Mana kitobni ham tugatib oldim. Endi har bir belgilab qoʻygan joyimni qayta koʻrib chiqaman.

Akmal Mazgavoy!

"Jufti bilan berilmaydi hayot va vatan." Qo‘rqma filmidan.

"Global ko‘prik" loyihasi ham minglab yoshlarga "chet elga bor, ilm o‘rgan, kuchli mutaxassis bo‘l va yurtga qayt!" deb yaxshi yo‘nalish beradigan ajoyib loyiha bo‘libdi.

Chet elga ketish, u yerda o‘qish va yoki ishlash haqida gap ketsa darrov "surish kerak!", "chet elda bunda, bizda bunday" deb shoshma-shosharlik bilan yozadiganlarni ko‘rib o‘ylab qoladi odam.

Chet elga borish - yaxshi. Global dunyoda biz "uyda biqinib o‘tirib" rivojlana olmaymiz. Qancha ko‘p o‘zbekistonliklar chet el havosidan "nafas olsa", shuncha yaxshi. Tan olish kerak, biz bir-ikki yilda hammasini zo‘r qilib hammaga 100% ish topib bera olmaymiz. Lekin ish kuchini sifatli qilib, chet elda ko‘proq pul topadigan qilishga harakat qila olamiz. "Global ko‘prik" loyihasi mana shunga hizmat qiladi deb o‘ylayman.

Umid qilaman-ki, keyingi o‘n yilliklarda biz mehnat migrantlarini emas ilmni eksport qiladigan millat bo‘lamiz.

Yana bir narsa aniq-ki, vatan bilan hukumat, tuzum yoki siyosatni aralashtirmaslik kerak. Ular o‘zgaruvchan lekin Vatan doim biz bilan. U - yagona va o‘zgarmas. Uni kamchiliklari va yutuqlari bilan birday ardoqlash kerak.

Bizga "Global ko‘prik" dek loyihalar juda zarur. Uni ko‘proq yoshlarga ulashishingizni so‘rab qolaman.

​​“Mutolaa” ilovasi foydalanuvchilari soni 400 mingdan ortdi!

Eʼlon qilinganiga 3 oy boʻlmasdan “Mutolaa” ilovasining foydalanuvchilari 400 mingdan oshdi. Ilovada oʻqilayotgan kitoblarning umumiy soni esa 751 mingdan ortdi. Bir kunda oʻqilayotgan kitoblar miqdori bo‘lsa oʻrtacha 15 ming atrofida. 

Hozircha ilovada 1200 dan ortiq nomdagi kitob mavjud boʻlib, ular ichida “Uygʻonish” turkumidagi “Abu Ali ibn Sino” kitobi 24 843 ta oʻquvchi bilan birinchi oʻrinni band qilib turibdi. Keyingi oʻrinlarda: “Uygʻonish: Abu Rayhon Beruniy” (19 879 ta), “Dunyoning ishlari” qissasi (20 235 ta), “Dahshat” hikoyasi (12 772 ta), “Navoiy” romani (11 663 ta), “Temur tuzuklari” (11 406 ta), “Galaktikada bir kun” qissasi (11 107 ta), “Alkimyogar” qissasi (9 528 ta), “Oltin zanglamas” romani (6 770 ta), “Robinzon Kruzoning hayoti va ajoyib sarguzashtlari“ romani (6 490 ta), “Oʻtkan kunlar” romani (6 200 ta) eng koʻp oʻquvchilari bilan kuchli oʻntalikni egallab turibdi.  

Raqamlardan ham koʻrish mumkin, xalqimizning kitobga, mutolaaga boʻlgan ehtiyoji juda katta. Demak, qilayotgan mehnatlarimiz besamar ketmaydi. Ilohim, boshlagan ishimiz xalqimiz uchun xayrli, manfaatli bo‘lsin, yuzimizni yorugʻ qilsin!