Уч нарсага кўз узмай қараб туриш мумкин:
1. Оловни ёнишига
2. Сувни оқишига
3. Ўзбекистонликлар импортга қўилган янги чекловларга хайрон бўлишига.

@KurbanoffYoq

Контекст

@KurbanoffYoq

Агар сизга банк, Клик, Пейми колл (алоқа) марказиданмиз, ёки Марказий банкданмиз, ёки ички ишлар органлариданмиз деб, кимдир русча гапириб қўнғироқ қилса - дарров русча жавоб беришга шошилманг, ўзбекча жавоб беринг, ўзбекча гапиринг. Ишонинг 90% холатда бу сизни пулларизни сақлаб қолишга ёрдам беради.

@KurbanoffYoq

Ўйлаб ўйлаб бир ачинарли хулосага келдим - ҳеч кимга иши учун, ватани учун ёниб куйиб яшайдиган одамлар керак эмас. Шунинг учун, ўзингизни ва яқинларингизни ўйланг, шулар учун ёниб куйинг.

@KurbanoffYoq

Битта энергетик хотинидан кондиционерни сўрашни эсидан чиқаргани учун бугун барча ижтимоий тармоқларда шов шув бўлиб ётибди.

@KurbanoffYoq

Орзудаги Ўзбекистонда ҳамма ўз ишини қилади (с)

Майли, обналчиларни лоббиси дейишса хам, нимага P2P (картадан картага ўтказма) ларни бундай тарзда назорат қилиш ёмонлиги хақида бир ёзай.

Биринчидан, P2P ўзи емон нарса эмас, бу иккита одамни орасидаги хисоб китобларни осонлаштирувчи замонавий бир имконият. Яъни олдин оиламиздагиларга, яқинларимизга банкоматга бориб нақд пул ечиб берадиган бўлсак – хозир картасига ўтказиб қўйвобмиз. Бу албатта яхши. Бундан ташқари олдин ота оналар студент болаларига еки болалар ота-онасига пулни «пятак»ка чиқиб такси орқали нақд шаклида бериб юборишарди. Хозир эса картасига ўтказади қўяди. Яхши эмасми?!

Иккинчидан, нимага хамма шуни назорат қилайлик деябди. Сабаби сифатида – тадбиркорлар ўзини махсулотини касса ёки терминал орқали ўтказмасдан P2P қилиб қабул қилиб даромадларини яшираябди, солиқдан қочаябди деб тушунтиришмоқда. Бу қанчалик рост? Тўғри, шунақа жойлар кам эмас – мисол Малика, Ўрикзор, Абу Сахида кўп бўлади, баъзида магазинчилар хам сўрашади. Лекин P2P ўтказиб чек олмайдиган одам, нақд пул тўлаб хам чек олмаслиги мумкинку, тўғрими – демак нақд пул қабул қилиш хам даромадни яширишга, солиқдан кочишга ердам бераркан. Лекин P2Pни нақд пулга нисбатан битта плюси бор – бу нақдсиз рақамли тўлов бўлиб, бунга қонуний эхтиеж туғилганда бу тўловни цепочкасини аниқласа булади. Нақдда бундай имконият йук.

Майли, чекладик хам дейлик, солиққа маълумот берадиган хам қилдик, кейин нима бўлади, тадбиркор, «вой, энди иложимиз йуқ, солиққа тушарканмиз, штраф тўларканмиз, бу ёғига терминал орқали қабул қиламиз» дейдими? Сиз бунга ишонасизми? Манимча, «ака, мана бу бурчакда банкомат бор, шундан пул ечиб келсангиз, ман сизга 1% (5%,10%) чегирма қилиб бераман» деса керак. Еки, «ака беринг ўзим пул ечиб келаман» деб узи ғирр этиб югуриб бориб ечиб келади. Бунақаси олдин хам бўлган, ўзимга хам неччи марта шундай таклиф қилишган.

Муаммо картадан картага ўтказмадами? Манимча йўқ, сотувчилар картага ўтказиб беринг дейишига сабаб аслида бошқа жойда бўлиши керак, ўтказма бу бор йўғи оқибат. Шу сабабни йўқотиш устида ишланса – ўзи камаяди бу нарса. Еки бошқа йўли бор – Козогистонда 3 ой давомида 100 ва ундан ортиқ хар хил одамдан картадан картага ўтказма келиб тушса – бундай тушумлар тадбиркорлик хисобланиб бундай пул қабул қилган одамлар солиққа тортилади. Яъни ёппасига хамма маълумот берилмайди, фақат шундай кўп тўловлар қабул қилган одамлар тўгрисида маълумот. Манимча бу тўғрирок йўл.

Нима бўлганда хам, ўзи нақдсиз туловларни ривожлантирамиз деб қийналиб юрган бир вақтда, филни идиш товоқ дўконига (слон в посудной лавке) қўйвормайлик.

Буларни хаммаси ИМХО.

@KurbanoffYoq

- Автомобил бу бор йўғи транспорт воситаси, автомобил бу бор йўғи транспорт воситаси, автомобил бу бор йўғи транспорт ...
- Узавто Кобальт автомобилларига шартнома очди ...
- Аааааааааа кетууууууу

@KurbanoffYoq