🔰 فهمك للفسيولوجي وبالضبط الاساسيات حيخليك متفوق في كل المواد

🔰 دايما بشوف انه الفسيولوجي هو أساس كل المواد الطبية واذا ما فهمته حيكون مستواك ضعيف

🔰 واذا ما فهمت أساسيات الفسيولوجي ما حتفهم الفسيولوجي نهائيا

🔰 عشان كدا ركزنا في الكورس ده على:-
- Cell and Homeostasis
- Body Fluids
- Excitable Tissues
- Automatic Nervous System

🔰 ودي الاساسيات البتبني عليها فهمك لكل الفسيولوجي بشكل بسيط وسريع

🔰 بعد الكورس ده حتحس انه كل شي في الفسيولوجي بقى ساهل وبسيط والفسيولوجي بقى لعبتك

♦️ الكورس اونلاين بالتلغرام 23 محاضرة مسجلة + شيتات منسقة وفيها صور توضيحية

♦️ في أسئلة نهاية كل Chapter ومن الاسئلة الشائعة البتتكرر في الامتحانات

♦️ كل ده بي 15 الف فقط ولفترة محدودة والدفع بنكك او فوري

♦️ الكورس اونلاين ومسجل تقدر ترجع ليه في اي وقت بكون محفوظ في قروب التلغرام

♦️ يمكنك استرداد الرسوم في خلال اسبوعين في حال عدم الفهم او الشرح ما كان واضح

📌 للتسجيل تواصل خاص

📌 حنبدأ السلسلة دي في صفحتنا في الفيس شرح بسيط وخفيف عن الفسيولوجي

📌 شرح من الصفر وبي بساطة ومكتوب ما بياخد من وقتك تقدر تذاكره بسهولة ويسر

📌 اشترك ورسل الرابط لاصحابك:-

https://www.facebook.com/fikrambbs

🔰 للناس البتسأل عن طرق الدفع لكورساتنا من خارج السودان:-
- في ويسترن يونين
- فودافون كاش (مصر)
- الراجحي (السعودية)
- بي بال Paypal

🔰 اتواصل واختار طريقة الدفع المناسبة معاك

💉 رواية كفاح بدايتها فشل 🔥 الجزء 2️⃣

📶 من أخطاء الفترة الأولى انه عمر ما استفاد من أخطائه ولا حاول يصلحها

📶 لسه عمر بذاكر غلط ولا قادر ينظم زمنه

♻️ بس حاليا بقول يا ريت واستفيد عزيزي القارئ من ياريت عشان ما تجي يوم تقول يا ريت

1️⃣ اتمنى انه كان يكون في كورس مصطلحات ظابط ادخله واحسن سرعة قرايتي

2️⃣ نفسي كان اللاقي كورس ولا زول يوجهني اقرا كيف وكيف استفيد من زمني وانظم حياتي

⬅️ في واحد من الاتنين ياريت دي لقيته في سنة تانية لحدي سنة رابعة فارح تموا معاي الرواية والحكاية

- عمر برضو في السمستر الأول بالعكس الدنيا بدت تبقى أصعب وما كان عمر عارف يتعامل

- مشكلة عمر انه اخد أساسيات في السمستر الفات للاناتومي والفسيولوجي والبايوكمستري بس ما ركز فيهم

- مشى تانية ولقى نفسه طاشي أكتر (😅 عشان كدا بنصح الطلاب حاليا ما يفرطوا في الأساسيات عشان ما يطشو لقدام)

- لكن الواحد حبة بدا يتعود على المواد وما عارف ليه كنت بقرا انتومي كتيييير وما بركز في باقي المواد

- وده الخلى عمر يشيل ملحقين في تانية (كلمت الموضوع في تانية اكعب من اولى)

- لالا اوريك الاقوى من كدا عمر ربت السنة بالفسيولوجي [عشان كدا انا اسه شاطر في شرحه بس دي ما البداية]

- القصة بدت بي طالب بجتهد في الثانوي وعاد تالته ثانوي لي واحد اتملطش في الجامعة وبقى الواحد حاسي بي حرقة

- بي حرقة وحزن وكل المشاعر السلبية انه ما قادر يواصل الموضوع أصعب مما اتوقع

- وبين حرقة كيف اخلي الحاجة البحلم بيها [اكون دكتور جراح] هل حاقبل نفسي في مجال تاني

- عشت احساس الفشل بي كل جوانبه واحساس الخزلان من نفسي وانه ما قدرت أنجح في حياتي

- احساس انه الواحد خزل الحوله وكل توقعاتهم واملهم فيه هو انتهى منه

- ده قاع الفشل وما اظن في زول وصل افشل من كدا واكيد القصة ما انتهت هنا

📶 حابب اختم الجزء ده بي شوية نقاط:
🔥 لمن تشعر انك في قمة الفشل وخلاص كل المحاولات فشلت وامنت انك في أعلى مراحل الفشل اتأكد انها البداية لانطلاقة قوية

🔥 واذا ما فشلت نهائي ما حتنجح ولو ما جاك الاحباط والحزن. الزعل ما حتنطلق نحو النجاح

🔥 ومن قلب المعاناة ومن أعلى مراحل الفشل حتوصل لأعلى درجات النجاح

🔥 حتعبر ذي الصاروخ وتتخطى كل الفترة المحبة دي والبلاقيك بعد سنة من الفشل ما حيعرفك نهائي

🔥 حيتحير فيك كل الكان بشمت عليك ويبقى معجب بي انجازك

🔥 اذا وصلت للخزلان استمر ما تقيف ولازم يجي الوقت وتخلي الكان محبط منك فخور بيك

🔥🔥💪🏻💪🏻 استمر لحدي توصل للانت بتحلم بيه

🔥🔥💪🏻💪🏻 كافح عشان حلمك ما تستلم للخزلان والفشل والحزن والأحاسيس السلبية

🔥🔥💪🏻💪🏻 قوم من عز الانت فيه وكمل وشوف انت غلطت في شنو وصلحه

🏃🏻 للقصة بقية .... بس يا ترى هل عمر حيستمر في الفشل ولا حينهض ويبدأ التغيير.

😅 انت رايك شنو؟ هل مريت بحاجة من المريت بيها انا؟

للتواصل: @Fikrambbsadmin

💉 رواية كفاح بدايتها فشل 🔥 الجزء 1⃣

- بعد كفاح مع الثانوي وامتحان مرتين قدر عمر يجيب 82٪ وللأسف دخل جامعة خاصة (بقروش ما حكوميه).

- لكن دي ما كانت الفقرة الحزينة الحزين كان الصدمة في سنة اولى طب فبعد دخل الكلية البحلم بيها (طب) وكانت منبهر بي جمال الجامعة كانت دي نهاية فرحته

- من أول محاضرة دخلها اكتشف انه مستواه ما مستوى زول داخل طب وما فهم من الدكتورة شي غير السلام عليكم ومع السلامة لانه انجليزي جد واكسنت خواجات كمان

- والصدمة التانية لمن مشى يسأل الدكتورة انه انا طالب اول جديد قالت لي عبارة فيما معناها (وانا اسوي ليك شنو؟ 😂😢) اقرا الفاتني من وين قالت لي امشي المكتبه بتلاقي مرجع البايولوجي هناك اقرا منو....

- تمام بس كدا اقرا المرجع واكون كدا طالب شاطر 🔥 وين مرحع البايولوجي فتشت لقيت كتاب اكتر من ١٠٠٠ صفحة وحاجة ما بتتقري

- الواحد جاي من الثانوي بعرف is was door window يجي يلاقي flagella mitochondria و metaphase و anaphas وحاجات غريبة ومعلومات كثيفة وغير مفهومة

- الواحد بترجم وما بفهم بقرأ مرة مرتين تلاتة ما بفهم بحفظ بنسى كل خطوة يعملها بلا فايدة وكل شئ صعب وما بتقري وما بدخل الرأس

- هنا أمكن لانه ما دخلت كورس مصطلحات طبية بس برضو الحكاية اصعب وما ممكن زول يستوعبها ودي قصة مادة واحدة

- 😅 بتذكر في شيت اخد مني 3 اسابيع اي 3 اسابيع وفي النهاية طلع ما شيت الدكتورة والدكتورة اصلا ما عندها شيتات 😂

- واستمر الزول طاشي في الدنيا دي في اول سمستر والبايولوجي والفيزياء كانوا اصعب شئ في الحياة بس كان الكيمياء ظريفة واتفهمت وكان في عربي واسلامية الواحد جازفها وعدى السمستر الاول

- كان السمستر الاول هو البحدد نجاحك في السنة الاولى والسمستر التاني ما محسوب ونتيجة اولى بتطلع بي مواد سمستر ون

- وطبعا كان الصدمة بي ملحق بايولوجي وكان تحدي كبير انه الواحد ينجح فيه في الملحق والواحد ما مصدق كيف نجح في الفيزياء

🎛 عدى السمستر الاول وجاء السمستر الثاني وهنا التحدي كان اكبر والواحد ما عارف يقرا كيف برضو والمشكلة انه الواحد ما عارف انه في مهارات وما عارف يكتسبها من وين

📆 جاء السمستر التاني والواحد طاشي لسع ولسه الصعوبات بتزيد عليه هنا الانتومي والفسيولوجي والبايوكمستري الواحد حاول يبدأ من البداية ويركز بس الكلام كتير على انه يتقري ويتحفظ وبياخد زمن اطول من اللازم

📆 مافي زول كلمه انه كيف ينظم زمنه وكيف يصحى متين وينوم متين ويقرا متين ... ولا اصلا يقرا كيف وكيف ينجز

📆 كتير كنت بفتح اسنيل واقعد احفظ فيه صم احفظ الحاجات ذي ما هي ودي كانت اكبر غلطة وكان بحفظ وبنسى لانه الكلام كتير.

🧠 صحيح الواحد بقى يفهم شوية ويتعود على لغة المراجع والكتب بس برضو مشكلة الزمن ما اتحلت ابداً.

📝 بس الواحد حب الانتومي وكان اكتر مادة بقراها على اساس انه هدفه يبقى جراح بعد يتخرج فالانتومي مهم

📝 بس برضو بياخد زمن والفسيولوجي بيغادي وكمان البايوكمستري (لا اله الا الله ... بصوت فضيل 😂) فعلا لو قريتها بالعربي ولا بالانجليزي ولا الدكتور شراح ولا ما شراح برضو ما بتتفهم ما بتتفهم

📝 طبعا ذي ما قلت ليكم سمستر ما محسوب ده يشجع للاهمال بس للاسف السمستر ده كان بيزك مهم للانتومي والفسيولوجي والبايوكمستري

📝 بس بديناه طاشين anterior inferior superior وحاجات غريبة جلايكوليسسز وما عارف جلكوز 6 فوسفيت وحاجات استغفر الله بس

1⃣ خلصنا أولى بي ملحق البايولوجي وامتياز في الكيمياء والاسلامية 📿 شيخ كبير

🔄 سنة تانية ما تتوقعوها انها احسن من أولى لالا اللي جاي اكعب ... بل بس

⤵️ نكمل في الحلقة الثانية بس حانزل ليكم عبر وفوائد تستفيدوها انتوا من القصة الحزينة دي

⭕ كتير من الناس بفتكروا انه النجاح بجي فجأة والواحد بلاقي نفسه ناجح وحقق كل احلامه

⭕ بس انت عارف؟ انه النجاح عبارة عن رحلة طويلة من الفشل المتكرر

⭕ بنستفيد من تجاربنا الفاشلة اكتر مما بنستفيد من تجاربنا الناجحة وبنتعلم اكتر من الفشل

⭕ لمن تفشل او لمن تصعب عليك حاجة بتمشي تبحث وتجرب وتقرا وتسمع وده بوسع مداركك وتفكيرك وبخليك تعبر اكتر من لو ما فشلت

🔰 انا واحد من الناس مريت بي تجارب كتيرة سيئة وفاشلة والواحد وقع مرة واتنين

🔰 وللان الواحد كل يوم بتعلم حاجة جديدة والرحلة المليانة اخطاء علمتني كتير وبحاول اوصل الحاجة دي هنا

🔰 فحاشارككم قصصي مع كفاح المذاكرة والجامعة ونعرف العبر الممكن تستفيدوها من القصص دي

♻️ لايك لو عاوز التجارب دي ننزلها ليكم هنا