بعد استشهاد النبي (ص) نزل جبرائيل على بيت السيدة فقالت له:
هاي اخباري.... من عگبك يابويه اتلوع
هاي اخباري.... بكل لحظه الموت اتجرع
ماضل بالعمر.. بس وشلة صبر
هاي اخباري

مـن اهـد مـاغـربـت عـنـي وجـفـن عــيني جـفاه النوم
الـعـمـر مـايـنـحـمـل لـو طـال عــايـش مــيـت المهموم
غـفـت عيـنك واخذني الشيب شسولف يجرح المظموم
عـلـى بيتك..عـلى بنيتك.. بحقـد مـتحـزمه هـاية الگوم

بضعه وروح المختار..... يحرگون عليه الدار
وبات بضلعي البسمار.......... هاي اخباري

اشهگ گوة .. ودخان التارس ريتي
اشهگ گوة .. والليل يسلب عافيتي

تسولف والحچي.... إيخنگه البچي
هاي اخباري.......... هاي اخباري

مـايـفـهــم حـچــي المــتعـوب بــس الـلي تعب مثله
يـمــر إعــلـى الــعليـل بـروح طـويل الليل شيحمله
تـضـل تـثگــل عـلـيه الانفاس اثگل من نگل رجله
يتمنى أعلى روحه الموت ويسولف دمعه اليهمله

بالگوة اخلص الليل..بيه ماضل اي حيل
اسمع يانجم سهيل........ هاي اخباري

تعبانه هواي.... ونحلانه حيل ضلوعي
تعبانه هواي.....مايلحگ چفي دموعي

صفر عودي وذبل.. وگرب وكت الاجل
هاي اخباري............. هاي اخباري

ورا بـابـي وسمـعـت الـصـوت عـليـها لازم تـدفـعــوه
الــنسـا عـنـد الـعـرب تنـصان خـدي بيا ذنب سطروه
و شـشـايــف بــعـده مــن دنياه ابـنـي بيـا ذنب كتلوه
وگف محتار حتى إبليس استحى من الگاعـد يسووه

بيهم حتى الشيطان ... بسكته واگف حيران
شيحطلهم عنوان؟............. هاي اخباري

ماكو مروة......... عدهم لا ضلت رحمة
ماكو مروة....... بچف الـينمد عالحرمة

من كلمة وإن...........بده ليل الحزن
هاي اخباري............. هاي اخباري

كلما عاين على الباب علي بوجهة الحزن يلتم
يـذكـر يـمه صيحاتي و طـولي الـمنرسم بالـدم
عايـنـته وشـفـت مكـسور حيرة حيرة ابن العم
مـابين الـوصيـة وببـين أبـني وضلعـي التهشم

بدمعاته يصد إعليه... الگيّد سيفي وايديه
فاطم گلي الوصية.......... هاي اخباري

بحسرة يگلي........ فاطم كلهن ياذني
بحسرة يگلي.. الضلع المكسور وابني

يفاطم محتمل......... اموتن ما اضل
هاي اخباري............. هاي اخباري

لـ خادم ال محمد
علي أحمد

عظم الله اجوركم بإستشهاد مولاتي فاطمة الزهراء (سلام الله عليها)

أنا أتشارك 'هاي اخباري' معك

بحزن نادى الامير......... والقلب مجروح كسير

نوخي الضعن قليلا.......... فاطم اين المسير؟

بدمعة يسولف المكسور وحيدر سولف بدمعة

طــويلة الـسفرة هـالـمرة ومـابيها بـعد رجعه

انـه الـماعرفت الـخوف المــبعد ونيي يسمعه

مو ضلع ام حسن مكسور انه المنكسر ضلعه

انكسر خاطري وگلبي... عگبج ماعرف دربي

الراحو كلهم اعزازة....عينه على الدرب تربي

آه........... آه............ آه.......... آه

كيف اعود لمضجعي....... وحدي انا لستِ معي

والدمع ينزل كالحمم............ آلان بان توجعي

يفرك بالچفوف بغيض مثل مادارت الرحة

الله يــعـثـر الــبســمار مـننا بايگ الفرحة

صـعـب ياحالة الـكرار ياكـلمات الـتشرحه

هذا اللـي قـلـع خـيبر بـابـه يصعب يفتحه

ضل يشهگ دمع وتراب .. كلما عاين على الباب

يحس بغصة بالبلعوم........ اليدفن بديه الاحباب

آه........... آه............ آه.......... آه

بالأمس كفنت الرسول... والآن اكفن بالبتول

امسيت لا ادري بحالي....... ميتا حييا أقول؟

المـغرب يخنـگ المتعــوب هــنانه تبين العازة

مـن يعــاين إعـلـى الدار مـابـي ريـحة اعزازة

يمشي ويه النعش مكسور صـاير سيفه عكازة

علي ماچن علي ياناس جـنازة وتمشي بجنازة

يالبچفها الجروح إتروف.....على گبرج حسافه نطوف

انطفت بالبيت امس شمعه...وغراب على الديار يحوف

آه........... آه............ آه.......... آه

قد على صوت العويل....... لعلي وجد السبيل

ليلة التوديع حانت............ آن والله الرحيل

عــزمتي الـرحـيـل بـساع ماضـلي اثــر مـنـچ

يــفـاطـم مــو وكـت تـوديـع مــابـيه اودعـنـچ

مـتـعـود عـليج هـواي شـلون بـلحظة افگندچ

شگولن للحسن وحسين لو سألوني انه عنچ

ماريده العمر لو طال..... واعيش بديرة مال انذال

تراب البيدي هلته عليچ........تمنيته عليي ينهال

آه........... آه............ آه.......... آه

بـــالگوة گـمـت الـنفس اشهگ
الفارگ محب من عمره يزهگ

خادم ال محمد
علي احمد

أنا أتشارك 'لجرح مولاي علي (فاطمة)' معك

وسائلي يا صاحبي بم تقتدي؟
فالدهرُ اما عادلٌ او معتدي

ومصائب شتى تلوح بكفه
تحتاج مقداماً بفرط تجلُدِ

تلوي ذراع الدهر قوة صبره
كالسهم في خطواتهِ ومسددِ

ما همه ما قال فيه العاذلُ
أو ضره بُغضاً كلامُ الحاسدِ

فالناس أعداءُ لما جهلوا وما
عن قطفه عجزت مراوغةُ اليدِ

فأجبته يا سائلي عن قدوتي
لافض فوك وعن لساني فأشهدِ

إني ارتضيت فأقتديت ومتبع
لمحمدٍ و محمدٍ ومحمدِ

لـ علي عسكر

أخـر لـحـضـة والله يـدري بحالة
وچـان كـل هــمـة يصل مرسالة
وادمـك يحـسين مـو وادم حـلال
بخنجر مـتانيك اللي يگـلك تعال!

دارت الـدنـيـا وعليه جـار الزمان
وجابتة القسمة لنفس هذا المكان
نـاس مـاعـدهـم مـحـنة ولا حنان
وهـمها مايبقى علي بنص الآذان

ودارت الدنيا على مسلم بيها طاح
والـمكاتيب أصبحت خـيـل ورمـاح

الأمـس كـتبولـه والـه گـالـوا تعال
إعـلـيه فـزعـوا مثـل حيات الرمال
الـخـيـل والخـيالة بل حتى الخَيال
چانت ترامي عـلى مـسلم بـالنبال

و رغـم هــذا ومايهم بـروحـة أبـد
جرحـه چـان حسين يبقى بـلا سند

مـا لـگـة الـينقـل وصيتة للخيام
وگـال للـريح انـقـلي هـذا الـكلام
سـيـدي بـعـد الـتـحـيـة و السلام
هـي هـي الـكـوفـة أرجع يا أمام

نـاس تـحـصد كـل حلم رايـد يعيش
وحتى جنح الطير تسلب منه ريش

لا تغش الهـلا شـوف عـيـونك
بـالسـيـوف الگـوم ينتظرونـك
حـسـين رد الـضعـن ليـذبحوك
وخنصر مـن چفوفـك يسلبونك

حسين چذبة بالكتب هاي الهلا
وبـاچـر الـيـذبح حـلمكم حرملة

لـ علي عسكر

أنا أتشارك 'ليلة مسلم' معك

بهذا الزمن ... الكل مُمتحن
يـالـلي تـوالي الـكرار
لا تبتعد عن هالضعن

يـوميه واحـد يــطــلع الـنـة بـقـصـة
بـلا مـسـتحـة وبــلا نــداوة گــصــة
رايـد يـفـرق بـس يـحــصـل فـرصة

يـوميه يـطلـع شـيـطـان
من الإنس مدري الجان
يـشـعـل بـيدة نـار الفتن

واحـد يـگـلك عـلي ربنا الـخـالـق
وواحـد يـگـلك للـخـليـقـة الرازق
جـهلـوا كـلهم حق الكتاب الناطق

حـيدر عـلـي يـعـبـدونة
الـمـا عـرفـوا ايثمنونة
جهلوا حقة وهذا الثمن

بلا الـغريب نـعـذرة لـمـن يـذنب
فاهم غلط وعلى الغلط متعصب
بس المصيبة عليمن انته تعتب

لـو جرحك من الخوان
گـلـي شتحط يا ميزان؟
جروح الأخو ماينشفن

واحـد يـگـلك هـاللـطـم مـيـفيدك
وتمشي على رايه بالكلام يريدك
إمـن الـشـعر خـلـينـا بيت نزيدك

الـهم ديـن وإلــنـا ديــن
ودين الخدم حب حسين
خيمة وصُبح للكل وطن

نفـس الـحچي وبكل زمان تشوفة
وهـاي الخطط لليفتهم مـكـشوفـة
والـغـايـة منها واضحة ومعروفة

نفس الفكرة ونفس الراي
الـيمنع مـجلس مانع ماي
وذنــي أيــام و يـتـداولن

لـ خادم ال محمد:
علي عسكر

"الابوذيات"
ملا عز الدين (بغداد)