التعود أم الحب ؟
لو فد يوم تخيرتوا بينهم
ياهو راح تختارون ؟

ليش صرنا نعيش كلشي بسرعة ؟
نعيش مجموعة اشياء بوقت واحد
يعني ..
من تطلع من البيت ما تنتبه للطريق وانما تسمع اغاني
ومن توصل للدوام تبقى تفكر شوكت ترجع للبيت ..
ومن تكون بوسط مجموعة تفكر شوكت تكوم من يمهم
ومن تكون بالمول تفكر بناس ثانية
بدال ما تركز ع الامور اللي تريد تاخذها
ومن تكون عند الطبيب تكعد تفكر بحياتك ومشاكلك بالدوام والطريق و شوكت تخلص ويا ساعة توصل للبيت ويا تكسي تاخذ

ليش منعيش اللحظة ونكون بيها مو بالمستقبل ؟

يارب بنص هالليل ..
يرزقني و يرزق كل شخص من أوسع أبوابه
وكل انواع الرزق
دا اتخيل هواية أمور احصل عليها بهل دنيا
بس ما اريد اذكر او احدد نوع الرزق او الشي اللي اريده
اريد كلشي ينحفظ بيني وبين ربي
فـ يارب دايماً انطينا على گد نيتنا وقرب النا گلشي بي خير النا وسعادة وصالح
ويبعد عني وعن الكل كل شر ومكروه

الخطوة تخوف لأن جديدة
مو لأن انت مو گادر تسويها..

انتبهت آخر 5 اشهر
جانت نصوصي كلها تقريباً عبارة عن وجع وألم
اما هسة فـ صار الوقت
اكون سعيدة ومرتاحة ومطمئنة
و ممتنة لرب العالمين ?
و أكمل طريقي واطوي الصفحات القديمة
من دون ما أباوع ورا

نعمة چبيرة من تكون مشغول بنفسك
و بالك بعيد عن غيرك و عن المشاكل

ما اعرف شلون حيعدي هذا اليوم بس ان شاء الله خير ..

ادعولي اكون بخير

و لكن عليك في كل حالاتك السيئة و التعيسة و منعدمة الأمل أن تكون ممتناً، ممتناً للإنقاذ الإلهي اليومي.

خاف
بس لا توگف بمكانك
خلي عقلك يتشوش
بس لا تترك السعي
عصب
بس لا تنسى ان تهدي نفسك
اخذ الحياة بسهولة
بس لا تترك الألتزام والتنظيم
حب
بس لتحب اكثر من نفسك و فوك طاقتك
اسعى تجاه هدفك
بس مو لدرجة متنطي لنفسك راحة و مجال للنفس