Yashang, yigitlar! Birinchisiga muzqaymoq yeb kelishni oʻzi ham katta natija!

Taklifnoma

31-may kuni Yozuvchilar uyushmasi tomonidan O‘zbekiston Qahramoni, xalq shoiri Erkin Vohidov xotirasiga bag‘ishlangan tadbirlar o‘tkazilаdi. Soat 08:30 da Chig‘atoy qabristoniga ziyoratga boriladi, 09:30 da Adiblar xiyobonidagi shoir haykali poyida gul qo‘yish marosimi, soat 10:00 da uyushmaning majlislar zalida adabiy-maʼrifiy kecha hamda “Faust” va “So‘z latofati” kitoblari yangi nashrlari taqdimoti bo‘lib o‘tadi.
Barchangizni ushbu tadbirlarga taklif etamiz.

O‘zbekiston Yozuvchilar uyushmasi Axborot xizmati

#Zomin_2024_saralashi
#Jizzax_Samarqand_hududiy_bosqichi

23-24-may Respublika yosh ijodkorlarining anʼanaviy Zomin seminarining Jizzax va Samarqnd hududiy bosqichini oʻtkazish uchun ustozlarimiz Oʻzbekistonda xizmat koʻrsatgan jurnalist, Yozuvchilar uyushmasi raisining birinchi oʻrinbosari Минҳожиддин Мирзо, Yozuvchilar uyushmasi aʼzosi, dotsent, tarjimon Begoyim Xolbekova, Yozuvchilar uyushmasi aʼzosi, katta nosir, yurtimizdagi eng mashhur Yoshlik Jurnali bosh muharriri Nurilla Choriyev , asli jizzaxlik katta shoir akamiz Шоди Отамуродов lar bilan birgalikda Jizzax shahriga yetib keldik. Ertangi saralash bosqichida ishtirok etadigan yosh ijodkor uka singillarimizga omad tilab qolamiz!

@Qalb_yoli

#g'oliblik

⚡️ Nodirbek Magnus Karlsenni mag'lub etdi

Kim nima desa desin-u lekin bir oʻzbek oʻlaroq mana bu holatdan maza qildim, gʻururlandim! Yasha oʻzbek oʻgʻloni! Bolaligimdan magʻlubiyatga chidolmaslik, faqat gʻalaba uchun harakat qilishni oʻrganganman. Gʻalabali yurishlarimiz bardavom boʻlsin!

IRODA

Oyog'imdan chaldi xatolar,
Tik qolmoqqa yetmadi kuchim.
Tag'in qaddim tutdim, dunyoga
Kelmaganman yutqizmoq uchun.

Tuyulgandi bu janglar qiyin,
Mardlik ta'min bilmagunimcha.
Tugamaydi hech qachon o'yin,
Men g'alaba qilmagunimcha!

Niyatullo Elbek o'g'li

@Qalb_yoli

Ketdim...
Seni tashlab xayollar bilan,
Ko'klardan tushganding, ko'kka sovurdim.
Va yana javobsiz savollar bilan,
Tirik xotiralar bilan ovunding.
O'tli hislaringni topa olmay tang,
Shamol shivirida hech ne sezmaysan.
Yelkasida pidjak ildirib olgan -
Kimnidir ko'rganda meni eslaysan.

Niyatullo Elbek o'g'li

@Qalb_yoli

Кўз очиб юмгунча

ёпилди боғларнинг яшил китоби,
Сарғайган сардафтар узатди кузак.
Хаёл бўлди Хобил,
ёнимда Қобил,
Қадаҳга қон қуйиб дастурхон тузар.

Ғичирлаб айланди кўҳна чархпалак
Соғиниб бўзладим, қушлар - муҳожир.
Кўрсавод оломон парвойи фалак,
Дахрийлар муаззин, ўғрилар ҳожи

Кўз очиб юмгунча.

Қайғулар шеър бўлди, таъналар олқиш,
Юракка сингмади байрам шукуҳи.
Кўзгуга термулсам, ўттиз баҳор-қиш,
Яссавий умрини яшади руҳим

Кўз очиб юмгунча.

Нурмуҳаммад АЗИЗ

@Qalb_yoli