مباركين بولادة مولانا شمس الكونين اباعبد الله الحسين عليه السلام
___
هل و هلاله جاب الفرح.. شعبان
بي نور الحبيب حسين... شع بان
هاذه الكون كله اليوم.. شع (بانوار ابن حامي الحميه)
هل وبهليله مطرت افراح
ومن فاطمه عطر النبي فاح
بحسين المدينه تنور اليوم
ومنشور الورد جوري وقداح
................................................
بزغ نور القمر بحسين... ويهيل
انتشر بصياره عطر الورد ... ويهيل
وعد حيدر تولد صار... ويه يلصف مثل نور الزجيه
.............................................................

خادم الزهراء عليها السلام
حسين فائز السعد

محد دگ بابه ومنطاه مراده

باب المراد وسيد هلساده

عنده الكرم ابن الزهره عاده

دگ بابه مره وجرب اطلب حاجتك

احسبهه خلصت بس تكمل حجايتك

باب الحوائج هوه ليحل شدتك

لجبيره يمه زغيره

لالا تضل بحيره... طال الأمر لويكبر

قادر على تغيّره... ياباب المراد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مثل الحسن لاماسده بيته

حاشه يردك لومره اجيته

مرادك يسبگك لو اعتنيته

گاضي الشدايد ولمحن يمه انگظن

ولزار گبره وگاعد بسد الصحن

آمن يحس بچفوف مولاي انحضن

آمن يضل خطاره

بصحنه يلم زواره... لامره سد مضيفه

مثل لحسن اخباره... ياباب المراد
_ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
توكل على ابن الزهره وحميته

لو انتٓ عنده زاير اجيته

اسأل مرادك وانت بثنيته

قُل ياوجيهاً عندَ رب العالمين

أنْي توجهتُ بكَ يبن الحُسين

أنْي بكَ اتوسل وبك استعين

حاشه يردك خايب

يقدملك انت شطالب... وينطيك المامحتاجه

هاذه الأمام الراهب... ياباب المراد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حفنة زلم حاتم من طعمهه

تريس على هلدنيه بكرمهه

لو هسه حاظر جا روحه طمهه

چا هسه حاتم حاير ابابه ويشوف؟

الكاظم يعزب ويكرم بلألوف

موباب فاتح عشره تدخله الضيوف

هذه كرمهم عاده

هذه طبعها الساده...وليگقصد ابن الصادق

گباله يشوف مراده... ياباب المراد

خادم الزهراء ؏
✍️الشاعر: حسين فائز السعد

شگول عليك ياباب الرزيه

سلبت الروح مني بهل المسيه

كسرت الظهر من كسر الزجيه

( امان تصير ردتك موش عدوان)

بفعلتك هاي حجيت الشماته

خانه الجان متغطي ابعباته

ويضيگ البيت بيه بكل جهاته

(فعلك خله بيه شلون نيشان)

اخذت الروح وي ضلع الحزينه

ضاكت بيه حيطان المدينه

وكلبي يصيح بنضه ونينه

(عيشي صار وي الموت سيان)

كونك شاكف الدفعات ياباب

لو عنهه تبعد نار المصاب

لو مسمارك المنه الضلع ذاب

(المنه حيدره ناحل وذبلان)

شكول عليك يامنبع ألمهه

يامن فاطمه بفعله لچمهه

يامن وافق ان َيبيح دمهه

(هسه دمهه ضل تارس الحيطان)

يباب مصابي يلماعنده غيره

شحصل من لاذت بسدك اميره

طلعت داميه العين وكسيره

(سلبت الروح مني والغدر بان)

عذالي خذو من عندي روحي

وتنضح بالدمه ضلت جروحي

ضل عالي فلاضن يطفه نوحي

(وبمصابي تشيب حته رضعان)

ياوسفه مشت مني الزجيه

وانه مگيد بذيچ الوصيه

چاراويتكم معنه المنيه

(وتضل بجسادكم تاكل الغربان)

حسين فائز السعد

غايب ياگمر والغيبه موطبعه

احسب بل جمع موعدنه بلجمعه

ملينه الصبر جا يمته هل رجعه

يمته يلغايب =گبر الزجيه =نزوره سويه =يمته يلغايب

بلدم نطالب =ثار الغريبة =بلحق نجيبه =يمته يلغايب

متى.... يبن هل اتى

يأتينا الندى... من عز وجل

متى... يبن الهدى

تأتي لنا... ويحين الأجل

البدار ياصاحب الثار
&&&&&&&&&&&&&&&&&&&&&&&&&&&&
يضل حار الدمع وي دم ضلع فاطم

وتصيح دمعتي الثار يلقائم

وتدلينه الگبر وتزوره الوادم

سورة الكوثر=نبني گبرهه=ونجبر كسرها =سورة الكوثر

يمته هل منظر =گبه ومناره =وصحن وزياره =يمته هل منظر =سورة الكوثر

فهل... يحين الاجل

ونبني الأمل... القبر الفاطمي

فهل... نحنُ نراك

نعيش بحماك... وافديك بدمي

البدار ياصاحب الثار
&&&&&&&&&&&&&&&&&&&&&&&&&&&&
ونتعنه الحسن ونبني صرح عالي

وباب الصرح نحط صورة الوالي

ومضيف اهل الكرم نبني يرد عالي

وترجع دلالة =تهلي بمضيفه =وتكرم بضيفه =ترجع دلالة

ومن تعناله =كلماً يگصده =حاشه يرده =ترجع دلالة

نرى... بدل الثره... قبه عامره... هو قبر الحسن

نرى... صرح الكرم... يعطي النعم.. متى ياراعي الزمن

البدار ياصاحب الثار
&&&&&&&&&&&&&&&&&&&&&&&&&&&&
بحيل الله وعلي لو بلسلامة ترد

وتحت گبة الحسن نجمع ونگعد

يبن حامي الحمه البيعتكم نجدد

ترتفع رايه =لا والي لاحق =الا علي الحق =ترتفع رايه

اذان الولايه = بمكه نرفعه العالم يسمعه =ترتفع رايه

ولي.. اشهد علي... انهُ الولي... والحق المبين

ولي... يبن الحسن... وصاحب الزمن... وامير المؤمنين

البدار ياصاحب الثار

رجع ضعن حسين من ذاك السفر

وشفت زينب تمشي محنية ظهر

..............................................................
شفت ضعن حسين رد بس الحرم

سألت زينب وينهم اهل الشيم

لا ابو اليمه اجه ولاراعي العلم

هلضعينه وينهم محد حظر............

......................................................................
جاوبت زينب ودمعته تسيل

البگه براسج راح من عدنه الكفيل

يعينج الله ادري بمصابج ثگيل

عله حسين اسألج مو عن الگمر......
...............................................................
يمه علغبره بقو كل البنين

گلت فدوه كلهم الدم الحنين

مو عليهم طمنيني عله الحُسين

جاوبي يايمه مو گلبي نفطر.........
....................................................................
لبو اليمه فدوه انه وضنوتي

غير ابن الزهره روحي وعزوتي

ريت اشم عطره اليطيب حسرتي

وگلت وين حسين بشريني بخبر......
.................................................................
عل وجه يايمه طاح من المهر

والخيل اجته تسحگ بذاك الصدر

مو فرس واحد ييمه لا عشر

عبر حافر خيلهم صوب الظهر........
...................................................................
وطرزو جسمه بألف طعنه وجرح

ركضو علحسين مقصدهم ذبح

ورفع راسه المايخاف الله برمح

ردت احچي لساني بل چلمه عثر......

القصيده:{ضعن الغيارى }

خادم الزهراء: الشاعر حسين فائز السعد

مولاي ابا الفضل (عليه السلام)

يخلاس العساچر ياعم الساده
يمن من حيدره طگاته وعناده
دخل شبل العرين وفرو القاده

طبهه ولاذت لربهه. الجيمه ولبيهه
صاحو العسكر ورادو. يعطف عليهه
ذلهم بيمنتهه لمهم وضل يبديهه

حيدر من حيدر طب سوه مجزره
طب بسيفه وخله الروس مطشره
غلاض الشارب صارو يم جفه مره
................................................................
يحي الله المراجل طب ابو الغيره
الحمزه لو علي خلاهم بحيره
دخل قرءآن ناطق صعب تفسيره

شافو خزرة عيونه وطبو بخوفه
گالو ياهو اليقابل سطرة جفوفه
ضهضب لو ركض واغضب بعد متشوفه

موت علمتونه وطب سبع المرجله
حالف بيده يقيم قيامه بكربله
راعب كل القاده وركضهه الفله
...................................................................
يصنديد الحرايب ياغضب حيدر
دخيلك يابو فاضل صاحو العسكر
دخلهم عاصفه وبس روس تطشر

فرو العسكر وشردو طبهم الحيدر
ركضو بلنهر ختلو ونص ركض للبر
سألو والشرد كلهم موت الاحمر

موت علينه ويفتر هيج انه شفت
شفته صار گبالي وبگبري حفرت
وهواس بيهم سوه الكل صيح متت
..............................................................

بوسط ذيچ المعاره رفت الرايه
صرخ انه ابو فاضل وأرجز بهايه
نزل اللثام من وجهه وحچه حچايه

گلهم انه ابن حيدر وأمي بدويه
فنه اليوصل خيامي ويوگف بفيه
ركضو نص شرد نص هد صوب المنيه

ركضو صوب الموت وبلصارم گصب
جفوف وخيل وروس مشمرهه الرگب
وليركض من خوفه للكوفه عگب

..................................................................
عله الشگره تريس باشطه بأيده
عله الفرسان يفتر والحرب عيده
واليجر النفس مايكدر يعيده

وينه اليگدر يقابل خزرة عيونه
الفارس واكف ويسمع طكت سنونه
يرهب چن علي واگف الكل يهابونه

الهيمه ضاگت بيهم چن ضيگ الگبر
عباس الواگف چا فنه الي مر
نص ماتو خوفه ونص كاتلهه الذعر

خادم الزهراء ( عليهه السلام )
✍الشاعر :حسين فائز السعد

گوم النه خويه حسين ...ماي عيوني

متوسد علتراب...ماي عيوني
ولحاته كلهه خضاب ...ماي عيوني
وبخيامك الطلاب ...ماي عيوني
(مسبيه اطب لشام انه يردوني )

يحسين جابو ماي...ماي عيوني
لخيامي گوم وياي...ماي عيوني
طاوعني بس بهاي...ماي عيوني
(اركض الم الاطفال ويضربوني)

عفت الضعن محروگ...ماي عيوني
والعده صارت طوگ...ماي عيوني
لسبي جابو نوگ...ماي عيوني
(وذباحك اهوه الراح يحدي ضعوني )

لشام خويه الشام ...ماي عيوني
لاعندي اخو لاعمام...ماي عيوني
بس انه والايتام ...ماي عيوني
(سجادك يضربو گبال عيوني )

ودعتك الله حسين...ماي عيوني
وتگيدن جفين ...ماي عيوني
چاوين ادير العين ...ماي عيوني
(ومگيده علجسادكم مروني )

ياخويه لأختك گوم...ماي عيوني
ضلت مره بنص گوم ...ماي عيوني
تقبلهه يلجيدوم...ماي عيوني
(مابيه اشگف سوط زركه متوني)

يابن علي الكرار...ماي عيوني
چتفو زغار كبار...ماي عيوني
والحادي الفجار ...ماي عيوني
(ومخدرتكم بلأسم صاحوني)

سألوني اهلچ وين...ماي عيوني
كفيلچ وأخوچ حسين...ماي عيوني
والحبل بالچفين... ماي عيوني
(يگلولي اخوتچ وين ويشتموني)

خواني كلهه حيود ...ماي عيوني
والدي معتبر طود ...ماي عيوني
وكفيلي راعي الجود ...ماي عيوني
(دار الزمان وعلهزل صعدوني)

معقوله اطب ديوان ...ماي عيوني
والضعن بس نسوان ...ماي عيوني
تبده خدرنه وبان ...ماي عيوني
(من سوگ اطب السوگ يطلعوني )

خادم الزهراء

الشاعر حسين فائز السعد