الشاعرة مولاتي زينب
الفرات انصير لشفافك وعينه
اذا العباس ضحاله.بعينه
نقدم ارواح ياابن الزجيه
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 5 days, 21 hours ago
قصيدة ثلث روايات (فائزي )
هنه تلث روايات ..وسط الروح اهات
مايكفي عمرنه ....ابقه احتاج دمعات
وسط الروح اهات
محتاج عمر من الخليقه ونشٲة الكون
واجمعه كلهه بس حزن وانطيهه لعيون
مايكفي عمري لوحده واحسبهه انه شلون
خايف يعاتبني النبي بس دمع تبجون
جن بالقلب جويات .. مطبوعه من الآهات
حسبنه شكد حسبنه ..ابقه احتاج دمعات
وسط الروح اهات
عندي قلب جرحه نزف زيدلي همي
من ادم ونوح ابتده حزني اعله وني
شايل حزن كسر الضلع والسطره تعمي
والطفل محسن من وگع ما نطق امي
جن بالضلع طكات ..وﭼن اشوفن لڇمات
دمعنه ما نصفنه ...ابقه احتاج دمعات
وسط الروح اهات
اصواب فاطم بيه شبه لمصاب الحسين
نفس الشبه شفته نحر سطرات خدين
عنده سهم يشبه ضلع مكسور نصين
ادموعي هاي الهاجرت حركتلي العين
شبعانات لجمات..يصرخ بعد هيهات
ما ينشف دمعنه .. ابقه احتاج دمعات
وسط الروح اهات
من الطفوله والصبه ياروحي دمعج
مابطلت وني وسكت هل زاد همج
مو مشكله لطم الصدر لو نزف دمج
يافاطمه اتعزه بعزه من يمر اسمج
نلطم لها الهامات..نجر الصوت اهات
بجينه وكل دمعنه ..ابقه احتاج دمعات
وسط الروح اهات
عندي مشاكل فاطمه والعيشه مره
التمس منج الرضه بكل دمعه حسره
اقسم عليج بمحسن وضلعج يزهره
مذنب اجيتڇ وارتجي يازهره نضره
هذه دمعتي اثبات ..تخنكَني العبرات
لطمنه وبلطمنه..ابقه احتاج دمعات
وسط الروح اهات
كل الروايات اجمعت ظلم الزجيه
والينكره هذا الحجي ابن البغيه
فاطمه هايه بت نبي وبيها الوصيه
والما عقل هذا الحجي يشوف الٲذيه
مامطلوبه اثبات ..مثبوته الروايات
كل يوم لحزنه..ابقه احتاج دمعات
وسط الروح اهات
- ش/ جبار عبد الزهرة الشويلي
يم الحسن مفجوعه
بعظم مصيبه ولوعه
وينك علي تصيح
تبجي ودمعهه ينادي
مني ورحت يالهادي
وينك علي تصيح
بعدك اظل يالغالي
بجه الصخر ياحالي
هيج اني واحتار
ياسلوتي بدنيايه
ياهو لبقه ويايه
هيج اني واحتار
تدري اظل يتيمه
بلا والي ياحريمه
بيه الدهر مال
يهجم علينه بالدار
موش انه بت المختار
بيه الدهر مال
ياالهادي سموك شلون
بخير البريه يعيلون
ياوسفه ياابوي
تنعه الزجيه وتگول
الهادي ميت مجتول
ياوسفه ياابوي
حاجيني يابويه شبيك
حگي من ننوح انه اعليك
ترضه العده تعيل
باجر يبويه الصحبان
تدفع اعليه البيبان
ترضه العده تعيل
مابيه حيل انه افراگ
تكتل يبويه الاشواگ
گلبي نجوه بنار
زهره يبويه وحيده
حاير علي وشبيده
گلبي نجوه بنار
✍ابو سلام الجابري
✍باقر جبار الشويلي
★هوسات★
هذا الماي وحسين انحرم منه
شلون اشرب لذيذه وروحي تتهنه
اضن ماي الفرات بدمك اتحنه
ومانهواه لماي خلافك
ماهوس اذا مايوسع الميدان
لل اصله حميه وغيرة الشجعان
ابو فاظل شهم ومبچي العدوان
سجلني خادم
اخاف ابقه نادم
متهمني الوادم
وللخدمه متهمني الوادم
مسح دمع العقيله وگلها لاتبچين
يضهضب شاربي لْـۆ تدمع العين
عهد عاهدتج انه قسم باام البنين.
وافي اضل للخوه لْـۆ مر عليه البين
★{للخوه...انطيها جفوفي}★
هاي اخت الكفل عباس طبت كربله ليله
محتاره وتدير العين خويه شلون بالعيله
باجر لْـۆ متت عباس صبحت انه الكفيله
ولو مال الحمل عباس گلي ياهو يشيله
★{اخويه ...والحسره بگلبي}★
#لااجيز_حذف_اسم_الشاعر
✍باقر جبار الشويلي
اللهم اجعل هذا العيد بدايه الجبر والعوض لقلوبنا، واجعله بداية خير وبشرنا فيه بما يسرنا، اللهم اجعله عيداً مليئًا بالأفراح والتوفيق ، اللهم اجعله عيد تحقق فيه كل الأمنيات، اللهم إنا ننتظر منك فرحة تغير مجرى أيامنا فبشرنا بها يا كريم.
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 5 days, 21 hours ago