متركزيش ف حياه الناس
متركزيش ف اولاد الناس
متركزيش ف اموال الناس

حيحصل ايه

حاجه من اثنين

اما
حتلاقيهم احسن منك و مش تعجبك عيشتك
و تلاقيكى تقول يخرب بيت العيش و العيشه و اللى عايشينها

او

حتلاقيهم اقل منك و ده قليل لما يحصل لاننا بنشوف الحاجات اللى ناقصانا عند غيرنا

و ممكن جدا يحصلك اعجاب بنفسك و تعالى عليهم

انا ولادى احسن
انا زوجى احسن
انا بيتى اجمل

و تركزى ف عيوبهم و تتجاهلى عيوبك

فيا حببتى ركزى ف حالك
ركزى ف اكلتك تطلع حلوه
ركزى ف اولادك يكونوا صالحين
ركزى ف جوزك و اسعدى معاه

ركزى ف اللى ربنا حيحاسبك عليه
و مش تنسي انك لما تركزى ف غيرك ممكن تاخدى سيئات تتبع عورات الناس

احنا عايزين نطلع من الدنيا بشويه حسنات و نحفظ عليهم

الله يباركلك مش ناقصه حد ياخد من حسناتنا دول غالين علينا و تعبانبن فيهم

ركزى.....

بقلمى
#ريهام_محمود

#مستشاره_علاقات_زوجيه_وتربويه

?كلماتى بكل الحب كتبتها فضلا لا تمحى اسمى عند النقل ?

#شير_ليستفيد_الغير

?ابنك على ما تربيه ?

الحقيقه هذه الأيام المثل مختلف
ابنك على ما تفعليه

التربيه لسست فقط كلام
التربيه فعل عليكى يظهر و يبان

دوما لى كلمه اقولها

كل جيل اكبر من الجيل الذى سبقوا
١٢ سنه عقل

و اقل منه
١٢ سنه صحه

الولاد اذكى منا بكتير
فلا تتظهرى نفسك ام عريف
و اعمل و اعمل و انتى لا تعملى

الاولاد يتربوا بالمحاكاه و التقليد

يعنى ما يراه سيفعله

مهما قلتى له اذهب لتصلى و انتى لا بتصلى عمره ما سيصلى

مهما الأب قال السجاير حرام وسيئه و تمرض

وهو بيشرب سجاير
اول ما يعرف ابنك من اين يشتريها سيشتريها

لازم نربي نفسنا قبل ما نربي ابننا

و خدها قاعده
عامل تعامل
افعل يفعل ابنك

#أبنى_إبنى
#ريهام_محمود
#مستشاره_علاقات_زوجيه_وتربويه

لا تنصر ابنك ظالماً أو مخطئاً

زمان لما كان بيحصل منا شكوى فى المدرسة ، فى النادى، مع الجيران، أو فى أى مكان عام
بسبب تصرف غير أخلاقى أو غير لائق و فى تعدى أو تجاوز على حقوق الغير .

كان أول حاجة أهلنا بيعملوها بشكل تلقائى، هو الأعتذار بالنيابة عنا ، و مطالبتنا بالاعتذار لشخص المتضرر قبل ما نفهم حتى ايه الخطأ اللى احنا عملناه.

و بعد ما بنروح ، كان فى نقاش نفهم تصرفنا و عقوبة لو الموضوع كبير و متكرر.

دلوقتى كتير من الأهالى فاهمين دعم أطفالهم غلط تماماً
الدعم يعنى أحافظ على حدود أولادى و عدم التعدى عليهم أو الهجوم و حسن التوجيه فى الشكوى

و لو فهمت انه مخطىء لا انصره و ادافع عنه و اقول أنه مش غلطان… رغم أنى عارف و متأكد أن دا خطأ و لازم يعترف بيه

الدعم فى التوجيه و ليس التوبيخ
الدعم فى الحوار و ليس الإجبار
الدعم فى الفهم مش فى العقاب

لكن " ابنى يعمل اللى هو عايزه ، و اللى عجبه ، و براحته ، وانا بعلمه الحرية ، و يعمل اللى فى نفسه ، و عيل و بيلعب ، و شباب و فرحان , و طفل و نستحمله"

إلى آخر كل هذه الجمل التى تدل على غياب الدين و القيم و الأخلاق و تدنى الفكر و إنعدام الإحساس و التقدير لحقوق الغير

هى اللى هتفرز لنا أسوأ أجيال هتيجى على مر التاريخ
و أول من هيدفع ثمن هذه الجمل هم الأهل اللى جعلوا من أولادهم جواد جامح هائج بلا لجام يوقفه عند اللزوم ، بيدوس ما يجده فى طريقه، و النتيجة ، أحيد فى المقابل محدش هيسيبه جامح كده لازم هيحصل هجوم و عقوبة و عزل له
و ساعتها أول حد يلومه فى باله هو أهله اللى كانوا السبب

أذكر قصة والدى الله يرحمه كان بيحكيها ليه و ذكرتها فى مقال من فترة لاقى موظف ماشى بيدعى على حد و بيقول " حسبى الله و نعم الوكيل ، انت السبب فى اللى أنا فيه"

لما والدى سأله ماله قاله " مش مسامحك ابويا ، هو السبب فى اللى أنا فيه "

للحظات والدى افتكر أن الأب كان مُقصر فى تربية ابنه و بخيل عليه …

كمل قبل ما يستسلم لفضاء احتمالاته و قاله" كان مدلعنى آخر دلع، و لا عمره غلطنى لما كنت بغلط فى حق حد ، و مدينى كل طلباتى و حريتى ، غلطت و جربت حاجات غلط كتير ، اهملت دراستى و مليش أصحاب ناجحين و لا محترمين . فى حين عمى كان شديد مع اولاده و مش مدلعهم و مربيهم على الحرام و الحلال و الصح و الأصول ، ما شاء الله كلهم فى مناصب محترمة و مستقرين"

✅الخلاصة:

الحلال واضح و الحرام واضح لو ملتزمين بالدين هنعرف و نفهم و نطبق فى حياتنا اليومية

و القيم و الأصول لا تتغير مع الامكانيات المادية و لا بين الطبقات الاجتماعية … الأخلاق و القيم الاصيلية الحميدة ثابتة مع الزمن لا تتبدل و لا تتلون و لا تتغير

اللى عايز ينجو بأولاده و يفضل فى بالهم له سيرة طيبة فى ذهنهم و قلبهم فى حياته و بعد مماته و كل اللى يشوف ولاده يدعيله فى حياته أو يترحم و لا يدعى عليه

يقول لأولاده على الغلط غلط و لا يبرره ، و يراعى حقوق الغير قبل حقه، و يعلم نفسه و أولاده ثقافة الاعتذار و تصحيح مسار الخطأ

#اعمل_الصح_تعيش__صح

https://www.facebook.com/reel/989745662171437?sfnsn=scwspmo&mibextid=6AJuK9

Facebook

Log in to Facebook

Log in to Facebook to start sharing and connecting with your friends, family and people you know.

النجاح
الحب
الإستقرار
السعادة
الطمأنينة
الفرح
كل ديه حاجات مستنيانا ، الفكرة بس إننا مانقفش ، ومانفضلش نخبط على باب بيتقفل فى وشنا ، كملوا فى طريقكم وكملوا مشى حتى لو دموعكم سابقاكم..
كملوا....
هاتلاقوا الطريق بينور من تانى...
المهم ماتوقفوش...
خليكوا فى حالة حركة دايما" ، هاتلاقوا الى بتدوروا عليه...

ومع كل وجع بتقابلوه ، تأكدوا بعده بداية جديدة.. ❤
?صباحيات ريهاميه
فوالله وتاللّٰه وباللّٰه،أن نواميس الكون كلها تتغير،ليرضى عبداً دعا وأحسن الظن بالله.❤
?صباحيات ريهاميه

‏" كن فخورًا جدًا بنفسك التي تحمّلت ?، حاولت، عَانت، استَمّرت و ثابرت و ابتسمَت كثيرًا?،
كُن فخورًا جدًا بها، لأنك لم تسّتَسلِم ✋، و أعطيتَ و ضحكت و بكيتَ كثيرًا لتتَزِن من جديد لتعودَ قويًا?
افتخِر لأنك كنت مع الله دائمًا و لم يُأرجحُكَ شيء " ??.
? ?

تابعونى ريهام محمود مستشاره اسريه
https://www.facebook.com/Remomo2020?mibextid=ZbWKwL

اوعى تفتكر
انك وقت ما تربد انك تتوب حتتوب
او انك وقت ما عايز تعمل الخير حتعمله
و فى وقت حبطل السجاير، و اكون انسان جديد

شوفت كتييير، من الناس عايزة تتوب بس مش عارفه
عايزة ترجع لربنا لكن مش قادرة
بكرة بعدوا حرجع و اتوب

و الله ابدا
شوف قصه "وَعَلَى الثَّلَاثَةِ الَّذِينَ خُلِّفُوا حَتَّى إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا إِنَّ اللَّهَ هُوَ التَّوَّابُ الرَّحِيمُ" سورة التوبة آية:١١٨

دول ناس اتاخروا بس ف الخروج مع رسول الله فى غزوة لكن اعترفوا بذنبهم و راحوا للرسول اعترفوا و قالوا استغفر لينا يارسول الله قال لهم ان ربنا هو اللى حيحكم ليهم

استغفروا وواحد ربط نفسه فى المسجد و منع رسول الله الكلام معهم

ضاقت عليهم الارض فعلا وهى واسعه و ايقنوا ان لا ملجأ من الله الا اليه و دعوا كتير
توب علينا يارب
اغفر لينا يارب
سامحنا يارب

اعانهم الله ع الاستغفار و التوبه و تاب عليهم ليتوبوا

اوعى تغتر انك صغير او قادر او حتى ان ربنا حيغفر لما اروح له

ادعى ان ربنا يوفقك للتوبه
يعيننك عليها
يثبتك و يرزقك بيها

ربنا غفور رحيم لمن اراد بصدق التوبه
ربنا حليم كريم لمن دعاه بصدق و يقين بقدره الله

و كما قال جلال الدين الرومى و تظن أنك ذهبت إليه بإرادتك.. لكنك لا تدري أنه هو الذي اصطفاك للقائه.

الله يتوب علينا لنا يعرف بعلمه انك تريد و ليس فقط انك تقول

بقلمى
#ريهام_محمود

#مستشاره_علاقات_زوجيه_وتربويه

?كلماتى بكل الحب كتبتها فضلا لا تمحى اسمى عند النقل ?

Facebook

Log in or sign up to view

See posts, photos and more on Facebook.

عام جديد و عهد جديد

يدور الزمان مرة أخرى كهيئته
يبدأ عام هجرى جديد يبدأ بشهر الله الحرام محرم شهر يعظم فيه السوء كما يعظم فيه الحسنات بداية جديدة لعمر جديد
ثم يأتي بعده خمس شهور للعمل و الجد في الدنيا
صفر . ربيع الأول. ربيع الثاني .جمادى الأولى. جمادى الثاني
ثم يأتى رجب مضر أي وحيد شهر الله الحرم في منتصف العام عظم فيه الأجر كما يعظم فيه السوء إعادة شحن للمؤمن
جائزة رجب ليهىء المسلم لاستقبال شعبان الشهر الذي ترفع فيه الأعمال بعد تعظيم الأجر في رجب حتى ترفع صحيفة عملك محمله بالزيادة و التعظيم بالحسنات
ثم يأتي شهر رمضان شهر العبادة و الإحسان شهر الروحانيات و الهمم العالية ينتهى بالعيد في شوال الذي بنهايته تبدأ أشهر الحج و أشهر الحرم الثلاثه اثنين في العام الحالى
( ذى القعدة. ذى الحجة)
وواحد في العام المقبل محرم
ينتهي العام بالحج و الحجيج على جبل عرفات تمحى الذنوب و يرجع كما ولدتهم أمهاتهم و حتى من لم يحج و صام عرفه فعامه الماضي و القادم مغفور ذنبه
ينتهى العام بالعيد السعيد
قال تعالى في سورة التوبة
(إِنَّ عِدَّةَ ٱلشُّهُورِ عِندَ ٱللَّهِ ٱثۡنَا عَشَرَ شَهۡرࣰا فِی كِتَـٰبِ ٱللَّهِ یَوۡمَ خَلَقَ ٱلسَّمَـٰوَ ٰ⁠تِ وَٱلۡأَرۡضَ مِنۡهَاۤ أَرۡبَعَةٌ حُرُمࣱۚ ذَ ٰ⁠لِكَ ٱلدِّینُ ٱلۡقَیِّمُۚ فَلَا تَظۡلِمُوا۟ فِیهِنَّ أَنفُسَكُمۡۚ وَقَـٰتِلُوا۟ ٱلۡمُشۡرِكِینَ كَاۤفَّةࣰ كَمَا یُقَـٰتِلُونَكُمۡ كَاۤفَّةࣰۚ وَٱعۡلَمُوۤا۟ أَنَّ ٱللَّهَ مَعَ ٱلۡمُتَّقِینَ)

فالعام يبدأ بتعظيم الحرمات فتعظم الحسنات و ينتهى بالعيد
هكذا حياة المؤمن تبدأ بتعظيم الحرمات فتعظم له الحسنات و تنتهى حياته بالعيد عند ملاقاة ربه
فاللهم اجعل عيدنا يوم لقائك

بقلمى
#ريهام_محمود

#مستشاره_علاقات_زوجيه_وتربويه

?كلماتى بكل الحب  كتبتها فضلا لا تمحى اسمى عند النقل ?

حسابي الجديد ع تطبيق ثريدز
اللهم اعطنا خيره و ابعد عنا شره

https://www.threads.net/@remomo2020

instagram@https://www.instagram.com/remomo2020
https://youtube.com/live/8MthzzrLJX4?feature=share7

YouTube

instagram@https://www.instagram.com/remomo2020

تابعونا على صفحاتنا ***💕*** ***💎***تلجرام قناه اكاديميه ا/ريهام محمود https://t.me/joinchat/RDh3lWCU6VCko9oV قناه ريهاموتوبيا https://t.me/+PnBKhNH73p6xDEi5 ***💎*** انستقرام https://www.instagram.com/remomo2020 ***💎*** قناه اليوتيوب https://www.youtube.com/channel/UCFWh...…