17 տարի առաջ այս օրը՝ առավոտյան շուտ, ինձ զանգեց Գևորգ Ալթունյանը և ասաց, որ հանրահավաքը ցրել են: Քոչարյանը որոշել էր ուժով հարցը լուծել: Արագ հագնվեցի ու իջա դեպի կենտրոն: Մաշտոց-Թումանյան խաչմերուկի մոտ կանգնած էինք (ժամանակին այդտեղ Օպերայի տոմսարկղն էր, հիմա խանութ է): Առավոտ էր, քաղաքն անսովոր դատարկ ու վախենալու լուռ էր, ձայներ կային, բայց դրանք արթնացող քաղաքի ձայներ չէին, մի խումբ կանայք և տղամարդիկ դիմացի մայթով վազում էին դեպի ներքև, ուր «Կակտուս» մեքսիկական ռեստորանն էր, մի խումբ ոստիկան-սակրավորներ վազում և հարվածում էին նրանց, նրանք բղավում էին, քայլելով իջնում էի ներքև՝ դեպի դպրոց, այնտեղ մի կին էր, ով փորձում էր մի տղամարդու պոկել ոստիկանների ձեռքից, գոռալով, հրելով, հարվածներ ստանալով՝ ստացվեց տղամարդուն պոկել: Լուռ Երևանում ղժժոցներ, ոստիկանական մեքենաների հազվադեպ ձայներ: Քայլեցի դեպի Թումանյան 33՝ իմ «Սիցիլիա» ակումբ, դիմացս դուրս եկավ մի ծանոթ տղա՝ Ժորը, ով գործող քոչարյանասերժական կառավարության հետ մոտ էր: Ասաց. «Ալեն, դու ինչի՞ ես գնացել, քո ի՞նչն ա պակաս»:
Հուզված էի շատ:
Ասացի. «Եթե ինչ-որ մեկը պետք է աթոռ պահելու համար մարդ ծեծի ու սպանի...» ու հայհոյեցի:
Հայհոյանքս տեղ էր հասել:
Կեսօրին եկան հետևիցս:
Մինչ գնալս զանգեցի բարձրաստիճան ոստիկան իմ ավագ ընկերոջը: Ասացի, որ սենց իրավիճակ է: Ասաց՝ գնա, ոչինչ:
Տարան Կենտրոնի ոստիկանություն, որտեղ փոխոստիկանապետ Արթուր Մեհրաբեկյանը, ով, եթե չեմ սխալվում, հիմա ԱՄՆ ում է, ներս մտնելիս սկսեց մի վատ ներկայացում խաղալ, ինչը, անկեղծ, նույնիսկ թեթև ծիծաղ առաջացրեց:
«Հա՞ , էս ի՞նչ արիք, է՞ս էիք ուզում, էդ ի՞նչ արիք»:
Լուռ նայում էի:
Մեկ էլ՝ «Ի՞նչ էիք անում քո ռեստորանում, ՀՀՇ-ԲՀՇ էիք խաղո՞ւմ»:
-Չէ, մաֆիա :
-Ովքերո՞վ:
Հերթով ասացի բոլորի անունները, որոնց մեջ կային շատ հայտնի օլիգարխների, պաշտոնյաների, պաշտոնյաների տղաների և հայտնի մարդկանց անուններ:
Հատուկ էի ասում, որ հասկանար հարցադրման աբսուրդայնությունը:
Հանձնեց ինձ տեղակալին, տեղակալը добрый полицейский-ն էր))):
Թե բա՝ Ալեն ջան, քեզ պետքա՞, մի խառնվի, իմ ավագ ընկերոջ անունը տվեց, որն իրեն ասել էր իմ մասին:
Դուրս եկա ժամեր անց ու զանգեցի Քոչարյանի ավագ տղային, որպեսզի ասեմ այն ամենը, ինչ մտածում եմ այս ամենի մասին: Ինքը լավ գիտեր, որ ես իմ կարծիքը միշտ ուղիղ ասում էի, մինչ այդ մի կոնֆլիկտային դեպք էլ էր եղել, հարթել էինք ու բավականին լավ հարաբերություններ ունեինք:
Զանգիս չպատասխանեց, և դրանից հետո շփումը դադարեց: Գնացի արդեն Մյասնիկյանի արձանի մոտ, իրադարձություններն այնտեղ էին տեղափոխվել:
Առաջին անգամ տեսա հեռվից Նիկոլ Փաշինյանին...
Թե ինչ եղավ հետո, մեկ այլ առիթով կպատմեմ:

2008 թվականի մարտի 1-ին ես որոշեցի, որ կա՛մ պետք է արտագաղթեմ Հայաստանից, կա՛մ փորձեմ բան փոխել:

Մամուլի տեսություն 4
1) Չնայած նրան, որ արդեն վաղուց հայտնի է, որ իմ եղբոր՝ իբր Ասֆալտի մագնատ լինելու մասին լուրը ֆեյք է, քանզի եղբայրս ճանապարհաշինությամբ զբաղվող որևէ կազմակերպությունում երբևէ գեթ 1% մասնաբաժին չունի և չի ունեցել և արդեն գրեթե 2 տարի է լքել է նախկին աշխատատեղը, որտեղ կարճ ժամանակով տնօրեն է աշխատել, լքել է նաև մամուլի շահարկումների պատճառով, սակայն մամուլի ներկայացուցիչները պահը բաց չթողեցին և Պեդրո անունով ավագանու գրառումը, ուր ինքն իբր աչքերին չէր հավատում, որ անցյալ տարի այն կազմակերպությունը, որն իբր եղբորինս է, եսիմ քանի միլիոն դրամի տենդեր է հաղթել, և կրկին ֆռացրին և կպցրին իմ եղբորը և ինձ:
Դե ինչ, Պեդրոն այսօր նամակ է ստանալու, որում պահանջում ենք հերքել այդ զրպարտությունը, հակառակ պարագայում դատարան ենք դիմելու նույն պահանջով, գումարած փոխհատուցումը:
Պեդրոն դատական հայցից խուսափելու դեռ ժամանակ և հնարավորություն ունի:
Քեզ տեսնենք, Պեդռո՛, Պեդռո՛, Պեդռո՛, ԴՈՒԽՈՎ!
2) Երևանի քաղաքապետարանը, չնայած առատ ձյան պարագայում օդում չկարողացավ ձյան փաթիլները որսալ և գիշերը Երևանը Լապլանդիա էր հիշեցնում, բայց ակնհայտ է, որ քաղաքապետարանն ամեն բան արեց մեծաքանակ ձյան հարցն անհրաժեշտության դեպքում նույնիսկ քաղաքապետի մակարդակով բահերով լուծելու համար: Լավին լավը ասենք:
3) Շաբաթվա ուրախ տրամադրությունն ապահովեց Հայկ Մարությանը, ով առաջարկեց բոյկոտել տրանսպորտի բարեփոխումները, մի 70.000 մարդու համոզեց, որ ստորագրեն դրա համար, ընթացքում մի քաղաքացու ասաց թմրամոլ, 4 հոլովակ նկարեց և գնաց Իսպանիա՝ համերգ տալու: «Դուք բոյկոտեք, ես հեսա կգամ» տրամաբանությամբ իրոք որ քաղաքական պայքարը երբեք այսքան հարմար չի եղել)))))
4)Այսօր Ուկրաինայում պատերազմի երրորդ տարին է լրանում, այն անհավանական դաժան և մարդկության համար ցավալի արյունահեղություն է, դրան էր նախորդել Ղարաբաղի դեմ սանձազերծած պատերազմը, ու այս երկու պատերազմներն իրար հետ անմիջական ուղիղ կապ ունեն:
Պատերազմը դժոխքի ամենավառ արտահայտումն է, և երբ այդ դռները բացում ես, հաղթող չես կարող լինել, որքան ուզում ես զորահանդես արա և ինքդ քեզ մեծարի, միայն թե հրեշների քանակն է ավելանում:
5) Քոչարյանի այն պնդումը, թե իրենք ակտիվ մասնակցելու են ներքաղաքական կյանքին և ակնարկը, որ մասնակցելու են հերթական ԱԺ ընտրություններին, մի հարց բաց է թողել, արդյոք իրենք քարոզարշավին ուղիղ ասելու՞ են, որ չեն գալու ԱԺ դահլիճ և չեն մասնակցելու ԱԺ աշխատանքներին, ու արդյոք ասելու՞ են, որ կրկին չեն վերցնելու իրենց հասանելիք հանձնաժողովների ղեկավարների և փոխխոսնակի պաշտոնը, եթե, իհարկե, դա Իշխան Սաղաթելյանը չէ)))

Բա մարդ էլ, իբր, 14 տարվա թերթի խմբագիր/սեփականատեր լինի ու չիմանա, որ արդուկ և հարթուկ բառերը հոմանիշներ են, և երկուսն էլ ճիշտ են: Հայերեն գրելիս՝ գրի ԶԵՐՈ ու սաղ համացանցի մոտ ծաղրի առարկա դառնա և փորձի ինչ-որ մեկի հետ, ով, ի տարբերություն իրեն, երեք լեզվի է տիրապետում, ուղղագրական կամ լեզվաբանական բանավեճի մեջ մտնել: Էլ չեմ ասում, որ ջղաձգումներդ և ցավերդ հասել են այն աստիճանի, որ արդեն բացեիբաց նեղսրտում ես, որ քեզ անդրադառնում եմ, իսկ կոլեգաներիդ՝ ավելի քիչ: Ասենք, լա՛վ, ես հլը քաղաքական հակառակորդ եմ, ամո՞թ չէ՝ քո գործընկերոջ հանդեպ տենց բան ես անում:
Շարունակի օրը երկու-երեք նյութ գրել հին-նոր թեմաներով, սուտ-ճիշտ՝ դրա համար դատվելով, ում բարև եմ տվել, անունները տալով, քեզ ուղիղ ասել եմ՝ դու անզոր ես, հիշի դա: Ուզում ես քեզ Մարդու իրավունքների հանձնաժողովի նախկին նախագահ անվանի, ուզում ես ամեն օր իմ մասին հարցազրույցներ տուր, հոդվածներ գրի, անունս տալով արթնացի ու քնի, ոչ առաջինն ես, ոչ վերջինը, գնա ուրիշ հերոսի անուն սովորի, դու մի վատ հուշ ես սերժական, միշիկական անցյալից, վերացող տեսակ: Իսկ հիմա չքվիր լրահոսից, քեզանից շատ ավելի կարևոր բաներ կան:

Գալդ բարի թող լինի 2025 ?

Այսուհետ իրական Հայաստանի քարտեզն՝ ԱԺ նիստերի դահլիճում

? Ավարտեցի ամանորյա ուղերձս ու ասեմ, որ բավականին հետաքրքիր անակնկալ է սպասվում:

Ասում են, որ այս ելույթիս հասցեատերերը շաատ են հավանել այն և ամբողջ գիշեր իրենց վրդովմունքն են հայտնել ու հայտնելու՝ «զաբոռներին» իմ մասին վատ բան գրելով:
Ուստի, այս ելույթը դնեմ այստեղ, թող մնա, որ մոռանաք՝ մտնեք նորից նայեք: Բարի գիշեր .... )

Այսօր ԱԺ-ում տեղի ունեցած լսումները ևս մեկ անգամ ապացուցեցին, որ լսելու բան չկա: Ամբողջ մի քանի ժամանոց լսումներից մնաց այն, որ մի հոգի ընկավ, Վազգեն Գալստանյանն ասաց, որ իրենք պարտվել են, պարտվել են քանիցս, բայց իր հոգին հանձնվել չգիտի և գնաց իր գործերով, նախկին իշխանությունների կողմից բազմիցս օգտագործված մի հին ծակ, ասենք թե« «կոշիկ», մի քանի վիրավորանք հնչեցրեց ու եթե դուրս չշպրտվեր պետական հիմնարկից աղմուկ-աղաղակով, ոչ մեկ երևի չէր էլ նկատի:
Հիմա բուռն փորձում են այդ լսումներին գոնե մեկ օրակարգ իմաստ տալ, որ չստացվի, որ իզուր էին հավաքվել ու ինձ նորից մեղադրում են քաղաքացու վրա թքելու մեջ, չնայած քաղաքացի չէր ու որ մի 7 անգամ ներողություն եմ խնդրել: Հա, ի դեպ, այլևս չեմ էլ պատրաստվում: Էն մեր սիրելի ժողովրդի ձայնն էլ ուրիշների վրա խարան է ման գալիս, փորձում պիտակավորել, որ չհիշեն իր ճակատին տպած Սերժի խարանը՝ իտալական բանԴիկով: Վերջում էլ գրումա, որ ինքը էսինչ հանձնաժողովի այն նախկին ինչն է ապօրինի հեռացված, լավ է չի գրում նաև՝ նախկին ՔՊ պատգամավոր է:

Մի քանի օրից հետ կգամ, ԱԺ նիստերը կսկսվեն, կգաք ամբիոնից կխոսենք, եթե կգաք)))

Ուղիղ եթերի ժամանակ ասել, որ գնում ես Հանրային հեռուստաընկերություն ուղիղ եթեր ստանալու համար և ուղիղ եթերի ներքո բարձրանալ դեպի նոր ուղիղ եթեր:

Անհավանական

?Շուրջ 24 ժամ է, ինչ իմ տելեգրամյան էջում հարցում եմ տեղադրել՝ հասկանալու համար, թե ո՞րն է մեր քաղաքացիների համար լրատվության առավել հուսալի աղբյուրը: Հարցմանն այս պահի դրությամբ մասնակցել է շուրջ 5000 մարդ:
Արդյունքները ներկայացնեմ՝ սկսած ամենավստահելիից՝
1. Հ1-ն է- 47%
2. 1in.am- 39%
3. Բաղրամյան26- 30%
4. Civic.am-28%
5. Factor.am- 28%
6. Civilnet.am- 23%
7. Ազատություն ռ/կ- 22%
8. Հայկական ժամանակ- 21%
9. Hetq.am- 20%
10. Freenews TV- 18%
11. Araratnews.am- 18%
12. Շանթ TV- 17%
13. ԱրմենիաTV- 16%
14. Radar.am- 10%
15. Armenpress.am- 8%
16. A1plus.am- 7%
17. 168.am-6%
18. News.am -5%
19. 5-րդ ալիք- 5%
20. Ժողովուրդ- 5%
21. Ռադիո Ավրորա- 4%
22. 24news.am- 4%
23. Հ2 TV- 3%
24. Hayeli.am- 3%
25. Panorama.am- 2%
26. Sputnik - 2%
27. Երկիր Մեդիա TV - 2%
28. Հրապարակ - 2%
29. Առավոտ- 1%
30. Կենտրոն TV- 1%