Ҳукумат қарзи андози ду корхонаи зертобеи Хадамоти алоқаро мебахшад
Ин дар ҳоле, ки сол аз сол даромади онҳо зиёд мешавад.

Ҳукумати Тоҷикистон дастур дод, ки бақияи қарзи андози ду ниҳоди зертобеи Хадамоти алоқаи кишвар - Ҷамъияти саҳомии кушодаи (ҶСК) “Тоҷиктелеком” ва Корхонаи воҳиди давлатӣ (КВД)-и “Маркази мутобиқати электромагнитӣ ва радиомониторинг” бахшида шавад.

Қарор дар ин бора рӯзи 20-уми июл содир шуда, нусахаи он дар портали иттилоотӣ-ҳуқуқии Вазорати адлияи кишвар нашр шудааст.

Сухан дар бораи бақияи қарзи андоз, ҷаримаҳо ва фоизҳо меравад, ки то 1 январи соли 2024 аз ҳисоби ин ду корхона ба вуҷуд омадаанд.

Ҳамин тавр, қариб 97,5 миллион сомонӣ ($9,2 миллион) бақияи қарзи андози оператори миллии “Тоҷиктелеком” бахшида мешаванд. Аз ин 56,8 миллион сомонӣ андоз ва 40,7 миллион сомонӣ фоизу ҷаримаҳо мебошад.

Ҳаҷми умумии бақия қарзи беэътиборшудаи КВД “Маркази мутобиқати электромагнитӣ ва радиомониторинг”-и Хадамоти алоқа тақрибан 37,5 миллион сомонӣ ($3,5 миллион)-ро ташкил медиҳад, ки аз ин 22,4 миллион сомонӣ андозҳо ва 15 миллион сомонӣ барои фоизу ҷаримаҳо мебошад.

Яъне, дар умум, ба буҷети кишвар қариб 135 млн сомонӣ (тахминан 12,7 млн доллар) кам ворид мешавад.

Манбаъ: аsiaрlustj.infо/tj

?ТИК TALK
©️Муаллиф: Абдулазизи Восеъ
?Муҳтаво: Як назарсанҷии сарироҳии мо нишон дод, ки бештари одамон дар бораи ҳуқуқҳои рақамӣ маълумоти кофӣ надоранд. Дар ин нашри подкасти "Гуфтумони муфид" аз ҳуқуқшиносон хостем, ин мафҳумро хеле содаву осон шарҳ бидиҳанд.
?Пайванди асл инҷост ?
___
?Бо #TajikPodCast бошед!

Ҳуқуқи рақамӣ чӣ аст? Посухи ин пурсишро аз подкасти "Гуфтумони муфид" бишнавед

Мақомоти корҳои дохилии Душанбе се нафарро бо иттиҳоми "расонидани хабарҳои бардурӯғ" боздошт кардааст
Ба иттилои манбаъ, кормандони милиса муайян кардаанд, ки "аз хориҷи кишвар як гуруҳи муташаккили ҷинояткорони интернетӣ, ба ин кор машғуланд ва се нафари онҳо дар Душанбе дастгир карда шуданд".

Ба иттилои мақомот, ин гуруҳ рақамҳои телефони мобилии шаҳрвандонро дастрас намуда, ба онҳо дар бораи ба садама ва дигар фоҷиа гирифтор шудани фарзандонашон хабарҳои бардурӯғ мерасонидаанд. Ҳамин тариқ, ба боварии шаҳрвандон даромада, аз онҳо гӯё барои табобати фарзандонашон мабағҳои калони пулӣ талаб кардаанд.

Ба гуфтаи манбаъ, онҳо маблағҳоро гирифта "тавассути ҳамёни электронӣ ба хориҷи кишвар интиқол додаанд".

Раёсати ВКД дар шаҳри Душанбе шаҳрвандонро огоҳ месозад, ки ба ҳар гуна зангҳои афроди ношинос ва хабарҳои бардурӯғи онҳо бовар накунанд. Агар бо чунин шакл мавриди фиреби ин гурӯҳи муташаккили ҷиноятӣ қарор гирифтаанд, ба мақомоти милиса муроҷиат намоянд.