سواد الليل يبقىٰ
وتطفىٰ الألوان
واعيد بذكرياتك
والمشاهِد .

اريد أرچي علىٰ صَدرك
راسي تعبان ، واسولف
عن عذابي وغربة الروح .

تعال الليل ما يعبر
حياتي بدونك تبعثر
شلون انساك ، ليش انساك ؟
أحبَك من الأبهر و أعبد السَواك .

جفني بارد ع السَهر
بس گلبي نار
ليل .. وطيوفَك
عَلي هدّن نهَر .

الما يندل خيالي بروحي ماخلي
وما يرهم عليه ولو نفس جيته
التعداني بحلم يلگاني عابر ليل
الفجر گبل الشمس بعيوني وشلته
الما يشتاگلي ينترس حضنه فراگ
على الملگة من اسولف ماتذكرته
بيها وداع روحي يكفي كل الناس
خسرها الچان ظنّه الروح خاسرته .

حلفوني بعيني
ما گلت الصحيح
حلفوني بعينك
وما چذَبت .

" تُحاوطني ذكراكِ "

منين ما تندار أحبَك
بَحر ويحاوط جزيرة
يا طموحاتي الأخيرة
ويا مُعاناتي الچبيرة .

جيتَك بليلة شِتا
ظلمة ومُطرها رَشك
وشبعده صار الدرب
خوف ورعيد وثلج
وچفوف إديه زرك
بـ بابَك طحت .. ها گمت
ضميت إديه وردت
ع الباب بالروح أدك
بس گالوا إلمن تِدك ؟