#bojxona_dunyo_buylab

БОЖХОНА: ДУНЁ БЎЙЛАБ!

Саудия Арабистони закот, солиқ ва божхона бошқармаси (ZATCA) томонидан нуфузли конференция ташкил этилди.

“Барқарор иқтисодий келажакни шакллантириш ва хавфсизликни ошириш” шиори остида Ар-Риёдда ўтказилган тадбирда дунёнинг турли давлатларидан экспертлар жамланишди.

Жаҳон божхона ташкилоти Smart Customs ижтимоий порталини ишга туширди.Ташкилотга аъзо давлатларнинг божхона ходимлари ўртасида ўзаро ахборот алмашишга мўлжалланган портал божхона маъмуриятларининг иш унумдорлигини ошириш, инновацион ечимлар ва соҳани рақамлаштириш тажрибаларини ўзида ифода этади. Бу эса ЖБТ аъзолари ўртасидаги рақамли тафовутни енгиб ўтишга хизмат қилади.

АҚШ чегара ва божхона хизмати Колумбия дала операциялари бошқармаси билан ҳамкорликда ўтказилган тезкор тадбирда қиймати 6,9 млн АҚШ долларини ташкил этадиган 343,4 кг оғирликдаги метамфетамин гиёҳвандлик воситасини тўхтатиб қолишди.

Ларедо кириш портида аниқланган ушбу ҳолатда гиёҳвандлик воситалари сув ташиш учун мўлжалланган юк автомашинасининг ичига жойланган 16 дона елим идишларга жойланган бўлган.

Ўзбекистон Республикаси Президенти Администрацияси ҳузуридаги Наркотикларни назорат қилиш миллий маркази ташаббуси билан “Тошкент-АЭРО” ИБКда синтетик моддалар таҳдидига қарши курашиш бўйича семинар ташкил этилди.
♻️ Марказ ташаббуси билан божхона органларининг бевосита чегара божхона постларида хизмат ўтаётган ходимларнинг гиёҳвандлик воситалари янги турлари ва уларни аниқлаш борасидаги билим ва малакасини ошириш мақсадида сайёр ўқув семинарлари ўтказиб келинмоқда.

♻️ Ўқув машғулотининг навбатдагиси “Тошкент-АЭРО” ихтисослаштирилган божхона комплекси ходимлари учун ташкил этилди.

♻️ Семинарда Ички ишлар вазирлигининг масъул ходимлари ва Божхона институтининг профессор-ўқитувчилари томонидан божхона комплекси ходимлари учун гиёҳвандлик воситаларининг янги турлари, айниқса, синтетик гиёҳвандлик воситалари, прекурсорлар, психотроп ва кучли таъсир қилувчи моддаларнинг тавсифи, кўринишлари ҳамда уларни аниқлаш усуллари бўйича интерактив усулларда машғулот ўтказилди.

♻️ Бу каби ўқув семинарларни мунтазам равишда ўтказиб бориш божхона органлари ходимларининг гиёҳвандлик воситаларига қарши курашиш соҳасидаги билим ва кўникмаларини, шунингдек, мазкур йўналишдаги фаолият самарадорлигини оширишда ҳам муҳим аҳамият касб этади.

#bojxona_dunyo_buylab
БОЖХОНА: ДУНЁ БЎЙЛАБ!

Жаҳон божхона ташкилотининг Коррупцияга қарши курашиш ва ҳалолликни рағбатлантириш дастури кўмагида Кот-д'Ивуарда божхона ва хусусий сектор ўртасида ҳалоллик ва мулоқотга барқарор ёндашувга бағишланган масофавий семинар ташкил этилди.

Белорусиялик божхоначилар Литвадан кириб келган юк автотранспорт воситасида товарларни ташишда фойдаланиладиган поддонлар ичига моҳирлик билан 88 кг оғирликдаги гашиш гиёҳвандлик воситаси яширилганини фош қилишди.

Жиноятчиларнинг «маҳорати»га қаранг-ки, поддонлардаги бўшлиқларга наркотик модда яширилгач, улар мум билан бекитилган. Ушбу ҳолатни содир этган жиноий схема аъзолари Беларус ва Россияда олиб борилган тезкор-қидирув тадбирлар натижасида қўлга олинган.

Новосибирск божхоначилари Тайланддан қайтган йўловчилардан бирининг қўл сумкаси ичидан тимсоҳнинг бошини топишди.

Аёлнинг сўзларига кўра у бу ғайритабиий топилмани сувенир сифатида сотиб олган. Ўтказилган экспертиза мазкур топилма СИТЕС конвенцияси талабларига тааллуқли бўлган ҳақиқий тимсоҳнинг боши эканлигини тасдиқлади.

Pirotexnika vositalarining noqonuniy aylanmasiga chek qo'yildi#Toshkent **shahri

15:00 28.11.2024**
@hududtv