#nazm

Toʻkilib ketasan eshikni yopib,
Tashqarida izgʻir mezon nafasi.
Qaydandir...
bir suvrat olasan topib -
gʻalayon koʻtarar koʻksing qafasi.
Hozir baxt soʻzini eshitging yoʻqdir,
Shunchaki...
bir oʻzing yigʻlamoqchisan.
Tashqarida
Ishqni shivirlar yomgʻir,
oʻz-oʻzingni sheʼrga chogʻlamoqchisan.
Qoʻlga qalam olding,
toʻlding gʻussaga,
xonangga iymanib kiradi Afsus.
Kamiga dardlarin ortib jussangga
Yuragingga kirib kelayotir Kuz.

Mirzohid

@dunyo_klassikasi

​​Биринчи ўн китобни ўқиб бўлгач, ўзингизни дунёдаги энг доно инсондек ҳис қиласиз ва ҳар қандай файласуф ёки мутахассисга қарши чиқишга тайёрман деб ўйлайсиз!

Эллик китобдан сўнг, сигарет чекишни бошлайсиз, кундалик тартибни ва қаҳвани севиб қоласиз, ва кафеларда ёлғиз столларни танлашни бошлайсиз.

Икки юз китобдан сўнг, жиддий китоблар билан паст савиядаги китобларни ажратишни ўрганасиз ... қўлингизга қалам олиб, эслатмалар ёзасиз, ҳатто қўлларингизга ёзишингиз мумкин, ёки эҳтимол эслатмалар учун дафтар сотиб оласиз, чарм сумка ва шифокорга ўхшаб қалин кўзойнак тақиб юришни бошлайсиз. Ҳар ҳолда, жуда сокин инсонга айланасиз.

Икки юз эллик китобдан сўнг, одамлар билан алоқани янада кўпроқ узасиз...машҳур қўшиқлар ёки оммабоп дастурлар сизга ёқмайди, ўзингизнинг алоҳида дунёнгизда яшайсиз ва ўзингиз каби бир ақлдан озган одамни топиш учун ақлдан озгандек излай бошлайсиз!

Уч юз эллик китобдан сўнг, ўтмишда қанчалик аҳмоқ бўлганингизни тушунасиз ва ҳали ҳам фақат бирозгина нарсаларни билаётганингиздан ўзингизни янада аҳмоқроқ ҳис қиласиз!

Тўрт юз китобдан сўнг, юрагингизнинг кучли уришини ҳис қиласиз ва ўзингизга ўхшаган бир аёлни севиб қоласиз, эҳтимол уни кутубхонада ёки миллий музейда топасиз, ёки уни китоб саҳифалари орасида адашган ҳолда кўрасиз!

Беш юз китобдан сўнг, ойнага қараб, ўзингиздан фаҳрлана бошлайсиз ва ёзишни бошлайсиз, ва бу эса энди бошқа бир ҳикоя...

Facebookdan olindi.

@dunyo_klassikasi

Qafas qush izlagani ketdi.

Kafka

@dunyo_klassikasi

Men ko'pincha kechani kunduzdan ko'ra jonliroq va rang-barangroq deb o'ylayman.

Vinsent van Gog
@dunyo_klassikasi

Avvallari oʻqigan kitoblarim haqida yozsam, gʻoyasi, mazmuni, qahramonlari haqida yoritishga harakat qilar edim. Hech qachon undagi tahrir, imlo xatolari, tarjima darajasi haqida yozmaganman, garchi ming bitta xatosi boʻlsa ham.

Endi esa har bir kitobning nashriyoti, musahhih kitob ustida qay darajada ishlagani, sifati, sotib olishga arzigulikmi yoʻqmi, shular haqida ham ochiq yozib borishga qaror qildim. Zero, xalq yolgʻon piarlarga aldanib, sifatsiz kitob uchun pul sarflamasin.

@dunyo_klassikasi

Qara, yuragimda gulladi sogʻinch,
Bodomlar bundayin gullay olmaslar.

Nurxon

@dunyo_klassikasi

Shu kitobni oʻqimoqchiman.

​​"Taxtlar oʻyini" nihoyat chiqyapti. Oʻylab qarasam, men hatto oʻzim tarjima qilgan kitoblarning nashr jarayonidan ham bunchalik boxabar boʻlmagan ekanman.

Yarim yildan ziyod, ehtimol deyarli bir yildan beri Zabarjad Media shu asar bilan band. Tarjima jarayoni, undagi qahramonlar va joy nomlarini oʻgirish, asar ruhini saqlab qolish, izchillikni qoʻldan boy bermaslik, tahrir, tashih, mualliflik huquqini olish, tarjimon va muallifga haq toʻlash... Muqova dizaynini qilish, qilinganlari orasidan maʼqulini tanlash ham oson kechmagan. Bu kitobga koʻp mablagʻ, koʻp vaqt, koʻp mehnat ketdi. Kitobni qoʻlingizga olganda buni siz ham his qilasiz.

Bizning avlod Harry Potter bilan ulgʻaydi. Uning maktabi, doʻstlari, sarguzashtlari qadrdon boʻlib qolgan. Hamon kitoblarini qayta oʻqiyman, filmlarini koʻraman. Kim uchundir Narniya, kim uchundir Hobbitlar shunday. Yangi avlod uchun "Taxtlar oʻyini" qadrli. Uning muxlislari oʻziga xos bir jamiyat sifatida shakllanib ulgurgan. Ularning oʻz dunyosi, qahramonlari, jargoni bor. Bunda kitob asosida ishlangan serialning ham ulushi katta.

Agar hali serialini koʻrmagan boʻlsangiz tabriklayman. Birinchi boʻlib kitobini oʻqishga hech narsa yetmaydi. Agar serial ishqibozi boʻlsangiz yangi dunyoni kashf etishga tayyor turing. Chunki kino sizga hamma narsani tayyor holda beradi, hammasini film ijodkorlarining koʻzi bilan koʻrasiz. Kitobda esa bepoyon olam yastanib yotibdi. Uni hamma oʻz koʻzi bilan koʻrmogʻi kerak.

Sanoqli kunlar qoldi. Qish kelayotir...

@salimov_blogi

INTELLEKTLI ODAMNING BIZ BILMAGAN BELGILARI

Intellektli inson, deganda ko'zoynak taqqan, zilday kitobni ko'tarib yuradigan, darsdan boshini ko'tarmaydigan odam ko'z oldingizga keladimi? Yaqin-yaqin vaqtgacha menda ham shunday edi. Bu tashqi belgilar xolos. O'zini yuqorida aytganimdek tutmaydigan insonda ham IQ baland, miya faoliyati a'lo darajada ishlaydigan, sal kam geniy bo'lishi mumkin ekan.
Quyida intellektli odamning biz bilmagan belgilari bilan tanishtiraman.

1. NIGHT OWL
   Inglizlar yarim kechasigacha uxlamaydigan, ertalab turolmaydigan insonlarni night owl deb ataydi. Buni qarangki, intellekti yuqori odamlar yarim kechasi dars qilish va boshqa yumushlar bilan band bo'lishga moyil ekan.

2. PROCRASTINATOR
   Bu atama muhim ishlarini doim keyinga surib yuradigan odamni ifodalash uchun qo'llaniladi.
   Intellektli odamlar erinchoq bo'lganlari uchun berilgan vazifani bajarmasdan oxirgi muddatgacha cho'zib yurib, so'nggi soatlarda juda katta hajmdagi ma'lumotlar bilan ishlab, hattoki vazifani hammadan a'lo qilib topshirishi mumkin ekan.

3. YUMOR HISSI
   Xazil ko'taradigan, o'zi ham gap orasida xazillashishni yoqtiradigan insonlarda intellekt yuqori bo'lishining ehtimoli baland. Intellektli odamlar so'zlarni qanday qo'llashni biladi va suhbatdoshini oddiy gaplar bilan ham kuldira oladi. O'zlari esa uncha-muncha o'xshamagan xazillarga kulmaydi. Puxta o'ylangan, ilmoqli xazillarga reaksiya bildirishlari mumkin. Ayniqsa, qora yumorga o'ch bo'lishar ekan.

4. TARTIBSIZLIK
   Daho odamlar tartibsizlikni sevadi, deyishadi. Betartib xona, ish stoli oddiy o'rtamiyona odamning jig'iga tegsa, intellektli odamlarga bu holat yoqar ekan. Narsalar taxlanib tortmada, javonlarda turmasdan, atrofida yoyilib yotishi ularga qulaylik berish bilan birga yangi idealar paydo bo'lishiga xizmat qilar ekan.
   Juda qiziq)

5. BOSHQA INSONLARNING KAYFIYATINI HIS QILA OLISH
   Ko'p hollarda kunimiz rasvo o'tsa, depressiyada bo'lsak, buni maska ortiga yashirib, kulib turishga harakat qilamiz. Intellektli odamlar do'sti, yaqinlari "yaxshiman, hamma joyida" degani bilan aslida qay ahvolda ekanligini his qila olar ekan.

6. JUFT TANLASHDA QIYNALISH
   Mos juft tanlash o'zi hech bir inson uchun oson ish emas. Ammo intellektli odamlarda bu jarayon juda qiyin kechar ekan. Osonlikcha sevib qolisholmaydi.
   O'tkinchi hissiyotlar va simpatiyaga tayanib jiddiy qarorlar qabul qilib, relationship o'rnatishmaydi.
   Bundan tashqari, intellektli odamlar introvert xarakteri sababli yolg'izlikdan zerikishmagani va har bir ishni mustaqil bajarishni afzal ko'rgani sababli relationshipga ehtiyoj sezmaydi.

7. SO'Z BOYLIGINING YUQORILIGI
   Intellektli odamlar kitoblarda, ko'cha-ko'yda, odamlar orasida, mediada ishlatilgan bejirim, noodatiy so'zlarni eslab qolishga moyil bo'ladi va ko'pincha nutqida qo'llashi mumkin. O'zbek tilining native speakeri bo'lsangiz ham, siz bilmagan C2 darajadagi so'zlarni ishlatib qolishsa ham hayron qolmang. Bundan tashqari, intellektli odamlar juda ko'p maqol va frazeologizmlarni bilishadi.

8. BILIMIGA SHUBHA QILISH
   Intellekti yuqori bo'lgan odamlar hech qachon o'zini aqlli deb hisoblamas ekan. Internetda, atrofidagi odamlarga qarab, o'z intellektiga past baho beradi. Va biror narsani bilishini isbotlashga harakat qilmaydi.
   Savol bersangiz, javobi "bilmadim" bo'ladi. Muhokamali mavzular va debatlardan uzoqroq yuradi.

9. FAROSAT
   Men doim "Farosat intellekt bilan birga yuradi" deb hisoblaganman. Farosati oliy darajada bo'lgan inson odamlar orasida o'zini qanday tutishni, qayerda nima deyishni, shaxsiy chegaralarni, haddi qayergacha ekanligini juda yaxshi biladi.

Men bilganlarim hozircha shular. Do'stlaringiz va oila a'zolaringizning xatti-harakatlarini kuzatib ko'ring-chi, balki shu kungacha intellektli insonlar atrofingizni o'rab turganini sezmay yurgandirsiz)

@mia_gapiradi