Менга қор хат ёзинг.
Қор ёғди бугун.
Ғамлар аригандек дунё бошидан,
Лаҳза унутайлик инжиқ ҳисларни,
Кўнгил зада бўлган қайғу ёшидан.

Менга қор хат ёзинг,  кўрмоқ истайман,
Мактуб узра титраб турган дилингиз.
Сўзлар оловида ёнайин такрор,
Қордек эритингиз,  қордек эринг сиз.

Менга қор хат ёзинг, асрайман уни,
Савдойи умримнинг ёлғиз ганжидай.
Мен эса хатимда минг биринчи бор
"Мен сизни севаман",  десам,  ранжиманг.

Шоира Шамс

Не тонгки, ажал келмасидан келса бурунроқ.
Мажнундек элармен этаким бирла чу туфроқ,
Гўёки фано гарди ёғар ул элакимдин.

Бўлмоқ, не ажаб, кимсага гар ишқида гирён,
Эрк истаган итдек ўзим урсам дағи ҳар ён,
Не телбалик ўлғай бу кўйи ўртаса туғён
Ҳасрат иликин тишлаб ичармен ғамидин қон,
Айшимни хаёл эт бу майу ул газагимдин.

Ол жонники, сенсиз эса, марғубим эмас умр,
Васл  уммиди кўнглумдаки, мақсудим эмас умр.
Шоира, дегай: "Руҳима мансубим эмас  умр".
Ҳажрида Навоий кеби матлубум эмас умр,
Ҳар кимни тилармен чу йироқмен миракимдин.

8.02.22

Алишер Навоий ғазалига мухаммас

Чарх уриб бошинг уза шамс -у ҳилол,
Равшан ўлсун доманинг топмай завол.
Икки чашм ичра тутиб қатра зилол,
Гулшанингдин елдек, эй раъно ниҳол,
Мен ёмон бордим, вале сен яхши қол.

Раҳм этарми, банди қилса доми ҳажр?
Айш истар хун ила пайғоми ҳажр,
Кимга дард -у, кимга асру коми ҳажр,
Мен -мену бекамлигу айёми ҳажр,
Сен бўлу аҳбобу даврони висол.

Дил умид этса сафодин гаҳ -гаҳе,
Нўшханди дилрабодин гаҳ -гаҳе,
Зору гирён бу гадодин гаҳ -гаҳе,
Сўрма, ҳолимни сабодин гаҳ -гаҳе,
Кўнглунга ўлтурмасин гарди малол.

Билмадим, не коми мақсуд айладинг?
Ишқ аро қай дилни масъуд айладинг,
Ноумидлиғ ичра нобуд айладинг,
Гар бузуқ кўнглумни мардуд айладинг,
Бок эмастур ўзгаларнинг кўнглин ол.

Гарчи пойингдин бадар қовдунг мени,
Кун-туну, шому саҳар қовдинг мени.
Узрхоҳ эрдим, батар қовдинг мени.
Сиғмайин кўюнгда гар қовдунг мени,
Асру кенг саҳродурур дашти хаёл.

Хийлагар дилда сахо мавжуд эмас,
Фитнагар тилда ҳаё мавжуд эмас,
Беҳаёликка даво мавжуд эмас,
Олам аҳлида вафо мавжуд эмас,
Ҳар неким йўқтур, эрур топмақ муҳол.

Фақр аро жисм ўлса гар афтодалиқ,
Фазл эса ошиқ кўнгулга содалиқ,
Шоира, ортиқ не бор сажжодалиқ,
Эй Навоий, хуштурур озодалиқ,
Қайд аро ҳушлуққа йўқтур эҳтимол.

21.11.2023

1 ДЕКАБРЬ

Сўнгги кун мусофир аёлга ўхшаб,
Узоқ кўзёш қилди кетишдан олдин.
Ва йил китобини аста варақлаб,
Ёпти куз бўлимин сўнгги саҳфасин.

Кетди. Ортга сира ўгрилмай энди,
Бослиқди шамоллар, шовқин-суронлар.
Фақат ёшларини тўхтата олмай,
Изидан термулди сўнгги хазонлар.

У энди қайтмайди. Сезмас ҳеч кимса,
Декабрни қутлаб жўнатишар хат.
Садоқатли ёрдек очиб дераза,
Кузги далаларга бўйлайман фақат.

Шоира Шамс

1.12.2024

#Аччиқ_ҳақиқат

Ўз ўғлини ҳеч бир фойдали ишга ўргатмаган одам ўғрини боқаётган бўлади.

Усмон Азим шеъри
Римма Аҳмедова ижросида

Бир шеър икки буюк ижодкор актрисалар талқинида.

https://telegram.me/usmon_azim

Йиқилдингми?... Кўзларингда
Бунча алам,
Бунча алам!
Усту боши чанг кўрмаган,
Дард кўрмаган
Эрка болам!
Шиддатингнинг шамолига
Ҳушинг бир зум
Шайдо бўлди...
Сенинг равон йўлларингда
Бу тош қайдан
Пайдо бўлди?
Еки ақлинг кетганмиди,
Энди тошлар
Қолмаган деб?
Лаънатладинг, болам мени
Йўлдан тошни
Олмаган деб...
Эрка болам, кечир мени,
Оқсуягим,
Мурувват қил!
Тошли-тошли бу дунёда
Майсадай хор
Яшадим, бил.
Тошлар билан кураш тушдим
Кураш бекор
Кетмагандир,
Қолган бўлса бирор зил тош,
Болам, кучим
Етмагандир...

Усмон Азим шеъри
Дилноза Кубаева ижросида

https://telegram.me/usmon_azim

13-24 бетлар