اكو امور ماتنحل حتى اذا حطيت عقلك كدامك دايطلعلك حل ،تنحل بذكر الله اتركوا overthinking الله اكبر وأكرم من اللي متخيله انتَ .. سَبح واستغفر الباقي على ربنا

قبل سنوات ..
وفي مثل هذا اليوم بولادة الحُجة المنتظر ع"
صدح صوت الحق من ارض النجف
بـ " قاتلوهم يعذبهم الله بأيديكم "
ونهضت بعدها الأرواح قبل الاجساد
صوتٌ دوى فزلزل الخوف وحوّل الانكسار إلى انتصار
كانت صفحة نقشتها الفتوى بدماء الشهداء
ذكرى الفتوى المُباركة .. يوم لبى الأحرار نداء الأرض والسماء ♥️

مرات هواي اريد اكول لنفسي why so serious؟
الموضوع مامستاهل كل هاي الجدية والتركيز خليج ريلاكس شوية حبيبتي .

شتان مابين قلبي وعقلي
هل سنحضر التشييع المُنتظر ؟
و كيف سنحمل نعشًا بحجم الوطن
أم سنحضر خطاب العودة لكَ ياسيد المقاومة وقائدها ..

صورتهم من فترة واليوم داباوع للصور وحسيت
لازم يكونن بالقناة وينشافن اكثر ..

الحل الأنسب الك يا انسان تنام بدل كمية التساؤلات والضغط اللي مدخل عقلك بيها ، عدنا رب كادر يرتبلك كل شي ?

ونبقى نردد يارب ارسملي نهاية السيناريو اللي بديت بيّ وأبعد عني كل المحاولات اللي نهايتها هَزيمتي ..

من الإنسان يكون مرتاح نفسيًا وعندة طاقة راح يصنع مُعجزات ويملي ايامة إنجازات ، حيكون بارع بكُل شي حتى اجتماعيًا ويتعلم آي شي مُمكن يحتاجة بعدين ويدخل بمنافسة مع ذاتة .. فيعني شكد مرات أشياء حلوة تضيع من عدنا بسبب التعب والحزن اللي يكون محاوطنا .

تذكير :
كل آه يئنها الإنسان من تَعب واذى مأجور عليها إذا مو بالدنيا بالدار الآخرة ..

الأرق وكثرة التفكير بـ اصغر الأشياء وأكبرها اللي تصير دون إرادة من عدنا ،يارب كلها نؤجر عليها حتى هذا الخوف اللي حاضنا تجاة الاشياء المجهولة بحياتنا ..
على كل مرة چان النعاس ماخذ جزء چبير من عيونا بس مانكدر ننام بسبب التعب والاذى اللي محاوطنا
كلها يارب كلها بدون استثناء نؤجر عليها بالدنيا وبالدار الآخرة ♥️