غزل

دا چې هر څه له کابله اړول دي
د شبنم څاڅکي له ګله اړول دي

د هوس د بندګانو ازادي خو
ستا پړونی له اوربله اړول دي

چې پيالې میالې رانه وړې ساقي جانه
دلته سر باندې غزله اړول دي

په مزل کې دا واړه واړه کارونه
کاروانونه له منزله اړول دي

ژوندون ټول لکه ناکامه مينه داسې
ارمانونه یو پر بله اړول دي

اوس نو لوی کار بس همدا چې دغه زړه مې
ستا د سترګو له مقتله اړول دي

د وخت تکې سرې لمبې ته وا تر څو دي؟
او پر موږ باندې تر کله اړول دي؟

له ملت سره ټکر څه دی "جانانه"
خپلې پښې په اوږو خپله اړول دي

جانان خدرخېل
١٤٠٣/٦/٣١

هجر
ــــــــــــــــــــــــــــــــــــــــــــ
د بلتون بلا دې زیر زیر راته ګوري
د فراق ډار ته دې مخامخ ولاړ یم
بوږنونکو ماښامونو کې ایسار یم
د جفا بار ته دې مخامخ ولاړ یم

بوږنونکو ماښامونو کې ایسار یم
رالویدلی هری پاڼی نه ډاریږم
هر یو وهم او ګمان کې مې خزان دی
چې پاڅېږمه خراب یمه رالویږم
مړاوو مړاوو چنارونو سره پایم
د بهار وار ته دې مخامخ ولاړ یم

ستړی غړي د وجود راباندی بوج دي
ستا د نشتون هر یو درد سره عذاب یم
د زغان پښو کې دانه وانه شیندلی
پاڼی پاڼی رژیدلی یم ګلاب یم
ښکلاګانی مې ګریوان ته څڅېدلی
د کوڅې لار ته دی مخامخ ولاړ یم

ستا انځور مې په ورغوي کې اوبه شو
اوښکې اوښکی بارانونو ته وران شوی
عمبري زلفې دې ورانی په بشر دي
زړه مې ډیرو ارمانونو ته وران شوی
مازدیګر دې لمر ډوبیږي ورته ګورم
د ښکلا ښار ته دې مخامخ ولاړ یم

ما په زړه د بلتانه زربې خوړلي
بند په بند په ټول وجود باندی مات مات یم
زهر زهر دود مې خیږي له پرهاره
بیابان دې رهبرانو ته خېرات یم
ایوبي! درپسی سرې تبی نیولی
د راتلو څار ته دې مخامخ ولاړ یم
ــــــــــــــــــــــــــــــــــــــــــــــــ
مهاجر ایوبي

**علم پوهه !

مدرسي اومکتبونه دي آباد وې
دادعلم مرکزونه دي آباد وي

چي دجهل تیاري ووژني سهارشې
دادپوهې څراغونه دي آبادوې

پل په پل چي ږدي قدم وآبادی ته
داسي کړنې اوفکرونه دي آبادوې

افغانان دي ټول راټول پیوکهول شې
اتحاد او وحدتونه دي آبادوې

زموږ هیوادداقتصادقدم اخستی
پروژي اوکانلونه دي آبادوې

چي ترغوږ مي بیادفتحي آذان راشې
مسجدونه منارونه دي آبادوې

مهاجرچي پري لیکلې داڅوکرښې
راړنګ مشه دیوالونه دي آبادوې

مهاجرهروي**

غزل

دبیلتون اجل وهلی تلم پر لاره
ړنګ او بنګ به ځنګېدلی تلم پر لاره

څه آثر دهجرانۀ څه لیونتوب وو
سرببر ګریوان شلېدلی تلم پر لاره

غبرګي سترګي مي دسرو وینو پیالې وې
ستا له غمه ژړیدلی تلم پر لاره

ستا په تلو مي زړګی دوه سوه ټوټې وو
چي مات مات او غلی غلی تلم پر لاره

هیلي ماتي زړه رنځور شونډي چاودلي
د دردو پېري نیولی تلم پر لاره

ستا دهجر زهرجنو څړیکو ومه
پر زړګي عرفان داغلی تلم پر لاره

عـــرفان عابر

غزل

که تکلف د خنډ و خار نه کیږي
نور داسې څه دي چې په لار نه کیږي

زما د برخې نورې شپې شته کنه؟
ستورو په یوه شپه خو مو شمار نه کیږي

یو ځای ښه نه یمه په یو ځای باندې
څوک دې مانع د انتشار نه کیږي

یعنې چې بل پړاو ته هم ځي لوبه
یعنې چې ژوند په یوه وار نه کیږي

کړاوه یو ځل چې کوټه سیکه شي
بیا یې په دوو مخو هم کار نه کیږي

الله رحیم رحمــــانه زه درتـــــه ناکــــام یمــــه
زه په خفل ژوند کي په هر څه باندی بدنام یمه
هم مي تګ لاره ده غلطه هم مي خیال خفل دی
لا اوس هم غلی نیم اوس کــــوږ لکه لام یمــــه

له خفل امیده ستا تر رحمه دا دعـــا دروړمــــــه
بخښنه غواړم په هرڅه باندي پخیمان یــــمــــه

ما کړه درخفل زه یم عــــاجــــزه زه دجنګ نیمه
زه وه شیطان نفس او هوس ته داسي خام یمه

ماته زما له وسه زیـــات دی زورور دی دښـــمن
ته مي مدام صالح کړه زه بــد کار مــــدام یمــه

ته مي دخفل ګناه په فکر کـي لاهو کړه ربـــــه
مانا ارامه کـــــړه زه ولــــي دای ارام یــــمـــــه

اسحاقه غلي شه نــــو ولـي ناقسات خفله وی
هم ګنهکار یم هم پـــــه خفل فکر امام یـــمــه

ـــــــــــــــ
شاعر اسحاق
????

تاسې ولولئ?

زړه مي له درد سـره تماس وکړي
ښکلي چي سل رنګه لباس وکړي

خپلېږي نه که د زړه وینـه ورکړې
ځيني خواهش له حده پاس وکړي

نرمـه مسکـا په شـونـډو وغـوړوې
نـــور اشــاره درتـه پـه لاس وکړي

مـراندې د زړه پسـې کـږې دصـوفي
ښکلي خنداچې ښه په کړاس وکړي

په کوم مذهب دي؟هیـڅ وفا نلري
سـړی یـې چـا بانـدي قیاس وکړي؟

ترېنه قربام به شم أنس حماسي
که مي یار مینه کي اخلاص وکړي

أنــس حـمّاسي

مشره ملنګه ملا عُمره مشره
سرکړه راپورته قنلدره مشره

مشره تاڅنګه زنده ګي تیرکړه
مثال یي نسته لـراوبـره مشره

مشره دنیا دي پیژني کارنامی
ملنګ بادشاه ملنګ دلبره مشره

مشره یعقوب دي نن سپه سالاردی
درته ساتلی یي لښکــــره مشره

مشره وطن ته خپلواکي راغلی
ارمان ته نه یي دزړه سره مشره

مشره داستا دشجاعت کار نامی
دتاریخ پاڼــوکي سره زره مشره

مشره دعکــــرمه جـانـان امیــره
ودی ساتی سنکر ممبره مشره

لـه بـدرنګیـو او لـه جـنګـه په امان شې ګلي ګلزارشې
وطنـه ښکلـی شې دګـلانـو بوستان شې ګلي ګلزارشې

جنتي غېږته دي رامه شه ناورین وختونه ښکلی اوسې
پـټ پـه ښکـلاوو بـې مثـاله لا ودان شې ګلي ګلزارشې

امن امنیت دي شریعت دي ستا په غېږکي قائم وطنه
د زورېـدلي اولـس هـر دردته درمان شې ګلي ګلزارشې

ای دعمرمنصورجلال او ورک یاسرمسکنه ښاد اوسې
تـه د نمــرود بچـو تـه تنـدر د اسمان شې ګلي ګلزارشې

أنـس، داستاپه جنتي غېږه کي ژوندکوم خوشحاله یمه
د ســولې امـن کـور غازي افغانستان شې ګلي ګلزار شې

أنــس حـمّاسي

وباسي د خپل ځان چې تصویرونه په کعبه کې
کوي دا بعضې خلک ګناهونه په کعبه کې

دا ځنې په حرم کې په تک سپین احرام کې ګرځي
تک تور یې دي لا هغه شان نیتونه په کعبه کې

څه ښکلي ترنم کې د لبیک لبیک نارې وي
کوي څه عجیبه خوند طوافونه په کعبه کې

عمل دپاره شرط د توحید سپینه عقیده ده
کول به ابوجهل خدمتونه په کعبه کې

هیڅکله رسیدای نشي ثواب د مـ،جاهـ ،د ته
که وکړي څوک هرڅومره عملونه په کعبه کې

صفا مره کې منډه، د دردونو یو دا ستان دی
چا کړي د اوبو وو ارمانونه په کعبه کې

هاشم لکه سوالګر د ملتزم دیوال ته ولاړ و
غوښتل یې له خپل رب څخه سوالونه په کعبه کې
ــــــــــــــــــــــــــــ
هاشم سادات