1. "Сад русинської поезії" (2016)
   Дебютный зборник поезії

Русин всѣ языцы знає

Чешськый, польськый ай французькый
Мало и великоруськый,
Португальськый та испанськый,
А, як хочеш - то й циганськый;
Ескимоськый, гагаузькый, -
А, як треба - то й чортуськый
Русин всѣ языцы знає...
"Модьорул", йще «румынєштє"
Скверным язычещом плеще.
"Te Deum laudamus cantat,
Bene lonquerit Latinam" -
Пѣсню спѣват Херувинам.
«Христос анести эк нэ крон»
По-грецькы «Омоногенис» спѣває
Иисуса-Сына Бога
В пѣснопѣнях прославляє.
Русин всѣ языцы знає...
"Zer gut" по-нѣмецькы «шприх(а)т»,
"Very well" и по-англійськы «спик(ат)"
По-вкраинськы «буцім - тощо»
Як воробчик чик-чирикат.
Аж стає му в'д того тошно.
Русин всѣ языцы знає...
Лиш русинськый забывае.
Чом такое русин робит,
Што по-руськы не говорит?
Чом русинськый оминає:
Ци ганбиться, ци боиться,
Ци ліниться, ци не знає?

#Михаїл_Кемінь

Не дорус полюбити я осінь
Вто видав - тяжкоє ярмо ,
Золотоє листє-волосє
Неба синього - эржавоє дно.

Што-м любив, гет помирькло
Осінь про мене - ги смирть ...
Моя осінь , ні корчма , ні цирьков
Филозофії - круговирть...

#Сергій_Тудовші

БУБНАШ
Пушов. Забыв про бездну світа
Ай галадив руднинькый наш,
Не баламута, не планіта -
Од Бога даный нам бубнаш.
Сякі ! В сто году ся лиш родят...
Сякі ! Животворяща жила.
Кой у далекый "світ" удходят,
Черствых, зелізных, лишат "сила".
Чорнявый наш русинськый Юра,
Навхтема рудный нам бубнаш.
Твоя душа - сята капура
Што заслужила "алдомаш".

#Сергій_Тудовші

Я з села , калгозник простый
Сим ся ніґда не ганьблю .
Што ми треба , є вня доста
Ипно їм ,тай кріпко сплю.
Не навчивим-ся брехати
Красти тоже- м не валовшен,
Вчили ня отиць тай мати
Так живи обись не довжен.

#Сергій_Тудовші

На Подкарпатю ярь у білум цвіті,
Про нас тото ги з неба Божый Спас,
Духнович ни умер -- вун серед нас...
Народе муй, ты май благый у світі.

#Иван_Бинячовськый

СПІВАЙТЕ В ГОВІНЄ !

Не буйте-ся нич, лиш співайте,
Співайте си сміло в говінє !
Не пийте , паскудно не лайте,
Не бийте словами у тімнє.

Співайте! Лиш кулько валовшні
Вам груди дыхания дати.
На утриннях тай усенощні
Співайте, ги няньо тай мати.

Співайте, бо вто комусь треба,
Душі спасати нам босі,
Най співанє чути до неба.
Співайте! В блаженнум крылосі.

#Сергій_Тудовші

СПÜВАНКА ЗА СМЕРТЕЛНУ ТАЙНУ

Роздїлно вшытко в сьому світї –
Твоє житя и моя смирть:
Менї товды прийшло ся жити,
Ты на земли живеш типир.

Ходити по земли – вто файно,
Лежати в гробі – вто гнитя.
Лем смирть безсмертну має тайну,
Яку ни має всьо житя.

Хоть тот, тко завтра ся уродить,
За нас ни вповість ни слüвця,
Бо як житя, так смирть ни годен
Порозуміти до кüнця.

#Иван_Петровцій