UzumBankdagi meni juda noqulay holatga solgan UX xato

Odatda metroda plastik kartam bilan to’layman. Bugun ko’chaga chiqqanimda kartam uyda qolib ketibdi. Metroda boshqa usul bilan to’lashim kerak edi. Shunaqa holatlarda odatda Uzum orqali to’layman.

Uzumni ochdim va to’ladim. Hammasi yaxshi edi to ortga qaytishda ham metroga chiqqunimcha.

Qaytishda metroga yana Uzum orqali to’lamoqchi bo’ldim lekin QR kod ishlamadi. Ekranga yaxshilab qarasam to’lov usuli sifatida boshqa karta turibdi. Ma’lum bo’lishicha Uzum defolt holatida o’zining kartasini (ichida pul yo’q edi) tanlab qo’ygan.

Birinchi to’lov uchun ishlagan. Metroga to’lovda karta balansi tekshirilmaydi. So’rov-javob jarayoni vaqt olgani uchun kirishda odamlar kutib qolmasligi uchun shunaqa qilingan. Shu sababdan kartada pul bo’lmasa ham 1-martasi uchun o’tkazvoradi. Keyinroq Uzum ATTO dan success javob olganidan so’ng karta balansini tekshiradi va agar balans yetarli bo’lmasa shu kartani keyingi metro to’lovlari uchun bloklaydi. Mening holatimda boshqa kartalarimni ham blokladi chog’i.

Metro validatori oldida to’lov qilolmasdan turdim ancha vaqt. Uzumbankning o’zida karta sozlamalari qismida “ATTO ni blokdan ochish” degan funksiya bor. Shunday qilsam ham ishlamadi.

Shu joyda yechim sifatida Uzum metroga kirishda odamlar shoshilinch holatda bo’lishini hisobga olgan holda puli bor kartamni defolt tanlab qo’ysa bo’lardi. Yoki o’zi tanlab qo’ygan kartasida pul yo’qligini bilib error xabar ko’rsatishi kerak edi (ha, QR kod orqali nafaqat metroga to’lov qilish mumkin lekin bu kartani balansi 0 edi)

Edem, ishlayapsilarmi o’zi?)

Shu yilning may oyidan boshlab tanam ustida ishlashni boshladim. Dieta va sport bilan shug'ullanishni boshladim.

Aslida o'tgan yili zalga chiqishni boshlagan edim (xonadoshlarim, ayniqsa Shuhrat biladi). Lekin, dieta qilmaganim sababli tanamda o'zgarish deyarli sezmadim va motivatsiyam tushib ketib zalni tashlab qo'ygandim.

Bu safar boshqacha ambitsiyalar bilan o'z ustimda ishlashni boshladim. Holatim achinarli ahvolga kelganini va allaqachon o'z ustimda ishlash vaqtim kelganini Ahad akaning tasodifan oldimdan chiqib qolgan intervyusi orqali bildim. Ahad akaning gaplari haqiqatda juda qattiq ta'sir qildi menga.

1Fit'dan yillik abonement sotib oldim. Haftada 3 kun zal, 3 kun suzish, 2 kun futbol bilan shug'ullanishni boshladim. Non, shirinliklar, gazli ichimliklar, yog'li ovqatlardan o'zimni tiydim. Oqsilli narsalarni ratsionimda ko'paytirdim. Natija 1-oydayoq bilindi. -8kg.

Asta-sekinlik bilan iyagimdagi, oyoqlarim, qornimdagi yog'lar ketishni boshladi. O'zimni tetikroq his qilishni boshladim. Eski kiyimlarim moslashib, kiyib yurgan kiyimlarim katta kelishni boshladi (to'yda kiygan kostyumim va kurtkam katta kelib qoldi).

Umuman aytganda, hayotim ancha o'zgardi. Yaxshi tomonga. Tanamdagi og'riqlar kamaydi, kasalliklar kamaydi, tetiklashdim, sog'lomlashdim.

Bu postni jismoniy holatini yaxshilash niyatida bo'lganlarga tirik misol bo'lishi uchun yozyapman. Bu jarayon aslida siz o'ylaganingizdan osonroq. Shuncha payt erk berib kelgan nafsimizni biroz tiyish va bu jarayondan zavqlanishni o'rgansak bo'ldi. Qolgani oson.

Doim sog'-salomat bo'linglar

Rus dizaynerlarini kuzata turib bir idea keldi: o'zbek tilida dizayn keyslar haqida yoziladigan platforma qilishni o'ylayapman. U platformada o'zbekistonlik dizaynerlar o'zlari boshqalar uchun foydali deb bilgan boshidan o'tkazgan dizayn keyslar haqida yozishadi.

Boshlanishiga Framerda ko'taraman. CMS orqali kontentni boshida o'zim yuklayman (dizaynerlardan olgan holda). Kontent o'zbek, ingliz va rus tillarida bo'ladi.

Oktyabr oyida otpusk olib shuni qilib ko'rmoqchiman.

When you turn 40 you'll see a divide between those who took care of their bodies & those who didn't.

Йўқ, йўқ ва яна йўқ!

Ўзбекистонда АЭС қурилмаслиги керак, ҳар бир соғлом ақл эгаси, Ўзбекистонни ватаним деган ҳар бир ўзбекистонлик бу қандай кулфатлар яратишини англаб, тушуниб, ҳис қилиб турипти.

АЭС бу сиёсий хатар. Давлат мустақиллигини сўроқ остида қолдиради.

АЭС бу иқтисодий хатар. АЭС бу ижтимоий хатар. АЭС бу экологик хатар.

Ёлғон гапириладиган маконда, ҳукумат халққа ҳисобдор бўлмаган юртда АЭС қурилмаслиги керак. Қайси ақл дунёни ядровий шантаж билан қўрқитаётганларга, ўзлари қурган иккита АЭСни босиб олганларга АЭС қурилишини ишониб топшириши мумкин?

Бугун бор, эртага йўқ қанақадир Султоновлар, қанақадир Мирзамаҳмудовлар, қанақадир Аҳмедходжаевлар АЭС қуриб тажриба ўтказишмоқчи бўлишса, марҳамат, бунинг учун Ўзбекистондан бошқа макон танлашсин.

Мен рози эмасман, рози бўлмайман. Бизнинг Ўзбекистондан бошқа захира ватанимиз йўқ!

Katta kompaniyalarga ishga kirish unchalik ham qiyin emas

Edem ismli yigit Linkedinida Uzum Bankka dizayner bo'lib ishga kirgani haqida yozdi

Ishga kirish jarayoni unda biroz boshqacharoq kechgan. Ya'ni Edem o'z telegram kanalida bir necha kun oldin Uzum Bankda o'zi doimiy ishlatadigan bir xizmatda yetishmayotgan narsa haqida post yozadi (ha o'rtoqlar, katta kompaniyalarda ham shunday kamchiliklar kuzatiladi). Va bu post katta ehtimol bilan Uzumning ichki guruhigacha yetib boradi. Shundan so'ng Uzumning dizayn-lidi Edemga yozadi va shu tarzda ishga kirish jarayoni boshlanib ketadi.

Shu tarzda Edem ortiqcha qiyinchiliklarsiz Uzumga ishga joylashadi.

Qissadan hissa shuki, ba'zida imkoniyatlar siz kutmagan joydan kelib qoladi.

Dizaynerlarga ko'proq vakolat va javobgarlik berish orqaligina ularni yaxshiroq dizayner qilish mumkin.

Ya'ni dizayner o'z qilgan ishi uchun ertaga rahbariyat oldida javob berishini bilsagina, u o'z ishi natijasini yaxshi bo'lishi uchun o'zi harakat qiladi. Yangi ficha uchun dizayn yechim ishlab chiqishdan oldin uni yaxshilab o'rganadi, izlanadi, yechim ishlab chiqish vaqtida tez-tez kerakli odamlardan fidbek oladi va yechimni dasturchilarga berishdan avval test qilib, tekshirib keyin beradi. Chunki u biladi-da, ertaga usabilitysi dabdala dizayn uchun kompaniya yo'qotadigan pullar va u uchun rahbariyat oldida javob berishi kerakligini.

O'zbekistonda aynan ko'p dizaynerlarning shunday vakolat va javobgarlik yo'qligi uchun research, testing kabi narsalar ko'pincha qilinmaydi. Chunki dizaynerning ishi menejerga yoqsa bo'ldi. Rahbariyat oldida menejer javob beradi. O'rtada kommunikatsiya uzayganligi hisobiga muammoning asl ildizi ko'rinmay boraveradi

Zakotim

Zakot - moliyaviy ibodat, boyligi nisobga yetgan har bir musulmon uchun farz amal. Uni ado etish orqali, inson o'z mol-mulkini tozalaydi, talafotlardan saqlaydi, o'z qalbi va jismini oxirat azobidan qutqargan bo'ladi. Jamiyatda esa boylik adolatli taqsimlanadi, boylik aylanib, ko'pchilikka foydasi tegadi, to'g'ri yo'lga qo'yilsa, kambag'allichillikka qarshi zo'r vositaga aylanadi.

Negadir ko'pchilikda bo'lganiday, menga ham zakot juda murakkab mavzu bo'lib tuyulardi, u o'zi nima, uni qanday hisoblaydi, men berishim kerakmi yo'qmi, juda ko'p savollar. Balki shungadir, bugun zakot ancha uzoq mavzuga aylanib qolgan.

Bu savollarga javoblarni yaqinroq qilish, zakot berish masalasida hisob ishlarida ko'maklashish maqsadida jamoamiz bilan bir kichik ish qildik. Zakotim.uz jamoasi bilan birga ishlab, zakot hisoblash kalkulyatorini ilovamiz Alif Mobi foydalanuvchilari uchun chiqardik.

Top 20 aytishniklardi ro'yxatiga Farhod Dadajonov, Qudrat Abdurahimov, Muhammadyunuslarniyam qo'shgan bo'lardim menga qoganda