Əs Sələmu Aleykum əziz müsəlmanlar kanalımızın böyüməsi və daha çox insanın faydalanması üçün kanalımızı paylaşmağınızı xahiş edirik ??

Ərəb dilindən başqa dillərdə namaz qılmaq olarmı?

Ərəb dilindən başqa dildə namaz qılmaq olmaz. Namazda Quran ayələri və zikrlər oxunur. Quran isə ərəb dilində nazil olmuşdur. Başqa heç bir dildə tərcümə Allah kəlamının mənasını olduğu kimi çatdıra bilməz. Uca Allah buyurur: "Həqiqətən, Biz onu ərəbcə Quran olaraq nazil etdik ki, (mənasını) başa düşə biləsiniz". (Yusuf, 2).
Ayədəndə göründüyü kimi, Quran ərəbcə nazil olandır. Başqa dillərdən olan tərcümə sadəcə mənaca tərcümədir, Quran sayılmır.
Həmçinin qeyd edək ki, Peyğəmbərin (salləllahu aleyhi və səlləm) yanında qeyri ərəblərdən olan səhabələrin olmasına baxmayaraq o, həmin insanlara öz ana dillərində namaz qılmalarını əmr etməmişdir. "Məni necə namaz qılan görürsünüzsə, siz də o cür namaz qılın!” (əl-Buxari, 6008; Muslim, 624).

Bəs yaddaşı çox zəif olanlar? Ayələri əzbərləməkdə aciz qalanlar necə namaz qılsın? Bu barədə alimlərin fətvaları nələrdir?

Daha ətraflı ⤵️

https://youtu.be/nEW6IuED94M?si=lAqZIwISwq1ES8rs

?️Sahib Əsədov

https://t.me/favaidulquran

Musa Peyğəmbərin (Əleyhissalam) etdiyi möhtəşəm dua.
Zalım qövmdən özünü qorumaq üçün yurdundan çıxan Musa (əleyhissalam) Mədyənə yollanır.
Mədyənə yollanan
Musanın (əleyhissalam) evi, ailəsi və işi yox idi.
Mədyən sulağına gəlib çatdıqda quyunun yanında heyvanlarına su verən adamlar görür. Lakin orda iki qız öz heyvanlarını digər heyvanlardan aralı saxlamışdı. Bunu görən Musa (əleyhissalam) niyə belə etdiklərini soruşduqda qızlar "çobanlar heyvanlarını sürüb aparmamış biz qoyunlarımıza su verə bilmirik. Atamızda qocadır" deyir. Musa (əleyhissalam) onlara kömək edib heyvanlarına su verir və bir kölgəyə çəkilib bu duanı edir "Ey Rəbbim! Sənin mənə nazil edəcəyin xeyrə ehtiyyacım var!"
Bir müddət sonra qızlardan biri utanaraq gəlir və deyir "Atam (Şueyb əleyhissalam) bizim yerimizə qoyunları sulamağının haqqını ödəmək üçün səni çağırır"
Şueyb (əleyhissalam), Musaya (əleyhissalam) 8 il işləmək qarşılığında qızlarından birisi ilə evləndirmək və iş təklifi edir və razılaşırlar.
Beləliklə bu duadan sonra Musanın (əleyhissalam) həm işi olur, həm də Şueyb Peyğəmbərin qızı ilə evlənmiş olur.

Daha ətraflı Qasas surəsinin mənaca tərcüməsini oxumaqınızı tövsiyyə edirəm.