Oʻt ichida yonar katta bir oʻrmon,
Oʻt ichida qolgan aziz kulbalar.
Qaylardadir ruhim qolganmish omon
Koʻzdan yiroqlarda yigʻlar qubbalar.

Oʻt ichida yonar koinot, bashar
Oʻt ichida qolgan barcha yelkanlar.
Qaylardadir meni sevolmay yashar
Oʻtdan tashqarida qolgan oʻlkalar.

© Nilufar

@Nilufar_Ergasheva

Умрим шамларини ўчирма шамол,
Ҳали излаяпман қалбим рангини.
Нега алдаяпсан мени гулхаёл,
Эшитмадим ҳали бахт жаранггини.

Эшитсам ёзардим Худога хатлар,
Унут бўлар эди минг йиллик фироқ.
Фалакка ёзғирган бедор дарахтлар
Кўксида гулларди бир гўзал титроқ,

Ҳайрат кўзларини очарди аста,
Қуёшга дудоғин тутар эди гул.
Оловланар эди чечаклар кафтда,
Осмонга расмини чизарди кангул.

Қалбим рангларини топсам эҳтимол,
Кўзимни сиёҳдон айларди Раббим.
Ўчириб кетаркан шамларим шамол, Соғинчларга Ватан бўларди қабрим.

Энахон Сиддиқова

Endi koʻzlarimda yashashing mumkin
Xotirjam osmonday
Xo-o-otirjam!

@Nilufar_Ergasheva

Zangor osmoningdan
osmonimga tush,
Azizim,
tushimga xush kelibsan,
Xush!
Moviy osmonlarga yoyilgan edim,
Kim yigʻdi qizilman,
Qip-qizil sarxush...
Endi zamin aro tirik ruhim bor,
Endi taslim boʻlish kelmas xayolga
sen oʻynagan oʻyin shakliday
Sen bilgan siyosat singari
Sevgini qonuniy qilgan Shaxsing ham
Hammasi-hammasi
xotirimda jam
Endi koʻzlarimda yashashing mumkin
Xotirjam osmonday
Xo-o-otirjam!

Zangor osmoningni oqqa boʻyadim,
Tokayki tirilsin oʻlik vujudlar
Bittagina yolgʻon siyosating deb
Oq qilib yuborish mumkin vatanni...
(Bu vatan Nilufar ismli Vatan)

Men bosgan yoʻllardan sira toyilma
U azim yoʻllarga tegmas qargʻishim.
Qara,
Yetti qat osmonlar koʻtarolmadi
Bittagina murgʻak koʻnglimni...

Viqor osmoningdan
Osmonimga tush,
Xushimga xushladim
Xush kelibsan,
Xush!
Oʻsha soʻz yolgʻon-u,
Ishq yolgʻon boʻlsa
Zangor osmonlarning ranglari oʻlsin!

Buncha uzoqdasiz
zangor osmonlar...

© Nilufar

18.08.2024

@Nilufar_Ergasheva

Ideal ayol deganda men hamisha ziyolilik darajasini birinchi oʻringa qoʻyganman. Aqliy salohiyatini ham, albatta.

© Chingiz Aytmatov

@Nilufar_Ergasheva

#tahrirsiz

Qachon bu bogʻlarga shamollar qaytar,
Qachon uygʻonarkin olov yuraging?
Manim Xudo bergan sirriy sevgimni
Koʻtara olarmi togʻdek kuraging?

Qachon osmonimga bulutlar qaytar,
Qachon quyosh chiqar kunduzlarimda.
Qachon kulguchlarim yolgʻondan yonmas,
Tokay yorugʻlik yoʻq yulduzlaringda...

Qachonki qachonlar yonib kul boʻlgay,
Niyatlarki tozza, duolar azim!
Sen meni bir rovga sevma iltimos
Sen meni birovga berma azizim!

✍️ Nilufar

08.08.2024

@Nilufar_Ergasheva

#olis_yaqin_ovozlar
BUXORODA

Olamni soʻz bilan yaratmish Xudo,
Osmonni, zaminni, turfa dunyoni.
Nur berib koʻngilni yoritmish Xudo,
Ilohiy tushlarim kutar roʻyobni.

Hu-u-uv
Minor tomonda sochlarin oʻrib,
Muhabbat-u, ishqdan yor kuy chaladi.
Balki kelganimdan safolar koʻrib,
Xushiga keladi jin koʻchalari.

Qadim imoratlar mashoyix bilib,
Yiqilgan yoʻllarning koʻnglini xushlar.
Atlasdek qanotin koʻz-koʻzlar qilib,
Koʻzimga qoʻndilar Buxoriy qushlar!

Endi butun dunyo koʻzimda yashar,
Mushfiq nigohlarning yuragi kabi.
Koʻksim oʻsib borar, ishonchim oshar,
Endi qanot qoqib yuksalish tabiiy.

Shamollar kezinar gul-rayhon boʻlib,
Sochimni oʻynoqlar bergancha oro.
Amir Nasrullodan vaʼdalar berib,
Menga kengliklardan soʻylar Buxoro!

Balki kelganimdan safolar koʻrib,
Xushiga keladi jin koʻchalari...

Nilufar Ergasheva

@yoshlikjurnali
yoshlikjurnali.uz

Tahlilnoma | O’zbek she’riyati fenomeni – Erkin Vohidov#26may #uzbekiston24

mtrk.uz | Youtube | Facebook | Telegram | uztv.tv | TV-dastur