مكسورة خاطر جيتك

لجابر الكاظمي

يــا فـرحـة ربــيـع الـعـمـر يــا عـيـدي
خريـف الـحـزن ذَبَّـــل وردتــك بـيـدي

يـــا أوّل نَـسِـمْ فـــاح ابْـرِيـاض الــروح
يـا غـصنِ الـحِرَسْته ابْـناظري المشبوح
عـطـرك ويــن ذاك الچان يـبـني ايْـفوح
ويـن أيــامــك وفــرحـتـي و تـغـريـدي

أيـامـك مِـضَـنْ چنـهن سـراب و طـيف
ويّـايـه عـشـت عـيـشة مُــرور الـضـيف
كـل ذاك الـتعب أصـبح نصيب السيف
وگبـل جيـدك تـمَنّيت انگطــع جـيـدي

عـصـف يبني خـريـف الضيم بالحسرات
وذِبَـل عـودَك وسـافه اگْبال عيني ومات
يــا مــن عـوَّدِت ثـغري عـلى الـبَسْمات
عگـبـك عـالـمـصايب صـــار تَـعْـويـدي

گلـبـي اجْـنـاح وايْـخَفُّگ عـلى جسمك
ومـثـل أمِّ الفصيل انـحـب واحِن يـمّك
صـرت امْدوهِـنه وبـس ألـهَج ابْـإسمك
وأرَدِّد بــيــك يــا نَـــبْــرات تــرديــدي

أنـوح ابــنـوح ثـكـلـى ومـــات غـايِـبْها
وعـلـيَّ الـدنـيـا ذَبَّـــت كــل مـصـايبها
احْـتِـزَمْـتِ ابصبر گلبي وصرت أخاطبها
وأگلـهـا اشْـعندچ امْصايب بـعد زيـدي

عَـلَـيْ هَـبَّـت عـواصـف حـزني وآلامـي
اوْ ذَرّيــــت الـصـبـر بــجـروح أيــامـي
مــو جـسـمك وگع،گلـبـي وگع دامــي
ومـا گِطْـعـوا وريـدك، گِطْـعوا اوْريـدي

أظـن مـو دم وريـدك نـازف و مـسفوح
هـذا الـطاح گلـبي اعـله الـترب مذبوح
لـو يـنـفـع ونـيـنـي والـنـحب والـنـوح
أنـــوح اعْـلـيـك طـول العمر يـولـيـدي

#جابر_الكاظمي

ركزولي على القصيدة

من احد الحاضرين في هذا المجلس
ايگول اهنا الاديب جان واگف بعيد عن الملا باسم مو مثل هسة علج ابو السهم ?
بدون ما نجرح بالاسماء طبعا وضحنه المقصود بالعلج ابو السهم
باسم اهنا غلط بكلمة ( تودعك دمعتي)
باسم قراها تودع دمعتي كررها ( مرتين تودع دمعتي )
ايگول الحاضر في هذا المجلس وهذه القصيدة بالذات
اجه جابر الكاظمي ونبه على الكلمة حتى ايعدلها
وبعدين تبعد عنه
ايگول الملا عاد النص مره ثانية بطلب من الجمهور
وبالمره الثانية قره ( تودعك دمعتي صححها )
الدليل على هذا الكلام محادث الرجال مع احد محبين جابر والصورة اللي مقطوعة من مونتاج القصيدة بعتبار شي خاص مابين الشاعر والرادود
على كلمة او حرف واحد فقط رفض الاديب تنقري الكلمة بهالطريقة لغير طريقتها المكتوبة
مو مثل هسه صورني وانه ما أدري على ابسط حركة على المنبر
المهم نرجع الموضوعنه
لحظات انشرلكم الكلام والصورة
اليوم اشگد محتاجين امثالك يا جابر الكاظمي
كادت القصيدة تحتضر
امثال لازگ الثوب ابظهرها ؟
لف راسه اوشرد للخيمه سوه روحه نايم؟
طلعن بهدوم مبلله؟
البهره الصين واليابان؟
وغيرها وغيرها من تردي الشعر والقصائد التي
تحرق القلب ولا نود نشرها والإستماع لها
و لا يقبلها الله ورسوله والعاقل

من القصائد اللي احبها
.
.
أخـاف امـن أعـوفـك .... 
بـعـد ما أشوفك.... 
إذا ما تجيني أقدر ظروفك
طـويـلـه  رحـلـتـي ....
 و أخـاف ابـرجـعـتـي....
 بعد ما أشوفك

يـعـبـاس  إخـتـك آنـه ولا تـبارحني .... 
جنت انت التمسيني و تصبحني
فـرقـتـك  ذلـتـي و شـوفـك يفرحني .... 
كلام الشامت ابفرقاك يجرحني
يـاريـت الـمـوت أخـذ روحـي و يـريحني ....
 و إذا أنساك الله لا يسامحني
أخـاف  أشـتـكـي لك .... 
و أعذب دليلك.... و أريد بدموعي أبرد غليلك
تـودعـك دمـعـتـي .... 
و أخـاف ابـرجـعـتـي.... بـعد ما أشوفك

أودعـك يـبـن أبـوي و لـليسر أطلع ....
 و أعوفك بدر غايب نوره بالمصرع
مـثـل  جـسـمـك تـوذر قلبي و اتقطع ....
 كلام اوياك صار ايترجمه المدمع
إذا أرجـع يـخـويـه اشـراح أتـوقـع .... 
إذا أرجع أشوفك بعد من أرجع
أبـاصـر  دلـيـلـي  .... 
سـفرتي و رحيلي.... قلت له عجيبه أفارق كفيلي
اعـلـه  فـقـدك حـسـرتـي....
 و أخـاف ابـرجعتي.... بعد ما أشوفك

أصيحن  و اليموت اشينفعه الصايح .... 
اسكتت و ادموعي جدول عالوجن سايح
غـصـب عـنـي أعـوفـك و الظعن رايح .... 
بلا توديع أتركك عالنهر طايح
تـعـاتـب لا تـعـاتـب و العتب جارح ....
 تودني و اليود من شيمته ايسامح
ظـعـنـه  ابـراوحـه .... يـريـد الـسماحه....
تسير الظعينه ابونين و نياحه
تـنـشـدك  مـهـجـتـي.... و أخـاف ابـرجـعـتي....
 بعد ما أشوفك

أنـشـدك  لـو مـشـيـت ابظعني و أتيسر .... 
تقدر تنهض اتشد الظعن تقدر
إذا  بـسـيـاطـه  خصمك يضرب الخدر ....
 تقدر تحمي عيله و سايره ابها البر
إذا  جـتـالـك ابـمـجـلس شتم حيدر .... 
تقدر تجي اهناك اتدافع و تحضر
إذا وقـفـونـه .... ابـمـجـالس عدونه....
حرم و احنه نسمع يشتمون أبونه
اشـيـنـشـف عـبـرتـي.... و أخـاف ابـرجـعـتي....
 بعد ما أشوفك

إذا مـسـبـيه من يمك رحت و امشيت .... 
و عني ما قمت يا با الفضل حاميت
و إذا مـجـلـس دخـلـت و حايره ظليت ....
 إذا حشمتك و للنخوه ما لبيت
الـعذر  مقبول  منك خويه لو ما جيت .... 
اشلون اتقوم و انت بس جسد ظليت
يـجـمـرة حـنـيـنـي .... يعذرك ونيني....
عسن مني قطعوا يساري و يميني
اشـيـرجـع لـهـفـتـي.... و أخـاف ابـرجـعـتـي....
 بعد ما أشوفك

اشخلت ساحة الطف خذت مني احيود .... 
شحجي اوي النهر و السهم و العامود
فـطـر  جبدي العطش من نار سهم الجود .... 
إذا تسكن لحد أسكن يخويه الحود
لـلـطـف  يـبن  أبويه الظعن من ايعود .... 
أخافن ما أشوفك لو رجعت اردود
يـطـول غـيـابـي .... و أجـيـك ابـمـصابي.... 
إذا ما لقيتك تزيد عذابي
تـهـيّـج جـمـرتـي.... و أخـاف ابـرجـعـتـي.... 
بـعـد ما أشوفك

#جابر_الكاظمي

أصحاب الكساء

خمسة أقمارٍ من الســماء    
   أنزلها الله إلى الكــــــــساء
محمد محمد و علي
و فاطمة و الحسن و الحسين

هذا مجلس النه أصبح
جامعه وينشـــر فـــــــــــوائد

احنه من عنده أخذنه
دروس من وحي العـــــــــقائد

صرنه ننقل كل حديث اليمتلك
قــــــوة مسانـــــــــــد

اقره ابمفاتــــــــيح الجــــــنان الأخـــــــــبار

شاهد حديـــث أهــــــــل الكساء الأطهــــــار

تنقل الك بضعـــة محــــــمد أســــــــــــــــرار

جوهرةُ التقديسِ والــولاء  
   أنزلها الله إلى الكــــــــساء

الزهره تروي تگول اجاني
والدي وأدّه التحــــــــيه

گال أحس ابجسمي ناحل
والضعف أثر عــــــــــــليّه

ناوليني هالكساء وقـــدّم
اچفوفــــــــه الأبــــــــــــيه

انطيته الكساء وشاهـــــــــدت
هــــــــــــالمنـــــظر

وجه النبي المخـــــــــتار شــــــــع وأزهـــــــــر

مثل البدر ليــــــلة كمــــــــــــاله اتــــــــــــنور

غُرّتُهُ ترفل بالبـــــــــــهاء     
     أنزلها الله إلى الكــــــــساء

بعد ساعه لن تعــــــــــــنه
الحسن ويشع ابجــــماله

سلّم وعينه تراقب
ينظر ايميــــــــنه وشمــــــاله

گال أشم رائحة جدي
المصطــــــــفه وعطر الرسالة

ناديته جدك يبـــــني موجــــــــــــود هنــــاك

تحت الكـــــساء وعــــــــينه تربــــــي لعيناك

اتعنه ونده تاذنـــــــلي ادخــــــــــــل ويــــاك

أجابه يا خيرة الأبـــــــناء       
   أنزلها الله إلى الكــــــــساء

حسين من بعــــــــده تعنه
وسلم ابمنطق العصمة

گال اشم رائحــــــــة جدي
المصطفه شافع الأمــــــه

گتله هذا اهنا جدك والحسن
موجــــــــود يــــــــمه

وحسين راح وصــــــــاح
يا ضــــــــي العــــــــــــين

تسمح يجدي اويــــــــــــاكم
أدخــــل هالحــــــــــــين

رحب الهادي وگـــال
إدخـــــــــــل يحســــــــــــــــين

يا هيبة العصمة والإبـــاء     
     أنزلها الله إلى الكــــــــساء

اتعنه حيدر من بعدهم
سلم وناشــــــــــــدني حيـــدر

گال اشم ريحة عضيدي المصطفه
وداري تعـــــــطر

اندهت هذا الهادي يم أولادك
ويردوك تحــــــــــضر

اتعنه علي وناده بلــــــــسان الحكــــــــــــــــمة

استاذن من المخــتار يــــــــــــــــدخل يــــــمه

جاوبه إدخــــل يا أمـــــــــــير الأمــــــــــــــــه

يا حليةً صيغت من الوفاء  
        أنزلها الله إلى الكــــــــساء

وجهت الهــــــــــــم سلامي
ووالدي لصوتي يسمعه

گتله تأذن يا محــــــــــــمد
تدخل اويـــــــاكم البضعه

صاح يا فاطمة انتي بضعتي
وللديــــــــــــن شــرعه

استاذنت من عنده ودخــــــــــــلت اوياهــــــــــــــــم

صاح النبي ذوله الــــــــــذي أهـــــــــــــواهم

من لطف ذاته الخالــــق استصفاهــــــــــــم

كواكب تسطع بالســــــناء     
     أنزلها الله إلى الكساء

نزل جبريل وينادي
الــــــــــــــــباري أنــواره جعلكم

هالفلك بيكم يدور
وخلق هذا الكـــــــون الكــــــــــــم

لا شمس تضوي ولا يجري
بحـــــــــــــر إله لأجلكم

الكم رفع هاي الســــــــمه المبنــــــــــــــــــــيه

من أجل حبـــــكم هـــــالأرض مدحــــــــــــيه

فازوا محبــــــــــيكم بهــــــــــــاي النــــــــــية

صفوة حقٍ حكمةُ الرجــاء  
        أنزلها الله إلى الكــــــــساء

#جابر_الكاظمي