Бугун халқ депутатлари Хива тумани Кенгашининг еттинчи чақириқ биринчи сессияси бўлиб ўтди.

Сессияда Палванов Сардор Махсудович Хива тумани ҳокими лавозимига тасдиқланди.

«КАМБАҒАЛЛИКДАН ФАРОВОНЛИК САРИ» ДАСТУРИНИ АМАЛГА ОШИРИШ БЎЙИЧА СЕМИНАР ТАШКИЛ ЭТИЛДИ

Жорий йилнинг 23 сентябрь куни Президентимиз томонидан “Камбағалликни қисқартириш ва аҳоли турмуш фаровонлигини ошириш борасидаги чора-тадбирларни янги босқичга олиб чиқиш тўғрисида” ги ПФ-143-сонли Фармони ҳамда “Камбағалликдан фаровонлик сари” дастурини амалга ошириш бўйича биринчи навбатдаги чора-тадбирлар тўғрисида”ги ПҚ-330-сонли Қарори имзоланиб, унда мутасадди вазирлик ва идоралар ҳамда ҳудудий ҳокимликларга қатор вазифалар юклатилган.
Қарор ижросини таъминлаш мақсадида бугун Хива туманида сектор раҳбарлари, шунингдек оғир ҳудуд сифатида баҳоланган маҳаллалар ва маҳаллалардаги камбағал оилаларга бириктирилган вилоят ҳамда туман мутасадди раҳбарлари иштирокида семинар ўтказилди.
Семинар давомида юқоридаги Фармон ҳамда Қарорнинг мазмун моҳияти, уларнинг ижро этилиши билан боғлиқ масъул раҳбарларнинг кундалик иш фаолияти, энг оғир аҳволдаги маҳаллаларнинг инфратузилмасини яхшилаш, оғир турмуш тарзига, моддий ва маънавий кўмакка муҳтож камбағал оилаларнинг яшаш шароитларини тубдан ўзгартириш ва уларни камбағалликдан чиқаришга доир вазифалар ижросини таъминлашнинг механизмлари бирма бир тушунтирилди.
Машғулот давомида маҳаллаларга бириктирилган мутасаддилар ва тааллуқли идораларнинг раҳбарлари томонидан Фармон ва Қарор ижросини таъминлаш билан боғлик кундалик иш фаолиятни самарали ташкил этиш бўйича таклиф ҳамда мулоҳазалар билдирилди.