Islom hamkorlik tashkilotining (IHT) Ilmiy va texnologik hamkorlik boʻyicha doimiy qoʻmitasi (COMSTECH) tomonidan “COMSTECH AWARDS 2025” mukofoti uchun hujjatlar qabul qilinmoqda.

Mazkur tanlov yakunida qoʻyidagi 4 yoʻnalishda jami 10 ta nominatsiya boʻyicha ilmiy tadqiqotchilar va olimlarni mukofotlash
rejalashtirilgan:

☣️1. Biologiya va kimyo fanlari rivojiga umrbod qoʻshilgan xissa
uchun;

⚖️2. Fan va texnologiyalarda ilgʻor ilmiy yutuqlar uchun;

📝3. Eng yaxshi ilmiy nashr uchun;

🧑‍💻4. Ilm-fan kommunikatsiyalari sohasidagi yutuq uchun.

Ishtirok etuvchi shaxs yoki muassasa tavsiya etilgan rasmiy xat va tegishli hujjatlarining elektron nusxalarini 2025-yil 31-martga qadar COMSTECH kotibiyati [email protected] elektron pochtasiga yuborilishi talab etiladi (maʼlumot ilova qilinadi)

2025-o‘quv yilida Yaponiyaning Nagoya, Nagoya shahar va Nagoya iqtisodiyot universitetlari tomonidan mazkur davlat oliy ta’lim muassasalarida tahsil olish, ilmiy tadqiqotlar olib borish uchun
tanlov e‘lon qilmoqda.
Mazkur grantlar Aichi prefekturasi ma’muriyati, Yaponiya xalqaro hamkorlik agentligi (JICA)ning “JDS”, Nagoya universitetining “Global 30”, Yaponiya Ta’lim,
madaniyat, sport, fan va texnologiyalar vazirligining BMT Barqaror rivojlanish
maqsadlariga erishish uchun stipendiya dasturlari doirasida ajratilishi ko‘zda tutilmoqda.

Ushbu tanlovda (magistratura, doktorantura) ishtirok etish istagida bo‘lgan nomzodlar arizalar va barcha zarur hujjatlarni ilova qilingan holda, on-line tarzda
taqdim etishlari kerak. Hujjatlarga ularning ingliz yoki yapon tillariga notarial tasdiqlangan tarjimasi ilova qilinishi kerak.

Shuningdek, mazkur stipendiya dasturlari to‘g‘risidagi batafsil ma’lumot quyidagi veb- sahifalarida tanishish mumkin:

- https://www.pref.aichi.jp/soshiki/kokusai/aichi-scholarship-program.html;
- https://admissions.g30.nagoya-u.ac.jp/admissions/graduateprograms;
- https://www.nagoya-cu.ac.jp/english/study/information/scholarships/.