احد أصدقائي شخص ناضج وخلوق دائمًا من نطلع نروح لجبل سنام والعشار نغير جو، المهم هذا الولد ما شايف اي غلطه منه ولا عنده سوالف بنات وماشابه، إنسان مُعتدّل ومن الاشخاص الي اذا تشوفهم تكول هاي شنو هذا ما حاب بحياته ابد!
تحسه رسمي لكن هو يشاقة ويضحك بحدود معينة، واغلب اصدقائي من يوكعون بمشكلة"عاطفية" يرحون ياخذون رأيه يله يجون يسألوني، مع العلم هو بعيد عن الحب، او بشكل اخر، هو ما ظاهرلنا الجانب العاطفي من حياته ابد، بحيث كلنا متأكدين ماعنده حبيبه.

قبل فترة جان عيد ميلادة الخامس والعشرين، وبنفس اليوم جانت ترقيته لمنصب أعلى لأن هو يشتغل بشركة، سويناله مفاجئة حفلة صغيرة يعمها اجواء الفرح والسرور بيناتنه بأحد المطاعم، وجانت هاي اول فرحه اله بعد مرور سنة على وفاة والدته الله يرحمها، كتلهم يلا يولّد اخذلكم صورة، فداخذلهم صوره بالمبايل مالته
جان يوصل إشعار مال رسالة خلاني انصدم بشكل فظيع ..
الرسالة من فلان بنيه مكتوب بيها بصريح العبارة:
"اني فكرت هواي وإتخذت قراري، انساني خلص وبعد ما اريدك"

بساع أثر بيه الكلام بس حاولت ما ابنيله شي، بنفس الوقت ما ردته يقره الرسالة حتى ما يتعكر مزاجة وتخرب هاي الفرحه، حاولت ابقي مبايله يمي طيلة الليلة، كلما يسألني احمد اريد المبايل دانتظر رسالة،
اني اسوي نفسي لو مشغول لو ما منتبه لو اغير الموضوع، حاولت قدر الإمكان ما انطيه المبايل.
ولكن هو شك اكو شي غير طبيعي من تصرفي، صرنه سوه اني وياه وبعد إلحاح من عنده انحرجت ونطيته المبايل
فتحه وشاف رسالتها، ضحك وگال هي هاي الرسالة الجنت ضامها عليه، والله عليك سوالف طالب
اني فرحت لأن گال هيج، حسيته ما مهتم وما تأثر هواي

هو وديحجي وياي بهل ثواني المعدودة
نزلت دمعه من عنده مسحها بساع ورجع يضحك.

جانت أحزن ضحكة اسمعها بحياتي
جانت أسوّد دمعه أشوفها بحياتي

هذا الحب الحقيقي"

تحس تريد تكتب تكتب
حد ما ينتهي كلشي.

علمود كل المسافة اللي مشيتها لحد هسه
علمود كل مرة گعدت تتخيل نفسك محقق حلمك
علمود كل اللي گلولك ماتگدر
وعلمود كل الدعوات اللي طلعت من گلبك للسما
علمود كل البدايات الحلوة اللي منتظرتك تعيشها
وعلمود الطفل الصغير بداخلك اللي وعدته انك راح تاخذه لمكان أحسن من اللي موجود بي هسه بأصرارك وجهدك
علمود كل هذا واكثر
انت راح تكمل.

مرات تركض على اهدافك واحلامك وهل شي مياخذ يوم ويومين انما سنين من حياتك، بس تعرف الخيبة وين انك لما توصل لاهدافك وتشوف احلامك بدأت تصير واقع ما تكون سعيد! هنا تدخل بحالة من السؤال المتعب (هو اني شنو اريد، ليش اني رغم هذا مو سعيد؟) يبدا صراع نفسي قوي بداخلك…

مرات تركض على اهدافك واحلامك وهل شي مياخذ يوم ويومين انما سنين من حياتك، بس تعرف الخيبة وين انك لما توصل لاهدافك وتشوف احلامك بدأت تصير واقع ما تكون سعيد! هنا تدخل بحالة من السؤال المتعب (هو اني شنو اريد، ليش اني رغم هذا مو سعيد؟) يبدا صراع نفسي قوي بداخلك بين اكثر من طرف ما تعرف انت أي واحد منهم وشلون لازم ينحل هذا الشي.

الحزء الاول
باجر اكمل الاسئلة

@taliblaw_bot
اسمع ارائكم هنا!

واسف اهواية ع الاطالة لان هذا الموضوع الكل يحتاج يسمعه

لما تكون هل علاقة متعبة للطرفين فنهايتها واجب اذا كنت تحب لما تكون العلاقة توترك من الداخل وتحس نفسك ما مرتاح فالنهاية واجب اذا كنت تحب اذا ما تريد تحول هل حب الى كره فنهاية هل علاقة افضل بكثير اذا كنت تحب اذا كانت هل علاقة نهايتها واضحة، فقرب نهايتها…

بس اني شلون اتعامل مع النهايات؟ اوقات النهاية تكون واضحة انت بس الي عاجبك تأجلها لاجل غير مسمى، عاجبك تبقى تصارع بحرب منتهية مثلاً او عاجبك تنفخ بنفاخة هي اساساً مزروفة وانت تحاول تتغاضى وما تسمع صوت الهوى وتنفخ خاصة اذا كانت هل نفاخة تعنيلك هواي، خاصة اذا…