*?#infografika
❗️*MyGov ilovasini yuklab olishlar soni 3 milliondan oshdi! Siz ham foydalaning!

? MyGov ilovasi tobora ko'proq yurtdoshlarimiz e'tiborini qozonmoqda. So'nggi bir necha oy ichida yuklab olishlar soni 3 milliondan oshdi! Bu o'sishning 83% Android, 17% iOS qurilmalariga to'g'ri keladi.

?Foydalanuvchilarimiz fikri biz uchun muhim. Ilovaning qulay va foydali ekanligi ular tomonidan yuqori baholanmoqda: Androidda 4,7 va iOSda 4,8 ball!

?MyGov ilovasini nafaqat O'zbekistonda, balki xorijda ham faol yuklab olishlar kuzatilmoqda. Eng ko'p yuklab olishlar – Rossiya (129 ming), Qozog'iston (15,6 ming) va Turkiya (15 ming)da.

? Ilovaning ommalashishi undagi keng imkoniyatlar bilan bog'liq. 330 dan ziyod elektron xizmatlar, 3800 dan ortiq to'lov turlari, 10 dan ortiq xabarnoma turlari, biometrik identifikatsiya, kommunal to'lovlarni amalga oshirish va 40 dan ziyod ma'lumotnomalarni yuklab olish imkoniyati – bularning barchasi fuqarolar hayotini osonlashtirish uchun yo‘lga qo‘yilgan!

? Siz ham mobil ilovani yuklab oling: Android / iOS

?Telegram ?Facebook ? Instagram ?Youtube ? X ? LinkedIn ? Threads

? ?  Raqamli texnologiyalar vazirligi barcha yurtdoshlarimizni insonparvarlik, mehr-oqibat, saxovat va o‘zaro hamjihatlik bayrami – Qurbon hayiti bilan samimiy qutlaydi.

Ushbu saodatli onlarda hammamiz Qurbon hayiti bayramiga el-yurtimiz bilan birgalikda tinchlik-omonlik va sihat-salomatlikda yetkazgani uchun Yaratganga cheksiz shukronalar aytamiz.

Aziz Vatanimizda tinchlik va barqarorlik hamisha bardavom boʻlsin!
Ezgu ishlarimiz, intilishlarimizda Yaratganning Oʻzi doimo madadkor boʻlsin!

Xonadonlarimizni fayz-u baraka va osoyishtalik tark etmasin! Muqaddas ayyom – Qurbon hayiti barchamizga muborak bo‘lsin!

?Telegram ?Facebook ? Instagram ?Youtube ? X ? LinkedIn ? Threads

Kelajakdagi muvaffaqiyatingiz kaliti bu ta’lim olishdagi tirishqoqlikdir! Yaxshi niyat bilan boshlangan ta’limni tashlab qo‘ymang, oxiriga yetkazing!

Prezidentimiz har qanday yig‘ilishda xoh u Xalqaro Investitsiya Forumi bo‘lsin, xoh Ichki ishlar jamoat xavfsizligi bo‘linmasiga tashrif bo‘lsin doim ta’limning muhimligini ta’kidlab keladilar.

Ta’lim olishda boyroq oilada tug‘ilgan yoki tabiiy o‘zlashtirish qobiliyati yaxshiroq boladan ham ko‘ra aynan tirishqoq va o‘z maqsadi sari og‘ishmay harakat qiladigan insonlar muvaffaqiyatga yaxshiroq erishishini olimlar aniqlashgan. (Shu mavzuda yaxshi TED Talk bor: https://youtu.be/H14bBuluwB8 )

IT ta’lim rezidentlarimiz ochiq suhbatda eng katta muammolardan biri aynan shu - ko‘pchilik yoshlarimiz boshlagan darslarini oxiriga yetkazmay tashlab ketishini ta'kidlashmoqda. Yoki bepul onlayn Ingliz tilini o‘rganish uchun juda zo‘r loyiha qilingan: Ibrat farzandlari , boshidagi roliklarni yoshlarimiz yaxshi niyat bilan milliondan ortiq marta ko‘rib Ingliz tilini o‘rganishni boshlagan, lekin 25-darsgacha zo‘rg‘a 50 mingtachasi borgan, 100-darslarga esa 10 mingtacha borgan xolos. Aynan o‘sha tirishqoqlik bilan harakat qilayotgan yoshlarimiz IELTSdan ham yuqori ball olishyapti va kelgusida yaxshiroq daromad topishmoqda. Ular bilan boshida boshlagan, lekin oxiriga yetkazmay tashlab qo‘ygan millionta boshqa yoshlarning farqi faqat shu ularda tirishqoqlikni yetishmasligi. Ularni interneti va vaqti bo‘lsa ham boshqa bekorchi narsalarga chalg‘ib, o‘qishini davom ettirishga harakat qilmayapti.

Shuning uchun yozda ham internetdagi vaqtingizni bekorga sarflamay, chet tilini va kelgusida foydali ko‘nikmalarni o‘rganing. Faqat tirishqoqlik bilan belgilab olgan maqsadlaringizga erishishingiz mumkin, aks holda u faqat orzu bo‘lib qolaveradi…