BRAND-MEDIA Digest: សង្ខេបព័ត៌មាននៃព្រឹត្តិការណ៍ថ្ងៃទី១៤ ខែតុលា ឆ្នាំ២០២៤

ភ្នំពេញ៖ សម្ដេចបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានគូសបញ្ជាក់ថា ទីផ្សារកម្ពុជាតូច ដូច្នេះត្រូវតែបើកទ្វារធ្វើពាណិជ្ជកម្មជាមួយទីផ្សារអន្ដរជាតិ និងត្រូវតែបើកឱ្យមានការនាំចេញ និងនាំចូលនូវទំនិញរវាងគ្នាទៅវិញទៅមក មិនអាចបិទមិនឱ្យគេនាំចូលមកវិញបានទេ។
(ប្រភព៖ Fresh New) - Read

ភ្នំពេញ៖ ឯកឧត្តម ស សុខា និង ឯកឧត្តម ហ៊ុន ម៉ានី សហការពិនិត្យឡើងវិញ នូវការវិភាគមុខងារ និងរចនាសម្ព័ន្ធក្រសួងមហាផ្ទៃ ដើម្បីផ្តល់ជូនវឌ្ឍនភាពការងារ និងការពង្រីកវិសាលភាពព័ត៌មាន ស្តីពីការអនុវត្តការងារ និងដំណាក់កាលនានានៃការពិនិត្យឡើងវិញ និងការវិភាគមុខងារ និងរចនាសម្ព័ន្ធ។
(ប្រភព៖ Brandmedia). - Read

ភ្នំពេញ៖ រដ្ឋមន្ត្រីក្រសួងការងារ ស្នើឱ្យកែសម្រួលរថយន្តដឹកកម្មករនិយោជិតឱ្យមានកន្លែងអង្គុយសមរម្យ ជំនួសឱ្យរថយន្តណាដែលតម្រូវឱ្យកម្មករនិយោជិតត្រូវឈរជិះលើរថយន្តនាពេលបច្ចុប្បន្ន។
(ប្រភព៖ Brandmedia) - Read

ភ្នំពេញ៖ ក្រសួងទេសចរណ៍កម្ពុជា បានឱ្យដឹងថា រយៈពេល ៨ខែ ដើមឆ្នាំ២០២៤ កម្ពុជាទទួលបាន ទេសចរអន្តរជាតិ ប្រមាណ ៤,២៩ លាននាក់ កើនឡើង ២២,៥% ក្នុងនោះទេសចរជនជាតិចិន មានប្រមាណជិត ៥៤ម៉ឺននាក់ កើនឡើង ៤៧,៧% បើធៀបនឹងរយៈពេលដូចគ្នាឆ្នាំ២០២៣។
(ប្រភព៖ DAP) - Read

ភ្នំពេញ៖ ម្ចាស់ផ្ទះកម្ពុជា ឈរចំណាត់ថ្នាក់លេខ៤ នៃតារាងមេដាយ ក្រោយដណ្ដើមបានមេដាយសរុប ៤១គ្រឿង (មាស ៩ ប្រាក់ ៤ និងសំរឹទ្ធ ២៨) ក្នុងការប្រកួតកីឡាឃីកបុកស៊ីងជើងឯកអាស៊ី ឆ្នាំ២០២៤ នៅវិមានពហុកីឡដ្ឋានជាតិ(អូឡាំពិក) រាជធានីភ្នំពេញ។
(ប្រភព៖ Bayon Radio) - Read

អន្តរជាតិ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គីបាននិយាយថាទំនាក់ទំនងយោធាជាមួយប្រទេសជាដៃគូ ត្រូវតែមាន ការផ្លាស់ប្ដូរ ដោយសារតែកូរ៉េខាងជើងបានបញ្ជូនកងទ័ព រួមទាំងអាវុធទៅជួយដល់កងកម្លាំងរុស្ស៉ី នៅអ៊ុយក្រែន។
(ប្រភព៖ Aljazeera) - Read

អន្តរជាតិ៖ ចិនបានដឹកនាំការធ្វើសមយុទ្ធយោធានៅជុំវិញកោះតៃវ៉ាន់ ជាមួយការបញ្ជូនយន្ដហោះ និងនាវាចម្បាំងដើម្បីហាត់សមឡោមព័ទ្ធ កោះតៃវ៉ាន់ ដោយមិនបានបញ្ជាក់ថាសមយុទ្ធនេះនឹងបញ្ចប់នៅពេលណាឡើយ។
(ប្រភព៖ NHK) - Read

អន្តរជាតិ៖ វៀតណាមនិងចិន ចុះហត្ថលេខាលើកិច្ចព្រមព្រៀងចំនួន១០ ចាប់ពីវិស័យកសិកម្ម រហូតដល់ការទូទាត់ QR Code ឆ្លងប្រទេស។
(ប្រភព៖ Taipei Time) - Read

អន្តរជាតិ៖ យ៉ាងហោចណាស់ មានពលរដ្ឋប៉ាឡេស្ទីន ចំនួន១៩នាក់ បានស្លាប់បាត់បង់ជីវិត និងរាប់សិបនាក់ផ្សេងទៀត បានរងរបួស នៅក្នុងការបាញ់ផ្លោង របស់អ៊ីស្រាអ៊ែល ទៅលើលំនៅដ្ឋាន សាលារៀនចំនួន១កន្លែង ដែលជនភៀសខ្លួននៅក្នុងជំរុំជនភៀសខ្លួន Nuseirat នៅភាគកណ្តាល នៃតំបន់ហ្គាហ្សាស្ទ្រីប ។
(ប្រភព៖ Xinhua) - Read