YANGIQO‘RG’ON TUMANIDA TA’LIM SIFATI VA SAMARADORLIGIGA BAG’ISHLANGAN YIG’ILISH BO‘LIB O‘TDI
Mamlakatimiz ta’lim tizimini rivojlantirish, ta’lim sifati va samaradorligini oshirish maktablarda yaratilgan qulay sharoitlarga bevosita bog‘liqdir. Bugun Bitiruvchilarni oliy ta’limga qamrab olish, umumta’lim maktablarining moddiy-texnik bazasini rivojlantirish, kuz – qish mavsumiga tayyorgarlik, yoshlar o‘rtasida huquqbuzarlik va jinoyatchilikni oldini olish bilan bog‘liq kechiktirib bo‘lmaydigan vazifalar, tizimda yo‘l qo‘yilgan kamchiliklar tahliliga bag‘ishlangan yig‘ilish bo‘lib o‘tdi. Unda viloyat maktabgacha va maktab ta’limi boshqarmasi boshlig’i A’zamjon Isakov, tuman hokimi o‘rinbosari Eshonali Mehmonov, barcha maktab va davlat maktabgacha ta’lim tashkilotlari direktorlari ishtirok etdi. Yig’ilishda maktab direktorlarini to‘g‘ri tanlash, ularning kasbiy va boshqaruv mahoratini rivojlantirish masalasiga alohida to‘xtalinib,ta’lim bilan birga tarbiya ham muhimligi ta’kidlandi. Bir qator muassasalarda ta’lim sifati pastligi tanqid ostiga olindi.

Namangan viloyati maktabgacha va maktab ta’limi boshqarmasi Axborot xizmati