UNITY dagi English Teacherdan ta’sirli she’r

Noshudman fe’limga yo'qdir poyona,
Yomg'irlardan ko'proq qilaman xato.
Sen meni shunchaki yaratmaganding,
Lekin men shunchaki yashadim ammo

Xayollar qo'rqitar illo bejasad,
Bor halovatimni qiladi tamom.
Yaxshiyam Yaxshiyam borsan qalbimda,
Sen borsan men borman beshak begumon.

Bilmam hayot yo'lim qanchalar uzun,
Senga o'z sabrimni qilaman tortiq.
Yurak faqat istar sendan rozilik,
Qul uchun bo'lurmu baxt bundan ortiq?

Balkim porlamasman keng osmonlarda,
Umardek etolmam Quddusni ozod.
Lek yurak urarkan ko'ksimda toki
Sening rahmatingdan tilayman najot

Xushxabar

Ancha avval Haqiqiy ustoz o'zi aslida qanday bo'lishi kerakligi haqida UNITY dagi Teacher Traininglar va nufuzli CELTA kursidan olgan xulosalarim asosida post yozgandim

Aynan mana shunday ustozlardan iborat Farg'ona shahridagi UNITY O'quv markazimizning Marg'ilon filiali ochilmoqda

Yaxshi holatda ko’rish

Birini Alloh uchun yaxshi ko’rganga katta mukofotlar va’da qilinadi

Iymon halovati nasib etadi

Allohning soyasidan boshqa soya yo’q kunda Uning soyasida bo’ladi

…

Yaxshi ko’rish o’zi nima?

Ota-onani, ustozni, do’stni, birodarni…

Hammasida umumiy holat bor

Yaxshi ko’rish birini yaxshi holatda ko’rish va shuni istash

Yosh bolani o’ynatayotgan, ularni xursand qilishga harakat qilayotgan kishiga nisbatan ‘bolalarni yaxshi ko’radi’, deyishadi

Ustozini doim xizmatida bo’lgan, uni yaxshi holatda bo’lishiga urinadigan bolaga nisbatan ‘ustozini yaxshi ko’radi’, deyishadi

Yaxshi ko’rish - Yaxshi holatda ko’rish bo’lsa kerak

Yoqmaydi, lekin…

Hayotimizni o’zgartirishni xohlaymiz

Buning uchun doimiy holatimizni, odatlar va harakatlarni o’zgarishi zarur

Xohlamagan ishlarni qila bilish talab etiladi

Erta turish, nimanidir o’rganish, kitob o’qish, tartib intizom, xatoni tan olish, uzr so’rash…

Bular qisqa muddatda yoqmaydi, uzoq muddatda albatta xursand qiladi

Zero

Eng muhim harakatlar hech qachon qulay bo’lmagan | Tim Ferris

Siz yoqtirmagan narsada o’zingiz uchun yaxshilik bo’lishi mumkin…[2:216]

#iqtibos

Agar meni holatim yomon deb o’ylasang, u haqiqatda yaxshimi, yomonmi nima farqi bor?!

Seneca

Ko’p narsa oldim, shulardan biri…

Pok niyat, ya’ni boshqa g’arazlarsiz niyat qilish

Tavakkul, ya’ni faqat O’zidangina umid qilish, Ungagina suyanish

Qaysarlik, ya’ni qilgan niyatiga amalda boshqa narsalarga ko’nmaslik, qat’iy bo’lish

Iymon degani aqldan emas, Yaratgandan.

Halol luqmaning ahamiyati

Najot ko’pincha kutmagan tarafdan keladi

…

Bugungi ko’rganim “Jannat onalar oyog’i ostidadir” kinosi shular bilan esda qoldi

#iqtibos

Qiyin ish - o’z vaqtida bajarilmagan oson ishlar yig’indisi

Muallifni kim ekanligini bilmadim, lekin o’ylab qarasa to’g’ri fikr

Majburman, o’zimga qolsa qilmasdim balki…

Muhit juda muhim o’zgarish uchun

Men doimiy kitob o’qish odatini yo’lga qo’ymoqchi bo’ldim va o’qishim kerak bo’lgan kitoblar ro’yxatini tuzdim

Zo’r boshladim. Bir kun ishim ko’payib o’qiy olmadim.

Shunchaki emas, balki ulgurmayapman shuning uchun o’qiy olmadim, deb o’zimni oqladim

Shu kabi holatlar ko’paydi. Natijada kitob o’qimaslik odatiga yana qaytib qoldim

Boshqacha bir usul qildik

Har oy hamkasblar bilan kitob oshi tashkil qildik.

O’qishga majburman

O’qimagan qatnashmaydi, ajrab qoladi. Bu esa hijolatli holat

Har oy markazda kitob bo’yicha zakovatni yo’lga qo’ydik. Unga o’zim mas’ul bo’ldim

O’qishga majburman

Zakovat uchun savollar tuzish kerak. Buning uchun yaxshiroq o’qish kerak

Muhit topolmasak, o’zimiz xohlagan muhitni yaratib olsak ham bo’ladi

O’zimga qolsa balki o’qiy olmagan bo’lardim…