اباعبدالله
اباعبدالله حسين ..... حسين
•••••••••••••••••
الكلشي ابيش اميزه من ارد الاگيه
بس حزنك وغيره يغثنه طاريه
الهوه الماشمه زايركم نغص بيه   يتعده

اجيك مدنگ وتاخذني الك راس
المثلك مو بچف بالعين ينجاس
اليحبك لو بطه توديله عباس   يفگده

حلات اسمك     بحلات الگبه والرايه
وليهمك            لضريحك كلهه مشايه
منهد دمك        النهر ماينجرع مايه    حبيبي
••••••••••••••••••••••
الحمد لـلله ورزقهه عيونه دموع
جا هلبت حوافر تلفي لضلوع
موبس گلبي كلي عليك مشلوع   يغالي

الحمد لـالله اعله يومك عايش اليوم
وتغثني اطشرت ومسلب هدوم
جا ليمت نگول حسين ملموم   سؤالي

حلم عندي     يمر طيفك يبوعيوني
من اضل وحدي    ادورك زين بشلوني
العشگ يحدي   واحبك خل يلوموني   حبيبي
•••••••••••••••••••••••
منهد ملگه الضعن گمت اكرهه الشام
واثوب عيوني من تچهبني السهام
الجبير الله وشكو بالدنيه خدام    دخيلك

اول عشگ مو بالجسد بالروح
واول جرح ويطيبهه الجروح
واول سالفه ونبديهه مذبوح   دخيلك

عفت كلشي    بضهري وللضعن جيتك
التهب هرشي   بثواب الضلت ابيتك
من اجيك امشي   زغير مجلب ابصيتك   حبيبي
••••••••••••••••••••••••••
كبر ذنبي اعله طولي ورايدك عون
يقبلة فقره مو بس لليصلون
بالزوار اشمك من يمرون  حبيبي

شماجابو طواري العازه اصد ليك
واجابل طيفك وبعيوني اناغيك
يالبكل الگلوب وما تكفيك   حبيبي

علئ ايامك    حزن خل تخلص ايامي
وعلئ خيامك حرگ خل تشبع خيامي
الگلب صامك   وفطر يم ريجك الضامي حبيبي
••••••••••••••••••••••••••
احبك من يضحكولي اعله مبجاك
واحبنك عشگ مايخلص وياك
شكبرهه حضوضنه وصرنه ولگيناك  يتعبي

يالبلا راس تسمعني من احاجيك
وحدر اگماطي ويفززني طاريك
لحد طبرت العاشر مامخليك يگلبي

اريد احجي وخاف عليك تتعور
واضل ابجي يم كل جلمة مطشر
الحمل يرجي يواحد لاحسين اكثر حبيبي
•••••••••••••••••••••••
علي الشامي .........

من عله النوگ انودع حسين
من عله النوگ انودع حسين

لا كون ميته وروحي يمكم
مو هينه من اجبل والمكم
هزل النوگ وهودج النوگ
كل خطوه يتمايل بختكم

طحت شوگ هضمني الذابح حسين وطحت شوگ
علئ النوگ فواتحكم يخي صارت على النوگ

وانشد عليكم وين ماوين
من عله النوگ انودع حسين

يحسين يالمكسور ضهره
لميتكم وذره اعله وذره
شما رت اگرب واعتب عليك
تعرض بعيني خيول عشره

اعله صدرك شثگله الحافر وفات اعله صدرك
من اذكرك اعورك حتئ يحسين من اذكرك

موت وذبح وحده من الاثنين
من عله النوگ انودع حسين

تهون الخيم محترگه ودروب
يحسين بس شيطفي الگلوب
مناشغ ثكاله من امس لليوم
متعوبه وتحشملهه متعوب

من اجيناك عفنه العطش بالخيمه من اجيناك
لچمناك الوجع عابر للطيوف ولچمناك

غير البچي شعدهه النساوين
من عله النوگ انودع حسين

رغم الضمه ومعاير الناس
ياماي لا عطشانه عباس
وانت اعله رمحك مشتهي تموت
ميت وتدعي بموتت الراس

اعله الرماح عزيز بصف عزيز النه اعله الرماح
يذباح ابمكان حسين نحري اخذه يذباح

جا ضاله المن كلهه ميتين
من عله النوگ انودع حسين

للـمـاكـو كـلـه تلچمه معتـــاز
ومـيتنه مـامـش رد يـجـنـاز
شثگله الفراگ مفارگه حسين
بثگل اليحن گلبه اعله العزاز

مـن اتـانـيـك عل بلكت تــرد لـينـه مـن اتـانـيـك
من احاجيك مبارك خويه سمعني من احاجيك

يا اخ گلبي وطيفي والعين
من عله النوگ انودع حسين

علي الشامي .......

امشيلك واعثر بالوينه
لوتدري شصاير بسكينه
موش وياكم من ردينه
ياابوفاضل .... ياابوفاضل

ماريد الماي بس شوفت وجهك ترويني
يملاگه وراي عينك فكهه وخلهه بعيني
موتدري بهاي تنباگ من الفرگه سنيني

گمت اندس اعله الخيل بهداي
مو من هل الله ولا لجن راي

اليضل وحده يحير بروحه
وثگال ابن الزهره جروحه
ولبلكت ترجع مذبوحه
ياابوفاضل ..... ياابوفاضل

ياتالي وشيب يابزر امنه لما دام النه
مومال تغيب اطشر جسمك واطشرنه
اتهطر عيب وغربه الوادم مو وادمنه

لخـيامـكـم واصـل ونـيـنك
ومـن السهم مـمـروده عينك

مو هينه اعلينه نخليكم
نشاهد خاطر نجزيكم
وبكل اخ اشهگ طاريكم
ياابوفاضل .... ياابوفاضل

كون اتلگاك ياغالي وترخص بس لـ الله
نبطل ننساك چي من عدنه انتَ هواي اغله
خلهم بحماك سبعين حسين وعبدالله

خل تستمعلي الخيل والناس
بس لـ الله فدوه يروح عباس

ابن الكلشي وكلشي من ايده
حيدر للطف خله اوليده
لياخذهه من حلوگ الصيده
ياابوفاضل ..... ياابوفاضل

اندار عليك واتعوذ من كلشي يلجمك
تگوم ومابيك ودم ماباقي مخلص دمك
الخيل اتانيك توگع خاطر تطحن جسمك

كـون لا يـنـطي الـرسـايـل
لمن عدهه ضهر حسين مايل

حرگو خيمة زينب وينك
حشمته وما گام حسينك
غمض چي ماهيس عينك
ياابوفاضل ..... ياابوفاضل

ليمت نرتاح يالعفناك وما عايفنه
گاصد برماح خاطر يبن امي تفي النه
اوچه الذباح يتراوالي شما اذكرنه

واعله الهوادج من مشينه
رغم التعب بس ماغفينه

الفارگ وجهك يسهر ليله
چف يوميلك چف عالشيله
وياهو الماطايحلك حيله
ياابوفاضل ..... ياابوفاضل

علي الشامي .....

يابرحي ياكوسر عشگ
گالولي گاضي من السحگ
انجذب الدنيه اعله مودك من نجهبك ياصدگ
انه زينب ياخو زينب
انه زينب ياخو زينب

ج**رحك مامسولفته النياشين
وگلبك بين من بعيد يحسين
          ونحرك حصت السيوف
گمت اتحلم احلم وانتجي عليك
وأنت الف وتسعمية جرح بيك
           شيب وغطه الزلوف

يـالـگـايد الدنيه بـرمـح تنگاد
كاسر خاطر الله ومنذبح غاد

يالبيك ماي الله ارتوه
ياجرح واغله من الدوه
انغبش علئ عيونك من عيونك ندور ضوه
انه زينب ياخو زينب
انه زينب ياخو زينب

ب**يك مجلبه ومدافع خذوني
لـما وكفو گبالك هـطروني
                   ميت ما نحشمك
من تالي الحسين ويالمجاتيل
حتئ اعله اسمه هم تتراكض الخيل
                    الحيره من ارد المك

احط روحي ابمكانك لوفگدناك
يعني من ارد اموتن لازم وياك

اغفه ويفز بيه الصبح
شما يلفي راسك عالرمح
ندبر عذر للمايجي شنحط عذر للمنذبح
انه زينب ياخو زينب
انه زينب ياخو زينب
**يالبوكتك وموتك موش وكته
الـزلـمـه الينهطر تتـهطر اخـته
                   رمح وتباوع النه
تعيره حسينه الناس بخواته
واصد ليه وتصد ليه الشماته
                  ولا ضـلـت محنه

ويگـله الـشـمـر للـيـنـشـد مـنـيـن
زينب هاي اخت عباس وحسين

ياروحي لوعندج بخت
انـه الهضمني تحيرت
ياروحي جاشيموتج كل هذه صار ومامتت
انه زينب ياخو زينب
انه زينب ياخو زينب
*اتلفت شرد اتاني حسينه ومات
واغص بالمحد الجن يالغريبات
                  اوحده تصبر لاخره
حسين ابالي جلمه بلكي وتصير
يصير نموت كلنه وترجع بخير
                     وتحرسك الزهره

طلعت للخله لماطلعت صوت
كلشي يگلي موتي ولامج الموت

اربي علئ رمحك وانلجم
حـرمـه وتصد ليه الزلم
مزيته رمحك عن بُعد من باوعت جي كله دم
انه زينب ياخو زينب
انه زينب ياخو زينب

ماوالم حزنه مضاحك الجيش
ومگاطف شتايم نشگف ابيش
                   ثلث مرات متنه
اريد اوصلك ومستحيه الاگيك
جبير ضعونه وماضل كتر بيك
                    ورقُيه تعبتنه

لا تنشدني عنهه وعالدواوين
راسك موتاهه من امس يحسين

وي اخر اسم الله وجفت
والتشبه الزهره انچفت
من جابو الراس بطشت شبگت علي وتمددت
انه زينب ياخو زينب
انه زينب ياخو زينب

علي الشامي  ........

كلش هاملك يالمستعز بيه
تنحط بالگلوب الحبتك نيه
حسين لمارهم غيره ابداله
اگولن بلكي ويحطني عله باله
كلش هاملك يالمستعز بيه

اكثر من البيهه احبك وأكثر من الشمعه اذوب
عليك امشي اركاض زينب لا تغافلني الذنوب
انت غير حجاية الله الجزت احكام الوجوب
وانت يحسين اليزورك كون من عدهه ويتوب

شعاجبك بيه وتحبني ومدري ليش
وانه تغله عليه جلمه هاذه بيش   ياحبيبي

الاحبك خلصت جابيش احبك
مطشر والخلگ مضام گلبك
مجفي عليك وانت عيونك عليه
كلش هاملك يالمستعز بيه

بالملح جايك يغزر يالترست الدنيه صيت
حسبت بس لحضه تبعد ريتني ولاحسبيت
حنضل ومر على ريجي تحيرت وادوهنيت
وگلت جابعيوني شلي وغمضت حدما عميت

بمالت الله نسولف ونگطر سراب
ومن تمد ضلوعك نلاگيهه باب   ياحبيبي

حطني بمشتهاتك وعله كيفك
المهم بس لا يشح عليه طيفك
فدوه اغديلك من النفس للريه
كلش هاملك يالمستعز بيه

گبل ليليه عله بابك گبل لا بطل بجيك
وگبل يالذتهه روحي لمن جانت روحي بيك
محد يگلي من اجهبك اشهگ بمجلس واجيك
عليك هل مره ارد اخافن عمري ماخايف عليك

الدنيه عتتني عله غيرك حيره هاي
واعطش وعشگك يفيض بروحي ماي   ياحبيبي

گبل لا فتش عيوني وعشگتك
شغله من الهوه التارس حضرتك
ومحد غيرك ينشفني طاريه
كلش هاملك يالمستعز بيه

بطارف عيوني من اصدلك مستحي بطولي الذنب
انه متعلي عله ربعك ياحبيبي من ارد احب
طلب عندي وفضل منك لو صغيت لهل طلب
لا تعاتبني عله بختك المثلي جتاله العتب

يالجزيت الوجع يالركضو عليك
سهم ضوگني ارد احس شويه بيك   ياحبيبي

اذا ضم الدمع يفضحني نوحي
ومن ماجهبك تزاعلني روحي  
غيمه وتطلب من الوادم اميه
كلش هاملك يالمستعز بيه

ضلوعي تتنسه عله حافر بلكي احصل بالطريج
رافگت واحد محرم حلم عمري ومو رفيج
وطشرت عيني عله عينك دمعه دمعه فكاك ريج
انت ماتنطلب تطلب وانت مو صاحب عشيج

هاك اخذهه عيوني واشرب دمعي هاك
الدنيه تنحط نجمه يحسين بسماك    ياحبيبي

يالسبعين منطي شلون بله
وكل هذه وگلت يستاهل الله
حنين ومنك وتبطل الحنيه
كلش هاملك يالمستعز بيه

علي الشامي .......

علي بويه
علي بويه
••••••••••
علي من اشتاگلك بالضيم جفوفي وحضني يردنك
يالمستطرق اعله الموت هو انه اشفت منك
عگلي يگلي خل ننساه وگلبي يغثني بالفنك
حتئ وگاعد اكبالي من اديرن وجهي افگدنك

هواك العامر ابريتي
مزاودني اعله عافيتي
رحت بس من رحت عني
يابيتي انهجم بيتي
•••••••••••••
علي بويه
علي بويه
••••••••••
شصيحلك بعد وتگوم فزت حتى موتانه
التسعمية وألف هينات اليعور جرح المتانه
علي خذني ارد اموت وياك اضل المن يبعد انه
بكثر ماطشرنك خيل اشوفك غاد واهنانه

بس خل الگه طولك عود
اركضلك ركض هادود
واشمك حد طلاع الروح
واخلص منك من تعود
•••••••••••••
علي بويه
علي بويه
••••••••••
علي مكبرني يزغيرون شده وعازتك شده
بنص ربعي وتگلي الناس ضل مدوهن لوحده
اريد اتعاتب ويالروح بينه الميت شعده
جاغير اليموت يموت مو كلساعه ونفگده

بيرد سكت الينشدون
مو هين واگول تهون
هل مره اعله ابن گلبه
يدور عون اخوها ام عون
•••••••••••••
علي بويه
علي بويه
••••••••••
الهضيمه بالتزامط بي خلگ الله يعيرونك
ولو رايد تغث مهضوم غثة بجلمة شلونك
عمر خلصته مامعتاز هسه اتحسر عيونك
يماي لكل گلب مشلوع نعطش من يعطشونك

حزام عليه متحزمين
وتالي اتفقو الصوبين
السيف ارحمله موبالسيف
بل اكبر خل يموت حسين
••••••••••••••
علي بويه
علي بويه
••••••••••
بالصحره ونسيت الماي من سولفتك بدربي
من كونك درب للخيل جا لو ادري ماربي
من حضني الحوافر بوگ باگت راحتي وتعبي
يالمجملني ضيم فراگ فوگ الضيم البگلبي

شنهي البيك ماصاير
شخله بصدرك الحافر
البواچي الضلن من اليوم
الك زتيتها الباجر
•••••••••••••••••
الأقل :: علي الشامي ....

((شور))
حُسين اه اه
حُسين اه اه

شضم حزنك شضم طاريك  وانت البيك خيعونك
احبك وانفضحلك دوم   واستر روحي بشلونك
واغمضك حتئ لو بالطيف   اخاف تحسدك عيونك
اكشخ بالدمه عله الناس   واضحك من يذبحونك

فضل ومغطيني امانك
اتلطف عليه بحنانك
تعوض ومحد يعوضك
غيرك شيترس مجانك

حُسين اه اه
حُسين اه اه

اتعب واعتب ومر شوگ   وانت عله الرماح ادور
يكثر من حزن ودموع    شيكفيلكم عاشور
علموني ارد احب حسين  وياحب يرهم المنحور
الدمعه التبرد بلا اخ    خلهه عله الحسين تفور

الخيل وعليكم التمن
وجزن لا مااضن يجزن
حسين من كونك تحبني
بشوغة السيف ارد احسن

حُسين اه اه
حُسين اه اه

يمسلوب الستر ينخاك    من يطيحلك مسلوب
ادورلي عله جلمة هاذ يالتسهر عطش وتنوب
يتعب گلوبنه التهواك   فقره ونعشگ المتعوب
قلعه من العشگ ينراد  ماكفنه عشگه گلوب

الصعبه من ينگال سهله
وضيم عشگك مانحمله
مثل جفي من ارد الزمك
تعوفك شيقنع النبله

حُسين اه اه
حُسين اه اه

يشبهك ياگمر ياناس    عبرت عله الخلگ جيلين
يبن الينعبد لولا...      موش انتَ النحطله منين
يالبكلشي حلو نلاگيك   جا من ارد اضمك وين
تكرهه الوادم من بعيد     ويحبه الله اليحب حسين

ياهمس فوگ السوالف
خايف انه عليك خايف
ياهو غيرك ماكو غيرك
تكشخ بحزنه الطوايف

حُسين اه اه
حُسين اه اه

اشتلني عله كل حافر     وخن انضح وجع ودموم
الحلوه اندارلك مسحوگ   وفشله وياكم الملجوم
اطيحن وانتجي وماگوم يالمابيك حيل تگوم
بگد ماطشروك حسين حط الله بسمانه نجوم

حسين جرحك من تبسم
بين عله ارگابنه الدم
تنحب وياك البواجي
ياضمه ومايك محرم

حُسين اه اه
حُسين اه اه

علي الشامي .....