راعَ ذا الكونَ الخبرْ إنّها إحدى الكُبَرْ
في طواميرِ الطُغاةْ قيّدوا سِرّ الحياةْ
حيثُ موسى في خَطرْ انها إحدى الكُبَرْ
---------------
ليس بين الله والخلقِ قرابَهْ افعلوا ما شأتمُ اوحى كتابَهْ
إن يُطع خيراً ينل عبدٌ ثوابهْ في كتابٍ في غدٍ يلقى حسابَه
اوعصى فالنارُ يصلاها عقابَهْ وعدُ ربي من يطق فيها عذابَهْ
امرُ طه عن الهْ في كتابٍ مستطرْ
قد ابى كلُّ عنيدْ كَيزيدٍ او رشيدْ
جاء ما لا يُغتفرْ إنّها إحدى الكُبَرْ
---------------------
ذاك داعي الموتِ قد حلّ بطيبهْ ما عسى موسى لفرعونَ مجيبهْ
ساورت فرعونَ في بغدادَ ريبهْ كيف لا والمُلك اعوادٌ سليبهْ
من بني طه وما كانت غريبهْ ان ينال الجورُ من موسى نصيبهْ
ذاكَ عرشٌ ظالمٌ وهو سيفٌ قد نَحَرْ
قبلَهُ نحرَ الحسينْ تلك في الذكر المبينْ
سوف لا تخفى الصوَرْ إنّها إحدى الكُبَرْ
-----------------
إنَّ هذا الملكُ قد قالوا عقيما فعلى حدِ الضبا بغياً أُقيما
صار دينُ الله في وادٍ مقيماً وهو في وادٍ وندعوه جحيما
ولذا هارون ما كان حكيما او رشيداً حينما رامَ العظيما
أن ينل من سيدٍ تاجِ فخرٍ لمُضَر
وامامُ الاتقياء قبلةٌ للاولياء
غيّبوهُ في الحفر إنّها إحدى الكُبَرْ
------------------
جاء بالكاظمِ هارونُ العنيد بقيودٍ سبّحت ربّا مجيدْ
تاركِ الاحبابَ في همٍّ شديد لهفي قد أنَّ له القيدُ الحديدْ
انه في الايةِ القصرُ المشيد انه بئرُ معطّلُ مثلُ آياتِ الحميدْ
عطّلوا البئر المَعَين عطّشوا كلَّ البشرْ
حَرَموا كلَّ الانام من فيوضاتِ الامامْ
يجري بالعلمِ نهرْ إنّها إحدى الكُبَرْ
------------------
يا لِهولِ البعدِ عن كلِّ حبيبْ كيفَ والقلبُ لِأوّاهِ مُنيبْ
صَبَّر اللهُ فؤادَكَ ياغريبْ انّه الهمُ وللصخرِ يُذيبْ
يالذي الشوقِ اذا حانَ المغيبْ للعيالِ الاهلِ ماغيرُ النَحِيبْ
دمْعُهُ لا ينقَضي لَهُ في الخَدِّ الاثرْ
والسَلاسِلُ والقُيودْ أوّبَتْ حالَ السِجُودْ
إنْ دعا اللهَ شكرْ إنّها إحدى الكُبَرْ
--------------------
سابعُ الآلِ لهُ تجري العُيونْ فإمامُ الخلقِ اخفته السجونْ
ومضت عَجفاءَ بالهّمِ السِنُونْ أهلهُ عنه غدوا لايعلمونْ
اهوَ حيٌّ ام تلقّتهُ المَنونْ وبهِ ماكانَ او سوفَ يكونْ
ياعليُّ بنَ سويدْ هل رأيتَ المُنتظرْ
قال بُشرى فالفرجْ قادمٌ يُحي المُهجْ
وعلى الجِسْرِ انتَظَرْ إنّها إحدى الكُبَرْ
-----------------
فاذا الفرحة تُهمي الادمُعَا من موالٍ لسجينٍ شايعَا
قرُبَ البدرُ لهُ أن يَطلُعَا بعد حزنٍ قد حناها الاضلُعَا
موعدُ الشيعةِ ان تجتمعا عند جسرِ الكرخِ صُبحاً اجمعَا
فاذا بدرُ الدجى وهو محمولٌ حضر
فغدا الدمعُ دَما قتلوهُ الكاظِما
سَمّهُ مَنْ قد كَفَرْ إنّها إحدى الكُبَرْ
-------------------
قاسم آل واعي الرميثي 20 رجب 1446

من ذا يواسي قرينَ الغيابْ فابوه بالسُمِّ مُصاب
بغدرةِ النُصّاب
يراه قتيل أباه قتيل
--------------------
اول قتيل ايشاهده وحاضر جان صاحب الثار بعينه
منابائه واجداده الكَضاهم طغيان بجور الزمن واسنينه
والده ايشوفه سمموه العدوان ربه الجليل ايعينه
بس بدليله المسعره للعطشان وكلهم دره متانينه
يرى اباه بنفسٍ يجود وفيه ذكرى للجدود
لثأرهم موعود
بكاه قتيل أباه قتيل
-----------------
الله يعينه وكَلبه يحمل آهات ولا اخو ولا عم عنده
مامش عمام ولا اهل هاللحظات شدّته اصعب شده
وللحسن بيده الماي نكَط كَطرات اويّاه جدد عهده
بهالحال يذكرهم اسير الكربات بغربته من ضل وحده
يا جدُّ فتَّ ظماكَ الفؤادْ لذا سأبقى في حدادْ
لساعةِ الميعادْ
نعاه قتيل أباه قتيل
-----------------
فاضت لباري الكون روح المعصوم ماتم شبابه وعمره
ابن الرضا بن الهادي يرحل مسموم موّدع المهدي بنظره
بيها الحزن ويّه الامل ضل مكتوم يدري الوعد ينتظره
من يأذن بيوم الخلاص القيّوم لثار الذبيح يظهره
وثأرِ ضلعٍ ببابٍ كسير وراسِ مولانا الأمير
لثأرهِ التكبير
بآه قتيل أباه قتيل
----------------
بالعسكري ومصابه شاف الالام وكل المصايب مرّن
بعيونه علعتره علطول الايام بكَلبه الجروح التمّن
بكثرتهن يحير الفكر والافهام علعتره ما ينعدّن
خذلت الآل الامّه لجل الحُكَام واللسن كلهن خرسن
ظلماً تراهُ لآلِ الرسول في كل عصرٍ والخذول
كقاتلِ المرسول
تراه قتيل اباه قتيل
--------------
ضجت الناس بيوم اسود منحوس وناعي الحسن ضل ينعه
راح الامام وشيعته اتدك علروس فزعت الداره بفزعه
مفجوعه مرعوبه بمخاوف بنفوس تخاف الطريق اتضيعه
ماتعرف البعده الوصي من القدوس وغايب بهيّ الطلعه
كان اختبارٌ عليها شديد تبقى بلا هادٍ رشيد
اوغائبٍ وطريد
تخشاه قتيل أباه قتيل
-------------
قاسم آل واعي الرميثي
8ربيع2 1446

لمقام مولاي الامام الحسن العسكري عليه السلام
الابوذيه
علسور الكَلب طيف الحزن عس كر
وهجم جن جيش من اهموم عسكر
لفكَد ايمام مات بطرف عسكر
بغدر الي بجبينه الكفر سمّه
هذاك المعتمد شيطان سمّه
اوحاله الحقد عالحسن سمّه
سَمّ العسكري وبسقر عسكر
القصيده****
غاب الكرى عن ناظري = دمعي جرى للعسكري
فالارض تبكي والسماءْ - لبن الهداة الاولياءْ
غاب الكرى دمعي جرى = للعسكري للعسكري

بهاليوم الحزن ينعاد واحزان الكلب كثره
جم هم والم جم بيه لوعه وآه جم حسره
لحزن المصطفى المختار للكرّار للزهره
لألمهم والذي شافوه من امصايب العتره
مافارقَ الحزنُ الفؤادْ =بل فارقَ العينَ الرقادْ
ابكي وهذا مذهبي - في كل يومٍ للنبيْ
قطعاً درى دمعي جرى = للعسكري للعسكري

من سن الغدر قانون طاغي اتسمه امير الشام
جنود من العسل تحميه لاسيف ورمح واسهام
ولن هذا النهج شو صار سلاح بيمنة الحكام
لجل تحمي كراسي الجور كَضت عل العتره هالظلام
هذا سلاح ُ الغادرينْ = قتلٌ سيخفى لايَبينْ
إن يَخفى عن عين ِالانامْ - فهناك عينٌ لاتنامْ
ربٌ يرى دمعي جرى = للعسكري للعسكري

بغدر حاقد غشوم بسم منية اشرف الامه
وابن اشرف بشر بالكون رسول الخير والرحمه
الحسن ماكمل اتلاثين وسرى السم بنبض دمه
عجيب الحقد من هالناس ظلام يورث الظلمه
الرجسُ لا يرضى الطهور - لا تقبلُ الظلماتُ نور
السمُ سيفٌ ماضيا = زحْفَ الظلامِ على الضيا
ليلٌ سرى دمعي جرى = للعسكري للعسكري

شظن المعتمد ينجيه دينه ودين اسلافه
الابد ما امنوا بالله بس بكرسي الخلافه
باجر من يصير احساب يشوف المابشر شافه
ويعاين كل جرم سواه والسم الذي دافه
جاءَ الامامَ بسُمهِ حرمَ الورى من علمه
فيهِ الاناسيْ رزقُها - والشمسُ فيه شروقُها
بين الورى دمعي جرى = للعسكري للعسكري

يويلي على الحسن مسموم ويجود بروحه للباري
بأشد منظر يودع الحين بالام ودمع جاري
يدير بعينه للموعود وجنه ايكَله اخذ ثاري
وجن السان حاله يكول نارك اشد لو ناري
نارين في قلبِ الولي - بهِما الاحبةُ تصطلي
نار الفراقِ تزيدهُ = الماً وتلك تبيدهُ
أنْ تسعَرا دمعي جرى = للعسكري للعسكري

رحل عن عالم الاجساد عمود الدين والتقوه
ابو محمد صبح مفكود حليف الغيره والنخوه
وبدفنه اندفن وياه علم وجود ومروه
ينوح المنتظر ينعاه بوجن بالمدمع تروه
فلكَ العزا ياسيدي - اسمع عزايَ ومقصدي
لو عنكمُ الخلقُ انزوى = فلكم ودادي والهوى
وبلا مِرا دمعي جرى = للعسكري للعسكري

مثل عوده النقي مظلوم ومثل اجداده مظلومين
قتل العسكري باحقاد ناس الماتعرف الدين
بس الخفف مصابه حظه بتغسيل وبتكفين
وعنده الي غمضله العين مو مثل الغريب حسين
اهٍ لجدكَ في الطفوف - نهباً مضى لظبا السيوف
الرأسُ مقطوعٌ خضيبْ - والجسمُ مسلوبٌ تريبْ
فوقَ الثرى دمعي جرى = للعسكري للعسكري

الاعجب من بعد ميتين عام والف عدوانه
التدافع عن بني العباس وتمدح كَوم فسدانه
بأسم المعتمد عادت من احفاد غلمانه
الماعرفو اصلهم وين أجوا فجرو بنيانه
ذا الحقدُ ما المقصودُ فيهْ - قبرَ الزكيِ او ابيهْ
القصد يبدو للرسول = مذ احرقوا بيت البتولْ
فصمُوا العُرى دمعي جرى = للعسكري للعسكري

قاسم آل واعي الرميثي

استشهاد الامام الرضا عليه الصلاة والسلام
انت ضامن انت ضامن لليواليك الشفاعتكم يعاين
انت ضامن
--------------1
سيدي بمصيبتك ومحنه نعرف محنتك
من الطغاة الآذتك ننصب عزائك
ديدن ارباب الظلم تغدر لاجل الحكم
عايش وياهه بسكَم تنكر ولائك

وانته ثامن لثنعش وصّه النبي بيهم فرض
تشهد بهذا الامر اهل السمه واهل الارض
خالفت هالامه امر الباري ما فاد الوعظ
قتّلتكم والتبعكم لسّه ما اظنها تفض

هالجرائم هالجرائم عليكم علتباعكم چـــــــــــيه ماتداهن
انت ضامن
----------------2
مصابك ولمن يمر بالمحب يلهب جمر
يالرضا يبن الطهر منفي وبعيد
عن ديارك والاهل غصب يا مِبعد رحل
تهنّه لو هوه نزل قصرن مشيد

ترتحل عن التحبهم طَيبه روحك والبقيع
لهالظلم ناظر الاهك يسمع الشكوه السميع
وبحكم فرعون عابد لامر شيطانه ومطيع
ظالمك والنيّه عنده ما خفت يبن الشفيع

ناوي غدرك ناوي غدرك وانته ماشي وكًلبك ابممشاك آمن
انت ضامن
------------------3
يالرضا وهمّك كُبر وزاد بالروح القهر
تشوف لاشرار البشر حكم الرعيّه
بسم دين المصطفه والعدل نوره طفه
وجاهله بلا معرفه هالناصبيّه

والعلم انته مثاله والعدل بيدك اكيد
لسانك القرآن ناطق والوعد بي والوعيد
وانت سلطان الزمان وانت سيدها الرشيد
وساكته الامّه وتعاين رضت بالذلّه العبيد

وبرضاهه وبرضاهه يصيبها الذل بالنفاق البيها كامن
انته ضامن
-----------------4
لحكمتك محد عرف من الله وبايدك طرف
عجز كل واصف وصف معدن الحكمه
يبو محمد والملك بين اديك وما نشك
وهذا مأمون الشرك معدن الظُلمه

لو تريد تهلكه بامرك ما يضل لحظه عدل
ولا ابد جنّه ملكها الدنيه بامرك يرتحل
انت اسم الباري الاعظم طاعتك فرض واصل
لاجن الدنيا اختبار الناس المن تمتثل

هيّه طاعه هيّه طاعه ولامين الله لو طاعه لخائن
انت ضامن
----------------5
سيدي يبن النبي والهمام الغالبي
بهالقصيده مطلبي ومطلب خدمكم
بيوم الرحيل الصعب بدمع لمصابك يصب
عهد نبقه بالهدرب نتبع عَلمكم

احنه والناس التواليك وعهدها للحشر
يلرضا بنهجك تسير شما يمد بيها العمر
منك المطلب نطلبه وما تردنه بهالامر
تدعو للرحمن النه بكل مسيّه بكل فجر

علولايه علولايه نثبت وانته املنه البي نراهن
انت ضامن
---------------
بيوم ذكراك الدمع يهل لا ماينكَطع
وطه كَلبه منفجع والناعي حيدر
والبتول الطاهره والضلوع مكسّره
تنتحب متحسّره بمدمع تحدّر

وللجواد الصابر انعزي بمصابك و بألم
يوم فكَدك يبو محمد للعزه نرفع علم
والمجالس بالحزن ننصبها يا راعي الشيم
ونختم بذكر المصابه عليك اشد وعليك اهم
بالتخذّم بالتخذّم ظامي بارض الطف غريب وماله دافن
انت ضامن
------------------
قاسم آل واعي الرميثي
صفر 1446

نواسي العتره دوم بيوم فكَدك ياعُظم المصيبه
مصابك اول امصاب لاطول حزن فك باب
ياعُظم المصيبه
-----------------------1
يبو الزهره امصاب فكَدك اعظم مصاب ورزيه
طعنة هاي بغدر غادر طعنتك يابو الزجيه
وطعنت الدين وعترتك من سبب اقدس وصيّه
يوم الدعيت وثبّتت عن امر ربك بلّغت
امر الولاية ولو رحت حيدر يقود الرعيّه
واهل الغدر تحكم طامعه تريد
غدرت بيك بالسِّم مدّت الايد
ياعُظم المصيبه
هذا اول الاسباب
لاطول حزن فك باب
ياعُظم المصيبه
----------------------2
رحمة الباري انته نشهد يارسول الله يطاهه
وكلها ذيج الامّه تعرف هالحقيقه ومحتواهه
بيك أنقذهم المولى من السعير ومن لظاهه
وشبعت الناس بسفْرتك تشكر الواجب نعمتك
بس ابطمعها آذتك وغرها شيطان وغواهه
فجعت عترتك فجعت مواليك
المتخاف الاله وما تراعيك
ياعُظم المصيبه
انقلاب وعله الاعقاب
لاطول حزن فك باب
ياعُظم المصيبه
---------------------3
أتآمرت جم مره تدري وما خفه التاريخ ناقل
وشكثر آذتك نقره وشكثر خلقت مشاكل
تبعتك لاجل المطامع تعارضك دوم وتجادل
تاريخها الاسود ذكر بنصرتك ما الها اثر
وبذمها آيات وسور ما خُفَت لعيون عاقل
همّه الفتنه مثل العِجل للناس
بسبهم ملك اميّه وبني العبّاس
ياعُظم المصيبه
عدها اجواب بحساب
لاطول حزن فك باب
ياعُظم المصيبه
-------------------4
سمّتك تالي بحقدها وخذت سلطانك بغدره
التمّت وياها بجرمها الحاسده الكارهه العتره
وشعلت الباب اعله دارك وروّعت بتّك الزهره
وهالباب جر اعظم فتن عل الآل بانواع المحن
قتل الوصي وسم الحسن وفاجعه كربله الكبره
ذيج الما ابد تنساهه الايام
ذبح احسين وعيال بسبي الشام
ياعُظم المصيبه
وبينه الجمر لهّاب
لاطول حزن فك باب
ياعُظم المصيبه
------------------5
شحالها ام الحسن تنظر ليك وبساعة رحيلك
ويادمع يطفي جمرها البيها ومجوّي دليلك
وتبدي هاليوم الاحزان وتبقه منهن تشتكيلك
ضلّتها عكَبك جم شهر
ابيت الحزن تبجي بقهر
ما انصف وياها الدهر
ولا الكَوم انصفو بعدك وياها بس شافت أذيه
---------------
قاسم آل واعي الرميثي
26صفر 1446

ربك يشرح لك صدرك / قاسم آل واعي الرميثي

كَلبي نار ..من المصايب ..كَلبي نار
علّيصار ...بهالنوايب ...علّيصار
علخوتي الراحوا بعد ماضل صبر
يجري دمعي ولاطفه بكَلبي الجمر

خويه اجيتك من بعد غدر الزمان
انه زينب ضاع من عيني الامان
يامجان العفته رحت اليامجان
بهالنوايب وسفه وكتي بيه خان
بالحبال...جرني دهري ...بالحبال
لو جبال .. ايهدها صبري ...لو جبال
ياجبل يحمل همومي وشكثر
يجري دمعي ولا طفه بكَلبي الجمر

آنه زينب يالعفتكم علتراب
عيوني عنكم تنشد ومامش جواب
رحتو للجنه وتركتوني بعذاب
انصبتو وبدلالي عفتولي المصاب
بلاكفيل..الكَيد بيدي ...بلاكفيل
والدليل...منهو يحدي ....والدليل
يحدي بضعوني ويجر حبلي زجر
يجري دمعي ولاطفه بكلبي الجمر

من اليسر هالحين اجيتك يالغريب
وجمرتك تجوي بدليلي يالحبيب
ياطبيبي وما الي غيرك طبيب
وينه كَبرك بلجي احضننه واطيب
خذني ليك...داوي علتي ....خذني ليك
يل عليك ...دم دمعتي... يل عليك
عيوني تنزف مهجه تلهب تستعُر
يجري دمعي ولاطفه بكَلبي الجمر

مابقت روح بيسر وانتو برماح
غافيه الروس وتفز اعله الصياح
العثرة الهزّل طفل لو منها طاح
يشب ألم بيه الألمكم بالجراح
هاذي روس....علعوالي .....هاذي روس
لو شموس ... ها يغالي ....لو شموس
ضوّت الظلمه بدرب ليل اليسر
يجري دمعي ولاطفه بكَلبي الجمر

كل سهم صوبكم بكَلبي ثبت
وجّر النار المسعره الماطفت
نار المثلث يبو اليمه السرت
ومايطفيها دمع عيني العمت
هالسهام ...الصوبتكم ...هالسهام
منها دام ...حزني بيكم ...منها دام
ومايفض حزني لحد يوم الحشر
يجري دمعي ولاطفه بكَلبي الجمر

اي يغالي وعكَبك وعكَب الكَمر
ناري ماتطفه وتضل عيني نهر
تهون آلام السبي باصعب سفر
بس عليكم دمعي ماينشف دهر
ياذبيح ...وانت ضامي ...ياذبيح
ابقه اصيح...وجفني دامي ...ابقه اصيح
وانحب الكسر الي ماصحله جبر
يجري دمعي ولا طفه بكَلبي الجمر
قاسم آل واعي الرميثي