Набліжаецца Раство Хрыстова! Мы ізноў маем магчымасць перажыць радасць таго, што ХРЫСТОС ПАСЯРОД НАС!

Беларуская праваслаўная парафія Канстантынопальскага патрыярхату запрашае ўсіх на Каляднае Набажэнства!

АЎТОРАК 24.12 Святочная Вячэрняя Літургія пачнецца а 19-й гадзіне па адрасу Pylimo g.18.
Падчас вячэрняй каляднай службы праспяваем традыцыйныя беларускія калядкі разам з фальклорным гуртом Світанак.

СЕРАДА 25.12. а 10-й гадзіне раніцы Святочная ранішняя Літургія ў будынку Беларускай царквы па адрасу Bokšto g. 4.

Хрыстос нараджаецца! Весялімся!

P.S. Хто жадае падаць запіскі для памінання на Раство, калі ласка, запісвайце імёны ў каментары, ці у прыватныя паведамленні!

Будзем таксама удзячнымі за падтрымку нашай грамады:
LT667300010191071990
APREIŠKIMO ŠVČ. DIEVO GIMDYTOJAI KRIKŠČIONIŲ ORTODOKSŲ PARAPIJA
„Swedbank”, SWIFT код HABALT22
🤍Patreon https://www.patreon.com/user?u=92908320
❤️BYSOL https://bysol.org/ru/initiatives/orthodoxcommunity/
🤍PayPal https://www.paypal.com/paypalme/ortovilnya.

Калядкі пра Хрыстова нараджэнне, Казу ды п'яную Каляду: з якімі песнямі ісці калядаваць?

@euroradio выбрала пяць калядных песень з розных рэгіёнаў Беларусі, з якімі можна выправіцца па суседзях і павіншаваць іх са Святамі.

Чытаць тут: euroradio.fm/kalyadki-pra-hrystova-naradzhenne-kazu-dy-pyanuyu-kalyadu-audyyotekst

А гэтая спасылка адкрыецца і без VPN

22 сьнежня
Зімовае сонцастаяньне (самы кароткі дзень года ў паўночным паўшар’і Зямлі).
Дзень энэргетыка ў Беларусі.

ПАДЗЕІ

1216 — папа Ганорыюс III зацьвердзіў ордэн дамініканаў (вандроўных казаньнікаў).

1264 — падпісаная мірная і гандлёвая дамова Полацку з Рыгаю і Інфлянцкім ордэнам. Полацак адмаўляўся ад прэтэнзіяў на ніжняе Падзьвіньне і латгальскія землі, а Ордэн гарантаваў непарушнасьць Полацкай зямлі; былі замацаваныя правы полацкіх купцоў у Рызе і нямецкіх у Полацку.

1917 — у Менску ўтвораны Выканаўчы камітэт 1-га Ўсебеларускага зьезду.

1918 — у Менску заснаваны Беларускі савецкі тэатар.

1932 — афіцыйна зарэгістраванае Таварыства беларускай асьветы, створанае ў Вільні.

1945 — у Менску адкрыўся Беларускі тэатральны інстытут (ад 1993 г. — Беларуская акадэмія мастацтваў).

1989
— заснавана Беларуская фэдэрацыя футболу.
— у Румыніі перамагла народная рэвалюцыя, скіраваная супраць рэжыму Нікалае Чаўшэску. Сам ён быў неўзабаве расстраляны.

2020
— арцыбіскупу Кандрусевічу дазволілі вярнуцца ў Беларусь.
— карнікі правялі ператрус у офісе «Прэс-клюбу», затрыманая кіраўніца Юлія Слуцкая.
— міністар замежных спраў РБ Уладзімер Макей прыгразіў перагледзець шэраг праграм Эўразьвязу, якія дзейнічалі ў Беларусі пры амбасадах.
— Сэнат ЗША ўхваліў Акт аб дэмакратыі, правах чалавека і сувэрэнітэце Беларусі.
— іншыя падзеі 22 сьнежня на сайтах: Радыё Свабода, Наша Ніва, Belsat, Хартыя’97.

2021
— пра падзеі 22 сьнежня чытайце
https://www.svaboda.org/z/16621/2021/12/22

2022
— https://www.svaboda.org/z/16621/2022/12/22

2023
— https://www.svaboda.org/z/16621/2023/12/22

НАРАДЖЭНЬНІ

1720 — Адам Міхал Станіслаў Хмара, дзяржаўны дзяяч Вялікага Княства Літоўскага. Лоўчы менскі, падчашы, сакратар малой пячаткі, інстыгатар вялікі літоўскі, кашталян і апошні ваявода менскі, чалец Пастаяннай Рады.

1735 — Ян Мікалай Аскерка, дзяржаўны дзяяч Вялікага Княства Літоўскага. Падстолі і войскі мазырскі, стражнік палявы літоўскі. Пасол Чатырохгадовага Сойму, удзельнік паўстаньня 1794 году на Палесьсі. Памёр у ссылцы.

1878 — Мікалай Бліадухо (Мікола Блёдуха), геоляг, акадэмік АН БССР, дырэктар Інстытуту геалёгіі і гідрагеалёгіі (1929-35). Арганізатар геалягічнай службы БССР, адзін з заснавальнікаў сыстэмнага вывучэньня выкапняў, складальнік першай геалягічнай мапы Беларусі.

1888 — Леан Уладзіслаў Радзівіл, апошні нясьвіскі і клецкі ардынат, апошні дзейны законны ўласьнік Нясьвіскага палацу.

1922 — Алена Васілевіч, пісьменьніца і перакладніца. Творы аўтаркі дакладныя ў апісаньні побыту і раскрыцьці характараў чалавека, у іх паэтычнае бачаньне сьвету, стрыманая, даверлівая манэра апавяданьня і жывая народная мова.

1928 — Марат Батвіньнік, гісторык, дасьледнік гістарыяграфіі, прысьвечанай жыцьцю і дзейнасьці Францішка Скарыны.

СЬМЕРЦІ

1863 — Міхал Балінскі, гісторык і публіцыст. Віцэ-старшыня Віленскай археалягічнай камісіі (1855-62). Аўтар публіцыстычных, гістарычных і гістарычна-геаграфічных дасьледаваньняў, прысьвечаных Беларусі.

1937
— Янка Вярсоцкі, беларускі рыма-каталіцкі сьвятар і грамадзкі дзяяч, расстраляны ў вязьніцы НКВД у Алматы.
— Раман Семашкевіч, мастак-жывапісец, графік, скульптар, удзельнік групы «Трынаццаць». Ахвяра сталінскіх рэпрэсіяў, абвінавачаны ў «контрарэвалюцыйнай фашыстоўскай агітацыі і шпіянажы на карысьць Польшчы». Расстраляны ў Маскве.

1944 — Іван Лапо (Лапа), гісторык і пэдагог, дасьледнік гісторыі ВКЛ. Загінуў у Дрэздэне падчас бамбаваньня.

1995 — Мікола Шчорс, беларускі грамадзка-палітычны дзяяч у Заходняй Беларусі і на эміграцыі. Старшыня Беларускага студэнцкага саюзу (1935-37), старшыня Беларускага камітэту ў Варшаве (1940), узначальваў Беларускае праваслаўнае аб’яднаньне (1946-47). Доктар мэдыцыны, старшыня БККА, віцэ-прэзыдэнт Амэрыканскай асацыяцыі хірургаў.

2001 — Уладзіслаў Чарняўскі, сьвятар і перакладнік. У 70–80-я гады ХХ ст. доўгі час быў адзіны ў Беларусі каталіцкі сьвятар, які служыў па-беларуску.

2004 — Валянцін Ермаловіч, тэатральны актор, рэжысэр і пэдагог. Заслужаны работнік культуры БССР. Брат гісторыкаў Міколы і Лявона Ермаловічаў.

#гісторыя #каляндар #сьнежань