✅
*💥Jadid.uz*’da yil qanday o‘tdi? (videohisobot)
“Jadid” gazetasining sayti yil davomida taniqli olimlar, shoir-adiblar, kompozitor va rassomlar, ay-ti mutaxassislari, umuman, o‘z sohasining yetuk kishilari bilan eksklyuziv suhbatlar, intervyular, jonli reportajlar, xabar va yangiliklar, “Ko‘rgoni keldik”, “Ularning aybi buyuk bo‘lgani”, “Haftalik” kabi loyihalar, “Cho‘lpon she'rlariga xirgoyi” chellenji va boshqa ko‘plab qiziqarli lavhalar e'lon qildi. Qadrli kuzatuvchilar, videoni tomosha qilarkansiz, biz bilan o‘tkazgan bir yilingiz ko‘z oldingizdan iliq taassurotlar bilan o‘tadi deb ishonamiz.

*📱 HD formatda YouTube kanalimizda:*
https://youtu.be/I_5gM0fcH6Q

Jadid.uz | Telegram | Facebook | Instagram | YouTube

“Uy”ni koʻrdim. Avvalo, yaxshi animatsion film uchun rahmat. Yaxshi ssenariy, xarakterli qahramonlar, yaxshi musiqa, yengil harakatli animatsiyalar ijobiy fikr aytishga arzirli. Faqat ayrim oʻrinlarda kadr yetmay qolgan joylar seziladi (koʻp animatsion film koʻradigan kishilar tez ilgʻasa kerak), masalan, tepa qavatda hilviroq kitoblar koʻrsatilgach, kadr pastdan tepaga qarab yuryapti, shu joyida tomoshabin kadrning oʻsha hilviroq kitoblar kattalashib qayta koʻringuncha koʻtarilishini kutadi. Ammo kadr birinchi qavatda tugaydi. Filmda soʻzlar ham biroz koʻpday.

Animatsion film tugagach YouTube algoritmi bir qancha xorij animatsion filmlarini tavsiya qildi. Koʻrganlarimni ham oʻsha jihatlarga diqqat qilib bir qayta tomosha qilib chiqdim va fikrimda qoldim.

Keyin boshqa milliy animatsion filmlarimizni ham tavsiya qildi algoritm. Ularni ham koʻrib chiqib, boshqa xulosaga keldim: “Uy” – juda katta ish, bunday yaxshi ishlar koʻp boʻlishi kerak...

@katarsis_kundalik

❗️
⚡️ “Ko‘rgoni keldik” | 9-sonEsingizda boʻlsa, Oʻzbekiston prokurasi tarixi muzeyi haqida maqola eʼlon qilgandik. Sizga boy taassurot ulashish uchun bu gal muzeydan videolavha tayyorladik. Tomosha qiling, o‘tmishni his eting, koʻz oldingizda jonlantiring va albatta Oʻzbekiston prokuraturasi tarixi muzeyini koʻrgoni keling.

Muallif: Shavkat Do‘stmuhammad

*📱 To‘liq ko‘rsatuv:https://youtu.be/E7L4KxwSYlY
✅*Jadid.uz’ga obuna bo‘ling

Koreyalik yozuvchining Nobel olishi bizdagi badiiy tarjimaning ahvoli naqadar ayanchli va jar yoqasiga kelganini yana bir bor isbotladi. Qanday deysizmi? Hozir tushuntiraman.

Turkiyadan eng noyob turkcha kitoblarni topib bera olishi bilan tanilgan Abdulazizning yozishicha, Han Kangning turkchada 4 ta kitobi bor. Ular bu kitoblarni yozuvchi Nobel olgandan keyin tarjima qilishmagan, yillardirki uning kitoblari sotuvda bor va turk kitobxoni u bilan tanish. Tanish bo‘lmasa endi uning asarlariga qiziqsa ularda o‘qib ko‘rish imkoniyati bor. O‘zbeklarda-chi?

Endi o‘zimizning og‘riqli nuqta haqida gaplashsak bo‘ladi.
Xo‘sh, biz qayerda, qachon xato qildik? Nega bunchalik ortda qolib ketdik? Bunday bo‘lishiga kimlar aybdor? Hozirgidek bo‘lmasligi uchun nima qilish kerak? Bu ishni kim qilishi kerak? Va hokazo…
Menda bunday savollar ko‘p. Ishonamanki, sizda ham kam emas. Eng yangi qilingan tarjimalarimiz ham dunyo yuzini 30-40 yil yoki bir asr avval ko‘rgan bo‘ladi. Qo‘limizda insoniyatning eng so‘nggi rusumli telefoni, ko‘chalarimizda Tesla-yu allambalo eng yangi elektrokarlar. Kitoblarimiz esa eng kamida 40-50 yil orqada. Nega bunday? Yoki biz telefon-u mashinadan boshqasiga qiziqmaydigan xalqmizmi?

Hang Kang dunyoga yetarlicha mashhur. Uni "Vegetarian" kitobi orqali taniyman, ammo asarlarini o‘qigan emasman. Yetarlicha mashhur, Nobel oladigan darajada nimasidir bor bo‘lgan yozuvchidan bitta ham tarjima asar yo‘q. Bunday yozuvchining borligidan o‘zbek kitobxonlarining aksari bexabar. Nega? (E’tibor qiling, aksar o‘zbeklarning xabari yo‘q demadim, balki aksar o‘zbek kitobxonining ham hattoki xabari yo‘q dedim. Tushunyapsizmi?)

Til o‘rgansin, asl tilida, boshqa tillardan o‘qisin deyishingiz mumkin. Gapingiz to‘g‘ri, siz yuz foiz haqsiz. Ammo bunday qilishga hammada ham imkoniyat(vaqt, pul) bo‘lmasligi mumkin va yoki hammada birdek til o‘rganishga iqtidor bo‘lmasligi ham tabiiy. Yana ham bizdagi ta’limning ahvoli bilan bu kamida ikki karra murakkabroq, qiyinroq. Ammo ularning ham eng so‘nggi, eng yangi kitoblarni o‘qishga haqlari bor deb o‘ylayman.

Bilaman, juda ko‘p o‘tlab ketdim. Demoqchimanki, shu tarjima sohamiz katta e’tiborga muhtoj. Sportchilar(ayniqsa, futbol va boks)dan ko‘ra ko‘proq parvarishga ehtiyoji bor. Chunki ahvoli ularnikidan ancha yomon. Qancha yillardirki reanimatsiyada yotibdi…

Yosh avlodning katta asarlarni, yangi nomlarni o‘zbekcha sayratayotgani esa kishiga umid beradi, baxtli yakun bo‘lishiga ishontiradi. Xuddi uzoq yillardan beri futbolchilarning Jahon Chempionatiga chiqishini orzu qilganimizdek puch bir narsa bo‘lib chiqmasligiga, hali gullab-yashnab ketishiga ishongim keladi…

🕊Telegram 📱Instagram

*⚡️Bepul foydalanish mumkin bo‘lgan video yaratuvchi neyrotarmoq*

U matnli so’rovni yaxshi tushunadi.

👉 Sinab ko’ring: hailuoai.video

@katarsis_kundalik

#sunʼiy_intellekt_moʻjizasi

**Matn yozasiz, janr tanlaysiz, sunʼiy intellekt oʻzi qoʻshiq tayyorlab beradi.

Ushbu qoʻshiqning matni:**

Tushlarim – tushovin uzib ketgan ot,
Ruhim qancha ozod – tagʻin shuncha mot.
Men sergak yashadim – hushyor yashadim,
Senga jilovimni bermadim – hayot.

Bugun makonimdan darbadar xasman,
Gʻammi bu,
baxtmi bu,
bilmadim,
mastman.
Qaygʻu qancha boʻlsa, chekarman yolgʻiz,
Ammo baxtni yolgʻiz koʻtarolmasman...

Sinab koʻrishingiz uchun link: https://songly.gift/ru/app/songs/create?song_id=8886

@katarsis_kundalik

TAASSUF

Saratonda salqining,
Zulmatingga yolqining,
Ming bir koʻyga koʻnikkan
Sen istagan talqining
Boʻlmoqqa tayyor edim.

Bir kechada oʻn karra
Oy vazn bermish, qara.
Hiloldek lahza-lahza,
Hiloldek zarra-zarra
Toʻlmoqqa tayyor edim.

Mayda dard – hech odamga
Hech shoshilma yordamga.
Zil dardlarim ezgan chogʻ
Hasrating ham gardanga
Olmoqqa tayyor edim.

Oy kecha toʻlin edi,
Oqshom ham soʻlim edi.
Men qoʻrqqanim ayriliq,
Sen qoʻrqqan – oʻlim edi.
Oʻlmoqqa tayyor edim.

SH.D.

@katarsis_kundalik