"جعل ربي ما يجرّدني من شعور القناعة
‏يا كثر ما فاتني فرصة عمر وأقول خیرة"

"يوم ما علّمتك بتضحياتي من غلاك
‏أدري ان المنّ لا من خالط الفعل افسده
‏كان ما حسّيت بقيمتي ماهو خطاك
‏ما تحس بقيمة الشي حتى تفقده"

"أنا مهما نقلت من الحمول اللي ما هيب خفاف
‏أشوفك (حلم) لا يُعلى عليه ولغز ما له حل
‏مع إن الناس من حولك كثير ولا عليك خلاف
‏يراودني شعور إنّك حبيبي، يا حبيب الكلّ.."

"لو يوقف بوجهي جيش مسلّح، وثورة شعب
حلفت إني ما أوقف لين ما ألقط درّة أحلامي!"

أجيك بكل ما فيني غضب بركان
وأروح بضحكةٍ ردّت لي أحلامي

"والله إني طحت من كثر الوقوف
‏ ولا رفعني في الحياة إلا الصبر
‏راح عمري كله بـ لحظات خوف
‏من يجيب لـ خوفي الباقي عمر؟"