متين الواحد يصحى يلقى نفسو في بيتو وسط اهلو واصحابو وغاطس في روتينو البحبو ?

من قلبي لك
اعلم انك سعيد مع غيري ومبتسم وهي اسعدتك اكثر مني بس بقول ليك حاجه بسيطه انا حبيتك وعمري ماحندم اني بالجد اتعلقت فيك مابتمنى ليك اي سوء او اي حاجه كعبه بس بقول ليك حاجه حتلقى احلى مني لكن عمرك ماحتلقى حب ذي الكان بين يديك وضيعته ??
#Genoo

ملخص الفگرة :"كن جاهز لأي خيبـﮪ من اي شخص و في اي وقت و بدون اي سبب" ?!
#Genoo

الحمدلله على نعمة الإكتفاء الذاتي البخليك ما تحتاج لي زول ولا تنتظر حاجة من زول

قبل ما تمشي تنوم

علق النصيحة دي عندك

مهما ضاقت بيك ماف داعي تحكي عن الماري بيهو في الاستوري أو تحسس الناس انك مكسور ، التصرف دا انت ما عارفو تافه قدر شنو في ناس ممكن تقيف معاك بس من جهة في نوع بكون مبسوط انك متجهجه كدا وأمورك جايطة ، اي صعب انو الواحد يكتم بس والله أرحم انك تكتم من انو توري الناس انك ضعيف ، كل ما اديت فرصة للناس تعرف الحاصل عليك شنو اتأكد انك حتقلل من هيبتك ، لو عايز تموت ما تحسس زول انك بتحتضر ، مهما حصل معاك خليك دايما بتمثل دور القوي حتى لو قلبك رهيف ،

والله شفقة الناس عليك ما كويسه ما يغرك العطف والحنية البتتكتب بطرف الأصابع دي .

راحة الضمير

حرفيًا دا اكتر شعور مريح

لما تكون خلصت يومك وعايز تنوم وفجأة تتزكر انك الليلة ما شلت في قلبك من زول ولا حقدت على زول ولا ظلمت زول ولا اكلت حق زول ولا عاينت لحق زول ولا قلت كلمة غلط في حق زول

تلقائياً حتبتسم 💙

وما أبعد الله عنك من تُحب إلا ليُقربك ممن يُحبك ?

ولا تكرهوا الابتلاءات فإنها ماحية للذنوب ?

يوم تقول لي الدنيا ماشه معاي كدا واليوم التاني تصحى وتتقبل الواقع

والدنيا ماشه

والله الفترة المارين بيها الايام دي ما مستحملة ناس انت مالك ما بترسل ومالك اتغيرت