Noqonuniy qum-shag‘al qaziganga chora o‘rildi

Namangan viloyati Ekologiya boshqarmasi tezkor guruhi tomonidan Norin tumani hududida ekologik huquqbuzarliklarni aniqlash yuzasidan reyd tadbiri tashkil etildi.

Tumanning «Qorateri» mahallasi hududidan oqib o‘tgan Qoradaryo qirg‘oq mintaqasida o‘tkazilgan reydda fuqaro M.A. tomonidan o‘zining boshqaruvidagi ekskavator yordamida qum-shag‘al aralashmasini qazib, yuk mashinalariga yuklayotgani aniqlandi.

Holat bo‘yicha M.Aga nisbatan MJtKning 70-1-moddasi 1-qismi bilan bazaviy hisoblashning 30 barobari miqdorida, 11 250 0000 so‘m jarima tayinladi.

Namangan viloyati Ekologiya boshqarmasi matbuot xizmati
Bizni kuzatib boring 📱 Telegram // 📱 @econam_bot

Konstitutsiya – davlatimiz mustaqilligining yorqin ramzi, ko‘p millatli xalqimiz xohish-irodasining qonuniy ifodasidir, uning hayotimizdagi o‘rni va ahamiyatini keng targ‘ib etish, aholi, ayniqsa, yoshlar ongu shuurida Vatanga sadoqat, qonunlarimizga hurmat tuyg‘usini mustahkamlash asosiy vazifalarimizdan biridir.

Shu maqsadda Namangan viloyati Ekologiya boshqarmasi tomonidan 8 dekabr — O‘zbekiston Respublikasi Konstitutsiyasi qabul qilinganligi munosabati bilan o‘quvchi yoshlar o‘rtasida “Tabiatni asraylik” shiori ostida tadbir tashkil etildi.

Tadbirda yoshlar o‘zlarining tabiatni asrashga bo‘lgan qiziqishlarini rasmlar orqali ifodalab berishdi. Shundan so‘ng ularga tabiatni asrashda nimalarga eʼtibor berish kerakligi, haqida tushunchalar berilib, bu borada Konstitutsiyamizda ham har fuqaroning ekologik huquqlarini taʼminlash va atrof-muhitga zararli taʼsir ko‘rsatilishiga yo‘l qo‘ymasligi belgilab qo‘yilganligi tushuntirildi.

Tadbir so‘ngida har bir o‘quvchiga Ekologiya vazirligi tomonidan chop etilgan bolalar uchun mo‘ljallangan Qizil kitob sovg‘a qilib berildi.

Namangan viloyati Ekologiya boshqarmasi matbuot xizmati
Bizni kuzatib boring  📱 Telegram //  📱 @econam_bot