من حزن ذيج الغريبه انه اعتنيت
گاصد الارض الغريب بهمي اجيت
وبگرب باب الجواد ادعي واگول
سيدي ارزقني بدمع عيني حچيت

يابو الرضا وطبع اليحب-يذكر حبيبه
ويتذكر اجروح الهضم-هضم الغريبه
جفنك حدر باب السجن-بين مشيبه

بشكو ضلمه -عشت بيها-اهون كلش هواي
من تسمع-خيم زينب-صامت للضمه بماي
چم سجده -بتفاسيرك-تشرح للسجن جاي

صبرا يا ابا الرضا—صبرا يا ابا الرضا
——————1
بهروله عاشگ اجيت وگلبي نار
يحسب الخطوات الك روح وقرار
المامشالك ماعرف طعم الامان
واليحـــبك مايعــــــرف الانتظار

ليش ((بغرب))آل النبي-گضو عمرهم
مامش رحم بيها الخلگ-وتحيي امرهم
بذاك الوكت چان الضلم-لهسه بعدهم

حرز الله -بگاعه انتم-كل واحد كتر صار
شي ضامي-وشي دامي-وشي تتلاهبه النار
ليش اله—اهل الله -أبنص الغربه تحتار

صبرا يا ابا الرضا——صبرا يا ابا الرضا
——————2
شنهي شمس الله يحبسوها بضلام
شنهي قيد الچتف ايدين الامام
بينك وبين العقيله شكد جروح
انت حرت بقيدك وهيه بخـــيام

والمعتني ايزور الطهر-نعتبره طاهر
الناصبله خيمه بالدرب-يبنيها باچر
والعنده عله يطمأن-لا يبقى حاير

چم عله -يم بابه-تگضي بشرط الادموع
لو تشعل -دمع روحك-مثل ماتشعل اشموع
والرايد -يعيش الحب -خل ايدگ عالاضلوع

صبرا يا ابا الرضا —صبرا يا ابا الرضا
——————3
بيدي رايه رفرفت وبگلبي شوگ
يچوي بيه من اذكر الحره اعله نوگ
امشي دربي وذكريات الطف جروح
الحرمه بس اديارها اعليها يلــــوگ

كل ماشفت طفله تجي -ابالي رقيه
واركض عليها بكل حضن-وافتحها اديه
وارجع وافز لني بوهم —واخيال اليه

واتحسر -وادموعي -تجري بحرگه عالخد
واتلفت —بكتاري—مامش منهم احــــد
يم بابك—اريد اوصل—واسولفلك حچي أشگد

صبرا يا ابا الرضا —-صبرا يا ابا الرضا
—————4
تگضي ليليتك ذكر واجروح اكيد
وتعب چفك من كثر شيل الحديد
اچفوفي امدنها الك حب وعطاء
ياكريم وما أظن اتردلي ايــــــــد

امشي الك وانه انتظر-تقبل دمعتي
وبالمجلس اگضيه العمر-جرحي وحسرتي
لوما الي گلبك يحن —ضعت بغربتي

شمقدم -لعيونك-وتعلمني عالنوح
كل ليله-من عندك-تلچم بيدك الروح
تاخذني-وانذرلك -من گلبي هوى اجروح
————-5

احمد عباس العبودي
لحن القصيدة 👇👇

اللهم عجّل لوليك الفرج

يا مولاي ياموسى ابن جعفر
ياحجه الله على خلقه
ياسيدنا ومولانا انا توجهنا واستشفعنا
وتوسلنا بك الى الله وقدمناك بين يدي حاجتنا
ياشفيعا عند الله اشفع لنا عند الله

المصيبه العظمى
شهاده مولاتي زينب صلوات الله عليها ١٥ رجب
————————————— هنانه ماتت زينب بهل ساعه
حسين موتها وكتلها اوداعه
وصلت ابن امها وتسأله بأوجاعه
وبس نحر جاوبها اخوها العطشان

يبن امي گوم الگوم وصلت غاره
والخيم والبيها غدت محتاره
انهض يخويه وللحرم حط چاره
ماضل ولي عدها حراير عدنان

ماصايره اطلع بس وداعك يسوه
وعالمذبح بلا راي اجيتك گوه
جابتني للمصرع تراها الخوه
شيلزمه گلبي وانت وحدك حيران

يابعد اخيتك والعطش شد حاله
وفوگ العطش ذاك اجت خياله
زينبك تمشي وي العدو واحباله
واتعوفك بلا دفن فوگ التربان

ماضلي خاطر خويه ارد مكسوره
وراح من اودعك خويه انه مجبوره
انرسمت بعيني بفرگتك جم صوره
صوره موداع بس وداعك ماهان

ياماي عيني والك فدوه اعيوني
مشي الهزل بالغرب غير لوني
للشام وي ارذل بشـــر مشوني
ومو اختك الرافگت ذيج العدوان

جرح الحبل هان اعله روحي وشفته
بس مشي بغير اخواني ماعايشته
اسمع بطاري الهضم ومرني وضگته
وشلون من امشي بلا فيّ اخوان

واحد يصيح زينب شمحتاجه
هم الج يمنه اي طلب لو حاجه
هنانه تذكرت الضعن والساجه
من جيت وي عباس ياضعني شچان

مروني من يم النهر عطشانه
وخلوني ماودعه واضل حيرانه
وياگلب عنده الشاف ذبح اخوانه
وياحرمه لبن امها غدتله الدفان

انه ارحلت عنهم غصب عالناگه
وراح اضل لخواني وهلي مشتاگه
الموتني اخوي حسين ذاك افراگه
واخر نفس اتنطر وموتي الحان

اللهم عجل لوليك الفرج

مو مره مات حيدر-مو مره مات
بهاي الحياة اكثر-مو مره مات
مات من سمو حبيبه وفارگ عيون الرسول
وثاني موته بحرگ داره وكسرو اضلوع البتول
ومن وره فاطمته حيدر شيب وصابه الذبول

ورحل والهم مالي صدره
ومشه وعينه بيها عبره
اخر انفاسه وحچاها
سولف بخياله عشره

صاح كل ولده واجو يمه عياله
حسين يبچي ودمتعه تشرحله حاله
واخذ من عباس عهد اعله الكفاله

وصد على ابنه الحسن
راحل بهيئه وطن
———-١ياعلي يابو الحسن -ياعلي يابو الحسن
وي الاذان-موته -وي الاذان
يامحله چان-صوته-وي الاذان
وي فجر ذيچ المسيه هامه مطبوره ودموم
وصرخه هزت كل خليقه وصابت الدنيا بشؤوم
اركان دين الله وي حيدر طاحت وماضن تگوم

وسال دمه وترس گاعه
وفك ابو محمد ذراعه
خله حيدر وسط حضنه
ومن صوابه حس وداعه

شحب وجهه المرتضى وبين صفاره
ونفس لون اعمامته وضايع سماره
السيف والسم خلن بدمه ايتجاره

وجابو ايتامه اللبن
راحل بهيئه وطن
———-٢ياعلي يابو الحسن ياعلي يابو الحسن
كل حيله راح-من رد-كل حيله راح
ذاك الصباح-اسود-كل حيله راح
رد يخط جدمه وبنينه تچوه خاطر مايطيح
وذاك داحي الباب گوه يمشي وبدمه جريح
ومن بعيد ولن صوت لزينب وهي تصيح

هذا ياهو اليمشي گوه
حسين خويه گلي فدوه
ومن وصل والدها يمهه
تبده حيل ام عون توه

ضل ثلث تيام ماهنه ثلاثه
وهاي عادتنه وورثناها وراثه
اليبقه وحده بغربته يريد استغاثه

اعيونه لحسين وبچن
راحل بهيئه وطن
————٣ياعلي يابو الحسن ياعلي يابو الحسن
اخر كلام-گاله-اخر كلام
يم الخيام-باله-اخر كلام
بويه زينب جيبي ايدج هذا ابو فاضل كفيل
وهذا اخوچ حسين باچر عالترب دمه يسيل
وماتضل لا خيمه لا في وياج يرجع بس عليل

حيره باجر بنتي حيره
عالترب توگع عشيره
واسمچ يغيرونه باجر
من الاميره للاسيره

ضعنچ يرد باجر بلايا حمايه
ولا ترف فوگ الخدر يبنيتي رايه
باچر اطراف العبايه تشد عبايه

ورحل حيدر والضعن
راحل بهيئه وطن
———-٤ ياعلي يابو الحسن ياعلي يابو الحسن

خادم الزهراء ع
احمد عباس العبودي

ياعلي ياعلي ياعلي