التوقيت الشتوي بدايته بكرة الخميس بإذن الله الساعة ١٢ صباحًا، يعني أوقات الصلوات هتتغير من أول الفجر، ودي الأوقات علشان تركز أنت وهو وهي.

بعد بدء التوقيت الشتوي في مصر في 1 نوفمبر 2024، تكون مواعيد الصلاة في القاهرة كالتالي:

الفجر: 4:41 صباحًا
الشروق: 6:09 صباحًا
الظهر: 11:39 صباحًا
العصر: 2:44 مساءً
المغرب: 5:08 مساءً
العشاء: 6:26 مساءً

بلغ الناس اللي حواليك ..

السلام عليكم
بيعز عليا كل البنات القمرات اللي بشوفهم في الشارع مع شوية شعر باين من الطرحه ،واول حته في الدراع،واخر حته من الرجل ، وكتير اوي الرقبة،
سواء ده كان بقصد أو من غير قصد
محتاجين ناخد بالنا شوية من حجابنا ،نقف كام دقيقه زيادة قدام المرايا نشوف اللبس ده هينفع أنه لقدر الله وربنا يحفظكم كلكم يكون آخر لبس تتقابلي بيه مع ربنا ؟
لو الإجابة لأ فنبذل شوية مجهود هنا عشان تلاقيهم هناك
فيه بطانات تتحط تحت الطرحه وفيه مكملات حجاب موجوده في كل مكان
محدش فينا مثالي ولا كامل ومقدرة أن الحجاب جهاد كبير وعباده شاقة بس التساهل في أمره عواقبه وخيمه
ربنا يحفظكم وينعم علينا كلنا بالحجاب اللي يرضيه

السلام عليكم ورحمة الله وبركاته

كنت عايزة أوضح حاجة عشان أنا كمان كنت مش عارفة بس الحمدلله عرفت

و هى الصلاة على النبي، أغلبنا بيقول عليه أفضل الصلاة والسلام على أساس أنها الصلاة و ده غلط

الصلاة على النبي هى
اللهم صلِّ وسلم وبارك على نبينا محمد وعلى آله و صحبه أجمعين

حبيت أوضح عشان محدش يقع في نفس غلطتي

إلقاء السلام سنة و رده فرض

ليه يا ربي كده ❎

الحمد لله الذي أبدلني شرّ ما أتمنى بخير ما يعلم ✅

لو بتسال نفسك ازاي احسن من نفسي في الصلاه؟
محتاج تسال نفسك الاول ايه اللي بعمله قبل الصلاة؟
من اول ما المؤذن يقول الله اكبر لحد مانت تقول الله اكبر،
الفتره دي بيتحدد علي اساسها جزء كبير من حالتك في الصلاه.
فمحتاج في الفتره دي تتخفف من حاجتين
١/من الدنيا
٢/من الذنوب
من الدنيا:_
اول ماتسمع المؤذن بيقول الله اكبر ابعد اي تفاعل ليك مع الدنيا توجه تفكيرك وكلامك ناحيه الصلاه والذكر،
وعشان تتخفف من الذنوب محتاج تراجع السنه
وتكرر ورا المؤذن
وبعدين جه ف صحيح مسلم ان اللي يقول بعد الاذان
اشهد ان لله اله الا الله، واشهد ان محمد رسول الله
رضيت بالله ربا وبالاسلام دينا وبمحمد صلي الله عليه وسلم نبيا ورسولا غفر الله ذنبه..
فتتخفف اكتر واكتر

وبعدين تروح تتوضأ وتستشعر انك بتوقع ذنوبك مع الوضوء
فتتخفف اكتر واكتر
وبعدين تروح كل خطوه وانت رايح تصلي
خطوه ترفعك درجه وخطوه تحط عنك خطئيه
فتتخفف اكتر واكتر

وبعدين نقف ونقول دعاء الاستفتاح
اللهم باعد بيني وبين خطاياي كما بعدت بين المشرق والمغرب

وبعدين تدخل الصلاه وانت بعيد تماما عن الدنيا
وعن الذنوب

ذكر غيرك الدال علي الخير كفاعله

النهارده بداية شهر صفر❤️
شهر الأحداث العظيمة، الشهر اللي سيدنا النبي ﷺ تزوج السيدة خديجة فيه
وبعد سنين سيدنا عليّ تزوج ستنا فاطمة فيه
وبعد سنين سيدنا خالد بن الوليد وسيدنا عمرو ابن العاص دخلوا الإسلام فيه

وبين السنين دي كلها كان الحدث الأبرز والأهم اللي اشتهر بيه شهر صفر، كان الشهر اللي شهد تغيير مجرى التاريخ بنزول الإذن الإلهي بالهجرة النبوية الشريفة وخروج سيدنا النبي ﷺ من مكة يوم 27 صفر

أحيوا التاريخ الهجري في الأذهان وقدّروا قيمة وعظمة الأحداث في مثل هذا الشهر❤️

Heba A. Ahmad

المناسبات الدينية الحاجة الوحيدة الي بتخلي لسه عندي أمل من الحياة ولو ١٪؜
زي انهاردة سيدنا موسى وقومه واقفين قدام البحر وفرعون وجنوده وراهم مفيش غير حلين والحلين فيهم هلا'كهم يا يغرقوا يا فرعون يقـ"'ـتلهم
سيدنا موسى واقف قدام استحالة الأسباب بيقين في الله إنه هو الوحيد الي هينجيهم
( فَلَمَّا تَرَاءَى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ قَالَ كَلا إِنَّ مَعِيَ رَبِّي سَيَهْدِينِ )

درس مهم ويوم عظيم يعلمنا إننا في الدنيا دايما عرضة للهلاك وربنا بس الي في ايده الحل
مهما ضاقت بينا وحسينا إننا مدركون ربنا رحمته بتتدخل في الوقت المناسب وتنجينا من كل كرب عظيم

يا شباب محدش هيفهم كلامي إلا اللي جرَّب!

ماتحكيش لحد عن قيامك في الليل.
ماتحكيش لحد عن مقدار حفظك وقراءتك للقرآن.
ماتحكيش لحد عن عباداتك اليومية.
ماتحكيش لحد عن صيامك التطوعي.
ماتحكيش لحد عن مقدار ذكرك وزكاتك.

- صدقني مش هتعمل منهم حاجة تاني!

السلام عليكم ورحمة الله وبركاته

مفيش حاجة اسمها (اللهم هوِّن علينا حر جهنم) ده معناها انه داخل جهنم وبيدعي ربنا يهونها عليه❌

اسمها (اللهم قِنا حر جهنم) أو (أعذنا من حر جهنم) أو (أجرنا من حر جهنم)✅

فاللهم أجرنا من النار ومن حرها وهون علينا حر الدنيا.

السلام عليڪم ورحمة الله وبرڪاتة.. "

لو مستصعب صيام يوم عاشوراء وبتقول دي سُنة مش فرض ، افتكر حاجة هتشجعك."

صيامه بيكفر سنة كاملة ماضية من الذنوب.. ♡

قال النبي ﷺ " صِيَامُ يَومِ عَاشُورَاءَ، أَحْتَسِبُ علَى اللهِ أَنْ يُكَفِّرَ السَّنَةَ الَّتي قَبْلَهُ "

اوعى تفكر متصومش بكره دي فرصة ولازم نستغلها.