه آخِم، خَرموجا خَمِم

باخ پاویزی همیشه زردم

سینَم‌ بیَه سَه مینَه ایلِ آخ،

آگِر مَه رُچی ئَه آهِ سردِم

روسَمِم اما رُوی سیآو کِردِم

بازو بی زور و دَس بی زَوَردِم

چی ژن کُرٓ مِردی وِرَنِسگَه مَم

گریوه قورِسونی هاوَه گردِم

بَنِ دل برٓیا چَکو‌ حکیمِم

ئِه دردَه باری تو نوشَه گَردِم

کِلِک نیشونِ عشق و عذاوم

نهاتَه ماوَه تاریخ رُوی بَردِم.

@vatourah
#ماشا_اکبری

واتوره را بخوانید???

ئَرا دَس ئِه سَر مِه ئور نمه ری؟

سیل ئه چم تر مه ئُور نِمِه ری؟!

هاوینِه سنگر دسِت ئَر ماشَه،

ئَرا کاسه سر مِه ئُور نِمِه ری؟!

?

ئرا خنجر ئه زخمِم خِرٓه مِی؟

جِکَه نیفَه گیون گیونِم پِرٓه مِی

دو داسِ دو دَم ها دسِ سِیلِت

وَه‌ سیلی صد گیون یه جا بِرٓه می

?

شَپَه توزونِ شِمِرت و شونَه

قَپ قِرٓ آگر و گیسِ خَرمونَه

رنگینی جِل شال، بِرٓین دُم و یال

داوَت زالِنَه وُ دو دَس مُوئُونَه!

?

بازی چَئَم و چَم زِه لَه چِه ئه؟

ئِه دَسَه بِرا، پِشت قُولَه چه ئه؟

تو گِه کِلَت دا هِه گِه چاو مِه هَت

ئی گِری نیتَه سَر چِلَه چِه ئه؟

?

اُردی مِرژِنگِت سُون ئَر سُون نیشتی

ئِه لامَردُنِت هَزار خُون نیشتی

ئِه ژیر شَه لَه مَه شِلالِ گیسِت

میمو طالع رَشِ پَریشون نیشتی

?

زیرَٓ زاوَرون و‌ُ زِرِٓه زنجیره

روژ قُوآقوئَه، شُو قیرَٓه قیرَٓه

گُمونِم گالَه نوئَه چی موشی

ئیمشو پاشدَسَک ئُو ئیم تَجیرَه

@vatourah
#ماشا_اکبری

واتوره را بخوانید???

کَسی دِه خَوَر خوئی نِماری

خَوَر ئِه هَتِن روئی نِماری

بَستی ئِه ری آو، سِپا سیلنجاو

آویار بیل ئَر نوم جوئی نِماری

گُلاو رِشیائَه، گُل پَرَٓه پَرَٓه

وِهار هم دِه گُل نوئی نماری

ئِه دَسِ گِل گِپ گورچنگَه مُزِن

کَس ئَرا کَتی چوئی نماری

شَل و شَکَتان، ئِه ویرا چه نَه

دَسی پیالَه دوئی نماری

کِشتو، کِشماتَه، کوئخا کُشیائَه

کس ئه قلا چول قوئی نماری

هُمال هَتی تا پاساره دیوار

کس ها ئِه جوآو هوئی نماری

فلک ئرا دل چی پلنگ پیرم

آهوئی ئر آسوئی نماری

کِراخِ قالیِ دل ئوروشیائَه

کَسی تالی ئَر پوئی نماری!

@vatourah
واتوره را بخوانید???

چلچله به چنگ اژدها

کبوتر در بزم کفتار

کز کز گیسو در شهوت شعله!

شقاوت داس و گریه گندمزار

شکاف شقیقه در گسل گناه!

جهان جولانگاه جهنم است

تابوتها در فکر تسخیر جهانند

ایستادگان در کرانه کراهت!

این هیاهو چیست؟

فغان جهان!

تابوت های خندان!

عقربه ها

روی ساعت انفجار  کوک شده اند

قبیله های ماقبل قساوت در راهند

تا قاف قیامت راهی نمانده است

اگر همه خیاطهای جهان

کفن بدوزند

باز نیمی از جنازه های جهان

عریان میمانند!
@vatourah

واتوره را بخوانید???