هوسات بحق الامام صاحب العصروالزمان (عج)
🌷🌷🌷
عطشت الدنیا اعله جیتک،یمته تروي هلعطش،،،
اهدعش حکموها ابعداله،وانته حاکم لثنعش،،،
یالله دحییهه یغایب، کافي محموله ابنعش،،،
  (روّیهه ابسیفک واحییهه)
🌷🌷🌷
ننتظریالمهدي تظهر کافي بس الانتظار،،،
قصّت الدنیا ابظلمها والظلم مابي عمار،،،
یمته تبسطهه العداله وتردمعموره الدیار،،،
(والدین اتشیّدقانونه)
🌷🌷🌷
قصّت الدنیاابظلمها وغلب حکم الجاهلي،،،
تاهت وتیهت رسنهه وصاربیدال مو ولي،،،
یمته تصفه ابحکم واحد وترد قانونه ال علي،،،
(وبحکمه انریدک تحییهه)
🌷🌷🌷
طالت غیبتک مولاي الیمته اتطول هلغیبه،،،
موخزنت اجروح الدین وانته الکل جرح طیبه،،،
دظهر واشهرالبتّارکافي الگلب تعذیبه،،،
(سل سیفک واظهربلساحه)
🌷🌷🌷
نریدک لشوکت ننخاک،عجّل بلظهورالنه،،،
الدنیا احتاجتک مولاي کافي الظلم والمنّه،،،
علیهادبسط القانون وابسط فوگها الجنّه،،،
(دگ ثایة جدّک مولانه)
🌷🌷🌷
ڪ محمد ابوصكر النعامي /الاهواز

أعمال ليلة ويوم النصف من شهر شعبان:

الليلة الخامسة عشر (ليلة النصف من شعبان) :
1 – الغسل
2 – إحياؤها بالصلاة والاستغفار
3 – زيارة الإمام الحسين (عليه السلام)
4 – دعاء الإمام الحجة (اللهم بحق ليلتنا هذه ومولودها ..).
5 – أن يدعى بهذا الدعاء للإمام الصادق (اللهم أنت الحي القيوم العلي العظيم ..).
6 – أن يدعى بهذا الدعاء (اللهم اقسم لنا من خشيتك ..)
7- أن يقرأ الصلوات التي يدعى بها عند الزوال في كل يوم
8 – دعاء كميل
9 – التسبيح والتهليل
10 – صلاة ركعتين يقرأ في الأولى (الحمد) وسورة (الكافرون) وفي الثانية (الحمد) و (قل هو الله أحد)، وبعدها يدعى بهذا الدعاء (يا من إليه ملجأ العباد في المهمات ..).
11 – أن يدعى بهذا الدعاء (إلهي تعرض لك في هذا الليل المتعرضون ..).
12 – أن يدعى بعد كل ركعتين من صلاة الليل وبعد الشفع والوتر بهذا الدعاء (اللهم صل على محمد وآل محمد شجرة النبوة وموضع الرسالة ..).
13- أن يسجد السجدات ويدعو بالدعوات المأثورة عن النبي (ص).
14 – صلاة جعفر الطيار
15 – صلاة أربع ركعات يقرأ في كل ركعة (الحمد) و (قل هو الله أحد) مائة مرة، وبعدها يدعى بهذا الدعاء (اللهم إني إليك فقير ..).
16 – صلاة ست ركعات يقرأ في كل ركعة (فاتحة الكتاب) والثلاث سور (يس) و (الملك) و (التوحيد).
أعمال يوم النصف من شعبان :
١ – الغسل
2 – الصيام
3 – زيارة الإمام الحسين (عليه السلام)
4 – زيارة الإمام المهدي المنتظر (عجل الله فرجه الشريف)

🌷يا مهدي🌷
مجموعة ابوذيات

هَـزّولــي ابـدعــا الــفــرج  ..  مـهـداي
وعمري وما مـلـكـتـه ألـك  .. مـهـداي
كل يوم واصيـح بـصـوت  .. مـهـداي

متى اتــكـحل عـيّـون الـرافـضـيـه

-----------------------------------------*

الشدد مــن دون شخصك.. من يحلهه
وسـمـانــه بـغـيـر نـــــورك.. من يحلهه
الـحـيـاة اتـصـيـر جــنــــه.. من يحلهه

الـفـرح. وبـطـلـعـتـك تـزهي الـوطـيــه

-------------------------------------------*

ديـانــه  الــمـا تــعـــرفــك مـه ..  ديانه
وَأنــه بـنــورك يـمـهـدي مهدي  ..  آنـه
مَـتـه تـصـيـح النواصب مهدي .. ايانه

ويـرد بـيـده كـسـر ضـلـع الـزجـيـه

-------------------------------------------*

يـطـيـر الـسـعـد مـر بـيـنـه  .. فرحنه
ول أل  الــنــبــي  يـحـلـــه  ..  فرحنه
مشينـه بـدرب ابـو الـيـمـه  .. فرحنه

نـبـاركـلــه  الـولاده  الـمـهـدويــه

--------------------------------------------*

✍خادم الأمام المهدي عج
الشاعر رعد الجريخي

جدي ابو عادل في ذمه الله

(تعزية)

بسم لله الرحمن الرحيم

كل من عليها فان ويبقى وجه ربك ذل الجلال والاكرام

صدق الله العلي العظيم

اعزي اخي وصديقي ملا حسين الگوبعي
بوفاة جده تغمده الله بوافر رحمته الواسعه
واسكنه فسيح جناته

ستقام مراسيم العزاء في محافظة البصرة قضاء سفوان

**دمعتي بعيوني    يهلي من عفتوني
والمرض بجفاكم اخذ حيلي ولوني

حيرتي ودمعاتي
           ونتي وحسراتي
عاشرت لوعاتي من رحت يالغالي
          ولميت اهدومي
     وچني اعيش اليومي
والي  زاد اهمومي من بقيت الحالي
چـني اودع روحـي لـمن اتودعوني
والمرض بجفاكم اخذ حيلي ولوني

گمت اعد ايامي
         اودعيت احلامي
يون جرحي الدامي واحسب بساعاتي
          حير تتبع حيره
        اوحشه كل الديره
وجهي كـل مـاديـره انـظـر الـحسـراتي
حـت لـو الگاهم اهلي ميعرفوني
والمرض بجفاكم اخذ حيلي ولوني

غالي يتبع غالي
        مشو وانه اشحالي
دمـعتي تـبـرالي واليـتم دگ بابي
      هيچي گلي احساسي
       مـاتـجي كـل نـاسـي
ياهو يمسح راسي بفگد كل احبابي
باليتم حس بالي وخايفه اتيتموني
والمرض بجفاكم اخذ حيلي ولوني

جـمـر يادمـعـاتي
      موت احس صفناتي
اه ياحـسبـاتي ومـوتـتـني احـزاني
         ناري تلهب ناري
     وحشه روحي وداري
مـن يودي اخـباري للمشه وخـلاني
امصابي ياذي مصابي وين اليواسوني
والمـرض بجفاكم اخـذ حيلي ولـوني

حزني حيل اذاني
             والمرض هداني
والــدي واخــواني بـعـد مـيـردولـي
           خطر حست روحي
            وفـززني اجـروحي
زاد وني ونـوحي ودمعي هـل ابطولي
عاتـبـت وبـحـرگه خـلهـم ايعذروني
والمـرض بجفاكم اخـذ حيلي ولـوني

كثريت اعتابي
            وعايشه بمصابي
مـن يـوصـل اكتابي لـكربله والناسي
          الصار شنهي وجاري
            بگلبي تـوگـد ناري
شلون اطب بداري صار موت احساسي
جـرح كـلي عـليـكم وانـتم اتلچموني
والمـرض بجفاكم اخـذ حيلي ولـوني

هاني ناصر السعيدي**

**مشتاگتلك اي وعيونك مشتاگتلك
     تسأل حميده       وجهك اريده
                مشتاگتلك

تـسأل حميـده وتـنتـظر يالـطوليت اغيابك
شنهي المأخرك ياسبب سولفلي بويه اسبابك
لاچـمنـي گـلبي ابغيبتك مـاضن تـرد لـحبابك
كل مايجرني الشوگ الك اركض واشم اثيابك
ماخذ روحي وروحي تريدك ماخذ روحي
  امنيتي الوحيده        وجهك اريده
                   مشتاگتلك

ضـلمه حـيـاتي ابغيبتك والحزن طول ليله
العمرگطره اعله الـرمل والحيل خلص حيله
بويه البـنـيـه التـنهـضـم غـيـر الابـو تـشكيله
والـمثـلي فـارگها ومـشه خـل للگـبر تمشيله
    ماناسيتك بويه وعينك ماناسيتك
  وعلتي الشديده         وجهك اريده
                  مشتاگتلك

مـافارگ اعيوني الـدمع وعيوني ابد متعوفه
اصفن وطيفك من يمر بالصفنه روحي تطوفه
والبـاب من يندگ گمت اركـض عليه مـلهوفه
وأســال الطيـر البالسمه عنـدك اخبار الـكوفه
  كلشي اتغير من افراگك كلشي اتغير
    وگلبي نشيده        وجهك اريده
                   مشتاگتلك

حسبات تاكل بالعمر بس اشعظم حـسبـاته
العـيد اجـه وطـول الابـو بالبـيت يامحلاته
ومحلات وجها امن الصبح لو عايد وليداته
مـعـذور شـوفي الضيعك لو عيـد ابـدمعاته
بس اصورك خالي امچانك بس اصورك
   الماضي شيعيده       وجهك اريده
                  مشتاگتلك

اتمنى اروحـن للگـبـر وهـنـاك اكـثـر اعتـابي
وانعه عليهم من صدگ وبدمعي اروي احبابي
چـانـوا دقـيـقـه لـوغبت مـايـحـمـلون اغـيابي
مسـدوده بـيـبـان الگـبـر بـس منـتظرهم بابي
   وين الگاهم راحوا كلهم وين الگاهم
     وروحي عنيده          وجهك اريده
                   مشتاگتلك

الــزين تـكتـل فــرگتـه لــويـومـك ولايـومـه
كـون بـوسـط روحك يجي مو بالمگابر نومه
ياناس روحي امن البعد واعلى المشو مالومه
صـفنات شاعر صـفـنـتي مـن يختلي بهمومه
   ياصـفنـاتي اعليهم تذبح ياصفناتي
ودمعه القصيده        وجهك اريده
                     مشتاگتلك 
                ــــــــــــــــــــــــــ
             هاني ناصر السعيدي**

ياالرايد الجنه،، للقاسم اتعنه
ابن الميامين،،،،،  زوره
لو رايد الجنة عدن متشوقه عيونك
لحظرت القاسم اعتني وخلهم يدلونك
لو حاجه عندك لو طلب ميخيب اضنونك
زواره عنه اشگد قصص خلهم يسمعونك
تشهدله زواره،،،، ونعرفت اخباره
ابن الميامين،،،،، زوره
باب الحوائج والده وهوه نفس طبعه
محد يجيله بحاجته والقاسم ايرجعه
اليدعي يمه يقدره  واليهمل الدمعه
الرحمه وي المغفره يم بابه مجتمعه
يغفرلك اذنوبك،،، يسترلك اعيوبك
ابن الميامين،،،،،،،، زوره
اطيب عطر لو رايده اشتم عطر بابه
هذا الكريم بكل وكت ما ينسه احبابه
والزاره يركضله الهوى ويشبگ على ثيابه
اشگد ملوك اتعنته وسجدت على اعتابه
جده النبي هوه،، منبع للمروه
ابن الميامين،،، زوره
هاي المدينه اتشرفت، بوجوده بنواره
وشيريد من الله بعد هذا الصبح جاره
من حظرته ومن مرقده يصبح عطر داره
صبح ومسه وبكل وكت يقراله الزياره
والعايش بقربه،،، مايشعر بغربه
ابن الميامين،،، زوره
من مرقده وبكل حزن ابعث تحياتي
بلكي النسايم للرضا تاخذها دمعاتي
اتمنه ازوره لو گلت! تخنگني عبراتي
لكن الضامن ادري انه. يسمعها كلماتي
حلمي ازورنه،،، وشباچه اقبلنه
ابن الميامين،،، زوره
سعد العبودي

**يافاطمة الموت اهون من غيابج
رد قالع الباب ودموعه اعلى بابج
رجع خافي الكبر    علي شنهي الامر

ليش حيدر من كبرها رد ولا جنه علي
يصيح يافاطم يروحي ياهوبعدج ضل الي
يافرحتي وياحياتي ويابعد روحي وهلي
ياولي ومكسور خاطر من رجع فاگد ولي
معذور معذور يالفاكد حياتك
يالحدر الاتراب مدفونه امنياتك
شتحمل ياصبر     علي شنهي الامر

شلون بالدافن حياته شنهو يجبر خاطره
وحتى دمعاته الي تنزل ماتكفي وحايره
حيدر الله يعين گلبه دفن بيده الطاهره
راجع ومكسور ضهره الضلع كلش كاسره
  دمعه أعلى الخدود ضل تارك علامه
   وتـيـتـم اليـوم يـاوالـي الـيـتـامـه
   حيره ومنكسر   علي شنهي الامر

من اطب للبيت موحش ياعمد بيتي وضواه
ايضيگ يافاطم عليه خنكه مااشتهم هواه
صوت من كل باب يطلع والألم يطلع وراه
الحسن وحسين سهله صوت زينب اه اه
كل ذكره بالدار بغيابج حزينه
جارحني الفراگ وجروحج حنينه
جمر يلهب جمر   علي شنهي الامر

زينب تباوع لبوها سكته ويسيل الدمع
تكله امي شلون ماتت والله احس كلبي انشلع
يكلهه من غسلت امج مرت ايدي اعلى الضلع
بويه اسمع اخ صحت جنهه حست بالوجع
من دفعوا الباب عالحايط عصرها
يبنيتي بسمار متعدي لصدرها
الم ذاك الكسر    علي شنهي الامر

العمره 5سنين هذا يفارك امه امن الصعب
وصعبه يم الطفل صعبه لوذكرت اسم الحرب
شلون زينب شافت امها فوك خدها تنضرب
  ايد حاقد سطرت امها وعينها من دم تصب
     ياعشرت النار  ليش امن البدايه
     وحرگت اويلاه اطراف العبايه
    هذا اول يسر   علي شنهي الامر

من البدايه وصبر زينب عجز من عنده الصبر
چـم ضلع مر بسمعها وسمعت صوت الكسر
واكثر اجروح العقيله من رجع خالي المهر
  لا اهلها  ولا عشيـرة وسـلـمــت لله الامـر
       مابين عدوان چا وين الكفلها
       زينب يزهراء راحو كل اهلها
حاديها الشمر     علي شنهي الامر

? حبيب ناصر السعيدي
?هـانـي ناصر السعيدي**

مقدمه للزهراء ع

عظم الله لك الاجر علي

فاطمه مـاتت ودارك طـــــــافيه
راحـت اوارحـــت اوياها العافيه
القبل چانت ماليه اعليـكم الدار
وســــفه هسه بالمـــگابر غافيه

عظم الله لك الاجر علي
ـ-------------------

باد حيـــــلك مــن ردت تغسيلها
خاف تاذي ضـلوعها امن اتشيلها
الله يجــــبر گلبك بهذا المصاب
جمر حگها دموعك امن اتسيلها

عظم الله لك الاجر علي
ـ---------------------

شــــلون راح اتنــام ليلك دونهه
وزهرتك بيدك امغمض اعيونهه
ياعلي ياحيـــــــــرتك بعد البتول
مــــــن بعد هاليوم متشوفونهه

عظم الله لك الاجر علي
ـ--------------------

شلون حـالك مـــــن بعد فرگاهه
الچنت تتشـــــارك بكلشي اوياهه
شلون لوگلبك يحن وكت الغروب
وتجــي اطـب للـــــــدار ماتلكاهه

عظم الله لك الاجر علي
ـ---------------------

شلون لوشفت الحسن وحسينهه
وزينب المانشف مــــــدمع عينهه
ازغار عافتهم ويمك مــــــن يجون
يســــــــــــألونك بويه فاطم وينهه

عظم الله لك الاجر علي
ـ-------------------

✍ الخادم
كامل السعيدي