#oilamborvamenkaryeraqilaolaman

ОИЛАНИНГ МУҲИМЛИГИНИ ПАСАЙТИРМАСДАН КАРЬЕРА ҚИЛА ОЛИШИ МУМКИНМИ?!

Юрт остонаси оиладан бошланганидек, Ватан чегаралари ҳам билвосита оила орқали мустаҳкамланади.

Яқинда фарзандларимнинг мактабида ҳар бир ўқувчи билан алоҳида психологик суҳбат ташкил этилибди.

Психолог ўғлингиз сизга жудаям ишонади. Фарзандларингиз билан кўп ва сифатли суҳбат қилганингиз сезилди.
Ўғлингизни орзулари фақат ўзи билан эмас, дунё ва инсоният билан боғлиқ, - деди.
Очиғи, севиндим.

Қизим туғилганида тўнғич фарзандлиги, менинг ёшлигим сабаб кўп хатолар қилганман.

Лекин иккита ўғлимда нафақат жисмоний, балки руҳий тарбияга ҳам эътибор қилдим.

Ўқиш, иш, орзулар, карьера, ижод ҳаммасини бир четга суриб яхши она, оила бекаси ва келин бўлишга астойдил ҳаракат қилдим.

Буни қанчалик уддаладим билмайман, лекин ҳаракат қилганман.

Фарзандларимнинг болалигининг бирор дақиқаси менсиз ўтмади.

Ўзбекистон қаҳрамонларидан бири замонавий ўзбек аёли тимсолида ош, мантини боплайдиган пазанда уй бекаси ёки беш-олтита фарзанд туғадиган онани кўриш жудаям тор тушунча деганидек, йигирма ёшданоқ муваффақиятли каръера қуролган аёллар учун фикрларим эриш туйилар балки...

Чунки аёлнинг она, оила бекаси, турмуш ўртоқ, келин сифатидаги меҳнатлари ҳамиша ҳам қадрланавермайди.

Лекин фарзандларинг болалигида ажойиб тасаввур, ёрқин хотира қолдириш учун арзийдиган қурбонлик.

Хуллас, ўзбек аёлининг жамият ва оилада бирдай ривожлана олиши, бахтли ва хотиржам бўлиши учун мувозанатни ушлай билиш муҳим.

Масалан, аёл ходимнинг ишга неччидир дақиқа кеч қолиши бутун жамоа бўйлаб салбий муҳокама этилиши, қатъий интизом чоралари қўлланилиши бугунги замонавий дунёга хос талаб эмас.

Шунингдек, иш соати тугаганида ҳам аёл кишининг ишда ушланиб қолиш сабаблари ҳар қандай ҳолатда салбий баҳоланиши керак!
(ташкилот учун)

Давлатимиз раҳбари томонидан тажрибасизлиги, ёшлигига қарамасдан аёлларнинг раҳбарлик лавозимларига тайинланиши - бугунги янги ўзбек давлатчилигида аёлнинг жамиятдаги ролини, таъсирини ошириш ҳукумат сиёсати даражасига кўтарилган вазифалигидан далолат.

Хуллас, бугун шанба куни ишга келишимни худди ўзимнинг ҳақ-ҳуқуқларимнинг поймоли сифатида ҳис этяпман.

Зотан, иккита тойчоқларимга бугун учун берган ваъдаларим бор эди.

Хуллас, оиланинг муҳимлигини пасайтирмасдан карьера қуришни бошлаган аёл ҳаётини мен билан биргаликда каналда кузатиб боринг.

https://t.me/dilfuza_ravshanovna19