**گعديه لاستشهاد امير المؤمنين ع
.................................

يساعد گلبچ الدامي يزينب عظم الله اجرچ
امس ودعتي ام حسين وعلي هالليله ايودعچ

صعبه اثنـينهـم يرحون
الله يـسـاعـدچ يم عون
يزينب عظم الله اجرچ
.................................

على مصـابــچ يـزينب الله لـيـعـيـنچ
نفس مخنوگ والدمعه ابطرف عينچ
الـحـيـدر والـزچــيـه يـكـتــل ونـيـنچ
بالـدمـعـه عـلـيـهـم تـخلـص اسنينچ

ياصـبـر ابـصـبر مكنون
الله يـسـاعـدچ يم عون

يزينب عظم الله اجرچ

بقلم خادمة آل البيت ع
.................................
ياصبر الصبرتي ينوصف بجبال
ثگل عگب الولي يالحره حملچ مال
من شفتي الولي مصيوب اودمه سال
من جابه الحسن للبيت بدمع همال

امصابه يهز الكون
الله يساعدچ يم عون

يزينب عظم الله اجرچ

الــ✍ــحاجه ام احمد الحچامي
.................................
كلف يمصاب ابو الحسنين ماذينه
طبرو هامته ابرمضان والينه
ظل دمه العطر ينزل عله جبينه
ماكمل اصيامه وراح غالينه

ايتامه عليه يـبـجـون
الله ايساعدج يم عون
يزينب عظم الله اجرج

✍️ام احمد الساعدي
.................................

على مصابه نعه جبريل بسمانه
انهدم ركن الديانه و راس قرآنه
الفرض جن و أنس تتبع مولانه
مخضب من دماه متغيره الوانه
بمحرابه الوصي يغدرون
الله ايـساعـدج يـم عون

يزينب عظم الله اجرج

✍🏻العلوية ام منتظر جمال الدين
.................................

الله يعــين گــلــبج شـــفــتي الطبره
فــجع گلبـج بــعد مــاراحـت الزهره
مصاب اثنين شفتي من اهلج العتره
بــدت بيج المصايب ضــلت اموجره

واعله اهلج بچت لعيون
الله يسـاعدج يــم عــون

يزينب عظم الله اجرج

أم صــ✍️ــادق المنصوري
.................................

يالمودعه الحنينه باچر اتودعين
ابـوچ المايصح بالكون منه ثنين
اليكض الـخواصـر لمن اتدمعين
لو عـنـچ مشه دم ودمـع تـبچين

وخوتچ بالنعش يمشون
الله يـسـاعـدچ يم عون
يزينب عظم الله اجرچ

بقلم خادمة آل البيت ع

.................................

(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 21 / شعبان /1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترةhttps://t.me/HOWEIY اشترك بالقناة عبر الرابط اعلاه☝️**

**نزله حيدريه في ليلة الضربه للامام امير المؤمنين ع

((الوزن هجري))
___
صوت ناده بالسمه
انطبر حماي الحمه

ياحيدر،،،ياحيدر
✿──↻✿...✿↺──✿

صاحت الاملاك باسمه علي انطرت هامته
دخن الكــون ابمصابه ام عون لمن شافته
دمـــه ينـــزف من جبينه غرگتها اعمامته
زينب ابمعصبها شدت جرح ابوها وضمدته

اعـله ابـوها مألمــه
انطبر حماي الحمه

ياحيدر،،،،ياحيدر

أم صـــ✍️ــادق المنصوري
✿──↻✿...✿↺──✿
فاجعه ماكو مثلها انطبر حامي الدخيل
ليله صعبه على زينب مابطل منها العويل
بالصلاة وهو ساجدضلت ادمومه تسيل
يبن ملجم شنو ذنبه ماخفت ربه الجليل

لدنيه بعـده مظلمه
انطبر حامي الحمه
ياحيدر ،،،،،ياحيدر

✍️ام احمد الهاشمي

✿──↻✿...✿↺──✿
بالسمه ناده المنادي يالله حي اعله العزاء
اتغيرت الوان الطبيعه واضلمت فجئه السماء
طاح بالمحراب حيدر رابع اصحاب الكساء
ونزل جبرائيل يصرخ زيدوا ياشيعه البكاء

طاح راعي الموزمه
انطبر حامي الحمه
ياحيدر ،،،،،ياحيدر

بقلم خادمة آل البيت ع

✿──↻✿...✿↺──✿

كومي يا أم المصائب واستعدي للمصاب.
بالسمه ناده المنادي انطبر داحي الباب.
شافت الوالي أبوها بدمه وكعت عالتراب
هاي مودنيا يزينب هاي بس ضيم وعذاب .
هواي دربج بي دمه.
انطبر حامي الحمه.
ياحيدر .... ياحيدر

آلاء الـ✍🏻ـطائي

✿──↻✿...✿↺──✿
نعازي هالليله العقيله انطبر حيدر علي
انهدمت اركان الهدايه الليله مصيوب الولي
يلعن الله المرادي افديك آنه بكل هلي
ولمصابك ياولينه دمعي من عيني يهلي

اليوم عازي فاطمه
انطبر حامي الحمه

ياحيدر،،،،،ياحيدر

الــ✍ــحاجه ام احمد الحچامي

✿──↻✿...✿↺──✿

نعازي ام الحزن بته والگلب يگطر دمه
عظم الله اجركم یالعقیله او فاطمة
ابوسطت المحراب ويلي انطبر حماي الحمه
يا مصابج على الوالي يا دموعج ساجمه

والــیتامــه لاطـمه
انطبر حماي الحمه

يا حيدر ،،،، یاحیدر

خادمة اهل البيت عليهم السلام العلويه ام سيد مهدي الموسوي

.................................

(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ ١٩ / شعبان /1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترةhttps://t.me/HOWEIY أشترك بالقناة عبر الرابط اعلاه☝️**

قصيده لسان حال مولاتنا زينب عليها السلام
وهيه تعاتب ليله الواحد والعشرين من شهر رمضان
__
ليله واحد وعشرين صعبه كلش اعليه
بيها شال ابو الحسنين شال ومايرد ليه

وشمصعبچ يالـلــيله
شايل حامي ادخيله
__

يالليله شگول اعليچ من الوالي حرمتينه
مانصبر تره بلياه الدنيه اضلمت اعلينه
جرح گلبي بعد ماطاب ياليله و تلچمينه

اسف ياحيف
صابه السيف

حيدر غرب من الدار وعليه العين معميه

✍️ام مهدي الفرطوسي

«»«»«»«»»«»»«»»«»
للحارب كفر وصنام انوح وتجري الدمعه
صعبه ليله اوداعه بيهه الروح منفجعه
عايفني ابيتم وشال امغرب مااله رجعه
مختنكه بقيت الوج وضاكت بيه الوسعه

انغدر حيدر
بسيف الـشر

كاسر گلبي فاجعني يايوم الوداعيه

✍ام مرتضى الخزرجي

«»««»«»»«»»«»»«»«»
اشمصعب ليله اوداعه زينب وي والداها
اجت يم الحسن وحسين دم اتسيل دمعتها
گعدت ونت اگباله ادموع العين هلتها
تگله والدي اشلونك تجرساعه بحسرتها

الف ويلااه
فــارگــــنـاه

هجرك بويه ياذيني يتيمه عفت البنيه

✍️زهره الكناني

«»«»«»«««»««»«««»»

ياليلة هجر ووداع صعبه شلون اعديها
گدامي الابو ينشال ودمعي ابعيني عاميها
رحمي بحالي ياليله عطلي الفجعه خليها

ساعه احذاي
يطول اوياي

اشبع شوف من عنده وأگله هم يمر بيه

أم صـــ✍️ــادق المنصوري

«»»«»»«»»«»»«»»«»»
حيلي نهدم بفراكه حنين الوالد هوايه
افز بليل ما الكاه اشوفن بس امصلايه
خالي منه محرابه نار الكلب سرايه

راعي الزود
مـا موجــود

انده بسمه كلساعه جوت كلبي الفراكيه

الخـ✍️ـادمة زينة الگريشاوية

«»«»«»«»»«»»»»«»««
««
يبويه وداعتك روحي تراهي اخلاقك انحيله
من يوم المشت امي وانت مداري العيله
من عكبك تضل لهموم تسرد بينه يا ويله
اخوتي مذبحه بكل صوب وانا دمعتي اشليله

مـــا ننـــساه
صعب فركاه

أگضي عمري محزونه وتالي اروح مسبيه

✍️ام سيد حسن

«»«»««»««»«««««««««««
تمت بأاقلام شاعرات رابطة كفيل زينب عليها السلامhttps://t.me/HOWEIY أشترك بالقناة عبر الرابط اعلاه☝️**

﴿﴿مستهل للزهراء عليها السلام ﴾﴾

ياروحي لجــل الزهره
هلي الدمـع والعــبره

بنت النـبي المختـار
هجمت عليـها أشرار

بنار وحقد متحضره
ياروحي لجل الزهره

❥ـــــ❁ــــ❁ــــ❁ــــ❥

فاطمه اباب الدار من عصـروها
ماخافـوا الله وحـرمتـه ضربوها
تـنزف دمـه وضــلوعـها كسـروها
ومن الضرب ام الحسن عوروها

ابجي الدمـع بدموم
بحسره يروحي اتـحوم

ذگري الضـلع والكسره
ياروحي لجــل الزهـره

✍? *_الشاعــرة ام مهــدي العيــداني_༺༺༻༻

❥ـــــ❁ــــ❁ــــ❁ــــ❥

ياويلي من هجموا عليها للدار
مايدري بيها علي حَماي الجار
كسروا اظلوع ام الحسن يالمختار
وزينب تعاين ليها وحسين احتار

ام الحسن وحسين
اعليها الدمع بالعين

سوده السمه متغبره
ياروحي لجل الزهره

ام عــ✍️ـلي المالكي

❥ـــــ❁ــــ❁ــــ❁ــــ❥

ابجي على الحوريه والانسيه
وخلي الدموع اعله الوجن مجريه
اضلاعها مكسوره سوده اعليه
وحيدر امگيد ياوسف بوصيه

گلب المحب مجروح
بحرگه والم و ينوح

ظلي بحزن وبحسره
ياروحي لجل الزهره

الخـ✍️ــادمه ام زيد الشمري

❥ـــــ❁ــــ❁ــــ❁ــــ❥

ظلي بالم وبدمعه ابچي اعليها
ذكري مصيبة فاطمه اشمر بيها
وصت علي بليل اظلم ايواريها
يعيوني من دم لام حسن صبيها

وصت نعشها بليل
حيدره بيده يشيل

عيونج دمه خل تجره
ياروحي لجل الزهره

??️ام زهراء

❥ـــــ❁ــــ❁ــــ❁ــــ❥

يعيوني صبي دموع مو بس دمعه
بهذا المـصاب اعلينه صايـر فجعه
زهــرة نبينـه ماتت ويـلي البـضعه
بدار الامامـــه انطــفت منه شمعه

نساعد عليها ام عون
نمشي ويه اليشيعون

كسر الضلع شيجبره
ياروحي لجل الزهره

أم صــــ✍️ـــــادق المنصوري

❥ـــــ❁ــــ❁ــــ❁ــــ❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.me/HOWEIY

أشترك بالقناة عبر الرابط اعلاه☝️

خلينا ندخل على قناة شاعرة مبدعة وقلمها راقي
تكتب بجميع الاوزان الشعرية
الشاعرة ?
?ام صادق المنصوري ?**

هذا رابط قناتها دخلوا منا?**https://t.me/HOWEIYhttps://t.me/HOWEIY

وينهن الملايات?** اللي يردن قناة تنزل قصائد. لكل المناسبات

ليش بعدكم مداخلين لهاي القناة

ضغطي على الرابط وفوتي قبل لاينحذف بسرعه ??http://t.me/youoo25http://t.me/youoo25 غير مبري الذمة الياخذ الإعلان ويضيفه لدعم ثاني ?**