اذكروني بدعوة.

صعبة من تكشف نفسك الغيرك وتختار تكون واضح وتلگه ردة الفعل ترجعك خطوة مو هين علىٰ أحد يشوف جرحه وخيبته وتالي يرجعله بجرح ثاني وخيبة أكبر فَ تشوف الأغلب حريصين بخوف وحذر علىٰ نفسهم .
الحَمدلله إنُ وحده سبحانه يعرف هالروح شنو بيها ويعلم بحالها ، الحَمدلله أنّه يعرف الضياع والتشتت الـ نمر بيه .

- بيدِي اليمنى أحضن يسرتي وَارتاح.

الإنسان ما ضامن إذا باچر هوَّ موجود أو لا أكثر شيء صرت مقتنع بيه أنه فرصتي الوحيدة هوَّ يومي الاعيشه أما باچر فما معلوم شنو ، هالحقيقة خلتني ما اتهاون ولا أترك ولا أجل ولا أضم ولا ابخل بشيء وإذا صار باچر واني موجود هم راح أعتبره فرصتي واني مسؤول عن هاي الفرصة ماكو مجال للتأجيل أو التهاون بأي عمل حابين نسويه تخيل كل عمرك يوم واحد فَ خليك عايش هاليوم صح وبكل تفاصيله وأستشعر نِعم ربّ العالمين .

"مو دائمًا أكو باچر".

‏رَبِّ اجْعَلْنِي مُقِيمَ الصَّلَاةِ

يعزّ عليه حزن الناس ويقلقني سكوتهم أحتار شلون أگدر أشيل عنهم الّي يحِسّه گلبهم من كلّ شعور يقلق راحتهم متعب لأن أعرف شعور الفاقد وأعرف شعور المريض وأعرف شعور الوحيد كلها مشاعر جاي أعيشها ،
المتعارف عليه إذا شخص بقة مرتدي اللون الأسود يعني فاقد مرات إذا شفت أحد مرتدي هذا اللون الفترة طويلة حتى وإن ما أعرفة أحزن وية حزنه من بعيد ،
مشاعر صعبة بس يبقىٰ الدُعاء يهون فَ أدعوا للناس اللي تشوفونهم تعبانين ومحتاجة الدُعاء حتى وإن ما تعرفونهُم.

لا تنتظرون الموت يجي حتّىٰ تعرفون قيمة أهلكُم وأحبابكُم لا تعيشون الندم من بعد ما يفوت الأوان إحنا ما نعيش غير عمرنا وماكو ضمان لناسنا الّي نحبهُم غير إنُ نستغل وجودهم والوقت الّي يجمعنا سوا حتّىٰ نصنع ذكريات تجبرنا وتهون علينا بهيچ يوم صوروا وياهم وسجلوا صوتهم وسوالفهم حفظوا مواقفهم وياكم وتذكروهم دائمًا الموت ما راح يعرف بيك عندك مشكلة لو منتظرة شيء فلاني يصير حتّىٰ بعدها ترجع تجتمع بأحبابك ،
سُنة الحياة هاي بس من توصل لأشخاصنا تصير فكرة مُرعبة تهد حيل الرّوح.

خليكم باللحظة الحالية والّي گدام عيونكم لا تفكرون باللي يريد يجي ولا للبعيد خليكم بالنقطة الّي تعيشون بيها هسّة ومُدركينها لا توترون نفسكم وتخلوها بتفكير زايد بشيء هوَّ أساسًا مجهول وعلمه عند رب العالمين الّي يغير الحال بـ لحظة ،
الأفضل تخلون وقتكم وحياتكم تحت أمره وتدبيره هواي أحسن من التفكير وتضييع الّي متوفر وواضح.

الله يخفف أثر هذا اليوم .

لو إن فيكَ مِن الوفاءِ بقيةً
لذكرتَ أيامًا مضت وليالي
ووهبتني أسمى خِصالك مثلما
وهبتُك مِن جميلِ خِصالي
كم قُلت إنك خيرُ مَن عاشرتُهم
فأتيت أنت مُخيبًا آمالي