أتخيّــلك ، ويتوّرد البال .

بعد لَتودي طيفك ليلي مَابي شوگ

آنه أعرف شغيرّك والغيّروك
رادوا إبّيناتنه يموت الهوه
عموا عينك من إجوا ما كحّلوك
العين متضل عين لو راح الضوه
چنت كحله بناضرك و إنت بچيت
و طيّحتني و إنت خدّينك رمل
و چنت نار الدفّتك ، لمّن طفيت
تشيل برمادي گمت عمده و تهِل
و آنه كل هذا فلا گلت و حچيت
ولا جزع گلبي ولا منّك أمِل
عود دلّوك الدرب ، بس ضيّعوك
و اخذوا التمرات وإنطوك النوه
و إنت عطشان و أبد ما شرّبوك
يا سراب اللي عطش منّه إرتوه
آنه ردت أنساك بس شوگك چبير
ردت أگلّك روح والفظها تعال
آنه جنحك لو رحت بيمن تطير
ليش بجناحك تحط بعدك شِكال
هاي نزوه و تنتهي و باچر تحير
إسمعني مَرّه وإصفن لهذا المثال
إنت يم عيونهم ما وچّدوك
فلها كورة مغزلك شوفه شطوه
بس يراووك الجرف ما عبّروك
همّه صح شراع بس آنه الهوه

صَار الچنت مَاريده وبديت
انساك
تخيل گمت انام ومَا احچي
وياك
نسيت وگمت مَاحب التريدَه
ولا أدور عيونَك بكُل
قَصيده.

خليني ارد اشوفك گمت احسك طيف
وياعين التكض الطيف اليعدي
صرفنه اسنين حبنه وخلصن تبذير
وعلى يوم النشوفك باچر انجدي
اخذني وياك اريدك مااريد الغير
وكون ابسدك اگعد واگعد ابسدي

ما اتمنالك تعيش الجاي اعيشه
آنة احبك
والأفكار الجاي يجبرني عليها الليل
كلش خوفتني
جاي احس بروحتك مو الأولية
جاي احسها الجاوبت بيها سؤالك
من ردت معنى الأذية
جاي اخافك يا أماني
آنة خايف ذكرياتك تحتكرني
وما تخليلي فراغ لشخص ثاني
العمر عندك حبيبي
العمر ما ينلم بجنطة ، حبيبي
شلون خليته وي قمصانك الأحبها ؟
الجاي أعيشه الله لا حطه وية عمرك
جاي أحس بأسوء أيام الناس كلها
دفعة وحدة انچفت بية
جاي أعيش الما أتمنالك تجي وتشوفه بية .