ليت قلبي يشبه لـ قلب ابو نوم ٍ ثقيل
‏اللي لو يشب فـ اطراف ثوبه ما صحى

‏بس انا من كثر ماني شقي نومي قليل
‏و الهموم تدور في خاطري دور الرحى

‏صرت لـ الاحزان ملجى ولـ الضيقه عميل
‏ واتظاهر بـ السعاده وانا حالي محى

" كلٍ على همّه سرى إلا أنا "
- ‏أنا الوحيد إللي سرى همّه عليه .

‏والله إن صدري معافى وخفاقي نظيف
‏لو أشوف الحزن في عين حسّادي زعلت

‏أقبل بوجهٍ يشرف ومنطوقٍ عفيف
‏ولا لقيت اللي ينقص من حضوري رحلت

‏أتعدا عن عيوب البشر كني كفيف
‏ولا تبيّن شي للعين جنبت وغفلت .

احتاج صدرٍ وسيع .. يسايس العالم
"‏واحتاج لي صبر أطول من شهر عشرة" .

رجعت من الغياب المُرّ لكن ما رجعت إياي
يا ليت اللي يرد الغايبين يردني يمّي

و

‏أكثر الطرق المشقة هي التي يقطعها المرء عائدًا لإيجاد نفسه

ليلةٍ مرّت علي كنها عشرين ليل
‏يعلم الله ماتهنيت لذة نومها

‏اللي خلق في مشاعرنا من البعد خوف
‏خلق لنا نعمة النسيان في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوة وطال الوقوف
‏هي نفسها الليلة اللي شرها خيرها

‏جيت ومعي قلب يحب ويحن ويروف
‏ورحت ومعي قلبٍ أقسى من معاذيرها .

اللهم صل وسلم على سيدنا ونبينا محمد ?