Кеча Аллома Шайх Муҳаммад Аввома Ҳазратлари(умрлари узоқ бўлсин) насиҳатлари орасида "Расулуллоҳ алайҳиссалом ҳадиси қудсийда айтгандилар, Аллоҳ Таоло Кимнинг Қуръони Карим ўқиши менинг зикримдан тўсса, яъни, зикр ва дуо қилмаса, Қуръон ўқиш билан банд бўлса, унга мен мендан сўрамаганларини ҳам, дуо қилиб сўраганлардан кўра кўпроғини бераман деган" дедилар. Бугун шу ҳадиси қудсийни қидириб топдим. Қаранг,

عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: قَالَ اللَّهُ تَعَالَى:
«مَنْ شَغَلَهُ الْقُرْآنُ عَنْ ذِكْرِي وَمَسْأَلَتِي أَعْطَيْتُهُ أَفْضَلَ مَا أُعْطِيَ السَّائِلِينَ، وَفَضْلُ كَلَامِ اللَّهِ عَلَى سَائِرِ الْكَلَامِ كَفَضْلِ اللَّهِ عَلَى خَلْقِهِ».

Абусаид ал Худрий (розияллоҳу анҳу)дан ривоят қилинади, Расулуллоҳ (соллаллоҳу алайҳи ва саллам) айтадилар: Аллоҳ таоло "Кимни Қуръон тиловати билан машғул бўлгани Мени зикр қилишдан ва сўрашдан тўсса, унга сўровчиларга берганимдан афзалини бераман. Аллоҳнинг каломи (Қуръони Карим)нинг устунлиги барча каломларга нисбатан Аллоҳнинг махлуқотларига устунлиги кабидир." деб, марҳамат қилади- дедилар.

Термизий ривоят қилганлар, (Ҳадис № 2926).

Демак, Қуръони Каримнинг тиловати зикр ва дуодан устун бўлиб, эҳтиёжини сўрашга ҳожат ҳам қолмайди. Тиловат қилмаганлар эса, сўраш билан умри ўтиб кетади...

(Бу билан мен эшитганимни етказмоқчи бўлдим холос, ўзимда қолиб кетмасин, дедим.)

Салим АЙЮБИЙ (Салоҳиддин Тожиддин ўғли)

@softabobat

https://t.me/SalimAYYUBIY

Аллома Шайх Муҳаммад Аввома Ҳазратлари умрлари узоқ бўлсин.

Бир кун Падари Бузрукворимизни жуда соғиндим. Кўргим келди, ҳар ерга қарадим, яшаган уйларига кирдим, расмларига қарадим, кўнглим таскин топмади. Кейин болаларни мошинага солдим, "юринглар, бир жойга бориб келамиз" дедим. Ёшликларида биздан узоқроқ, Қирғизистон чегарасига яқин жойга қатнаб, биттаси дарё бўйида, яна биттаси канал бўйида бўлган иккита дўконда ишлагандилар, ўша тарафга қараб юрдим. Бирисини умуман топа олмадим, у ерлар бузулиб ўрни боғ бўлиб кетибди, иккинчисини қидириб йўлга тушдим. Жойни топдим, аммо, дўконни топа олмадим. У дўкон ҳам бузулиб, ер билан текис бўлиб кетибди, фақат бетон жуда қалин- бақувват экан, фундаментлари қолибди. Ўша жойда тўхтаб, жим қолдим. Озгина Қуръон тиловат қилдим, дўкон изини кўриб, дадамни кўргандай бўлдим. Болалар бироз ўйнаб, айланиб юрди, мен эса ҳаёл суриб ярим соатлар ўлтирдим...

Бу ўзимнинг бошимдан ўтган кичик бир воқеа. Сизга айтганим сабаби– отаси борлар эртага қидириб, изларига қараб қолишдан аввал, бугун ўзларига қараб олинг дедим...

Салим АЙЮБИЙ (Салоҳиддин Тожиддин ўғли)

@softabobat

https://t.me/SalimAYYUBIY

Истанбул. Катиб Касим маҳалласида бир йигит соф ўзбек тилида одамларга гапириб, нималарнидир сўрарди. У ерда сайёҳлар турли миллат бўлганидан унинг гапини ҳеч ким тушунмасди. Яқинлашганимда менга ҳам гапира бошлади. Қўл кўксида, ўзбекона ҳол-аҳвол, салом алик қилгандан кейин чўнтагидан отель визиткасини чиқарди-да, "ҳеч йўқ шу ажнабий тушунсин" деб ўйладими, узундан-узун қилиб "Куран отеееееллль, Куран отеееееллль" деди. Сўзларини бўлиб "Тўғрига юрасиз, кичкина чорраҳа келади, чапга бурилиб уч юз метрча юрсангиз ўнг тарафингизда баланд, оқ бино бор, ўша Куран отель" дедим. У шундоқ хурсанд бўлиб кетди-ки, мен қайси тилда гапираётнимга эътибор ҳам қилмади. Кўринишидан "Туркчани тушуна бошладим" деб ўйладими, шошиб йўлга тушди. Уч-тўрт қадам ташлагандан кейин ортимга қарасам, кейинроқ фаҳмига етиб борди шекилли, мен томонга қараб "Ий-е! Ўзбекмисиз?" дегандай оғзи очилиб турарди, унгача туркча бемалол гаплаша бошладим деб ўйлаганди))).

Салим АЙЮБИЙ, Салоҳиддин Тожиддин ўғли

@softabobat
@SalimAYYUBIY

НИШОНГА УРИЛГАН ГАПЛАР

Никоҳ маросимидамиз. Бир киши кайфиятни кўтармоқчи бўлиб ҳазил билан:
-" ... ака! Бунча уяласиз!? Сал бемалолроқ ўлтирсангиз-чи! Бу туришингиздан биринчи уйланишингизми-а!?-деди кулиб.
Бироз сукутдан кейин:
-"Ҳа... Иккинчисига биринчиси..."-деб жавоб бердим...

Салим АЙЮБИЙ (Салоҳиддин Тожиддин ўғли)

@softabobat

https://t.me/SalimAYYUBIY

2017 йил ёзган эдим, эсимга тушиб кетди:

ИЛТИМОСНОМА

Бензин чайқовчининг қўлидан ўтмасин деб, нархи кўтарилди.
Автосаноатдаги “шапкага қарши курашиб” мошина кўтарилди.
Имтиҳонда пора аралашмасин деб, шартнома кўтарилди.
Ун савдосида коррупцияга барҳам берамиз деб, нон нархи кўтарилди.
Энди, шу сенаторлардан илтимос, бизга бошқа яхшилик қилманг, шунчаси ўзи етади... :)
(2017)

Салим АЙЮБИЙ (Салоҳиддин Тожиддин ўғли)

@softabobat

https://t.me/SalimAYYUBIY